اعتبر السودان خارج قائمة الدول المصدرة للنفط

[B][JUSTIFY][SIZE=5][FONT=Simplified Arabic]ده كلام غريب جدا! الكاتب الموضوع ده يا إما إنه عندو غرض سيئ (جماعات تشويه صورة السودان)، ويا إما أنو ما ناقش حاجة ولا يفهم في الإقتصاد – كحال كثير من الكتاب الذين يكتبون عن الطب أو الهندسة أو القانون وهم لا يفقهوت شيئا عنها إلا ما يتداوله العامة. إن مصطلح الناتج القومي الإجمالي ببساطة معناهو ((جملة الدخول الناتجة عن انشطه انتاجية قام بها مواطنو الدولة المعنية خلال فترة زمنية محددة غالباً ما تكون سنه، سواءً داخل او خارج الدولة)). وهناك مصطلح إقتصادي آخر هو الناتج المحلي الإجمالي والذي يعني (( قيمة السلع و الخدمات المنتجه داخل القطر المعني خلال فترة زمنية محددة غالباً ما تكون سنه)). والسودان فيهو رجال ونساء من البشر، وهؤلاء البشر شغالين. وبينتجوا منتجات زراعية وحيوانية ودهب وحلاوة حربه وأسمنت وحديد وبترول وطوب ورغيف وخلافه من الأنشطة الإنتاجية. ومنهم من هو شغال داخل السودان أو خارجه. لذلك لا يمكن أن يكون الناتج القومي صفر%. يبدو أن الكاتب يعني [SIZE=7][COLOR=#FF1F00]نمو[/COLOR][/SIZE] الناتج القومي الإجمالي. وهذا النمو من الطبيعي أن يكون صفر أو بالماينص أو زايد. يعني لو كان الناتج القومي المحلي GDP ترليون دولار السنة الفاتت وصار السنة دي أقل يبقى نمو الناتج القومي المحلي قد تأثر. أوروبا كلها كان نمو الناتج القومي المحلي بتاعها بالماينص مقارنة مثلا بالناتج القومي المحلي للصين. والسودان وصل نمو الناتج القومي المحلي بتاعه 10% وفرنسا في سنة من السنين 0% والإتحاد السوفيتي 250% وهكذا. فكاتب هذا الموضوع أغفل ربما عن قصد أو جهل عبارة (نمو) لينقل صورة محبطة للإقتصاد السوداني للعامة! إذ لا يمكن أن يكون الناتج القومي صفر إلا إذا كان الدولة المعنية ليس فيها ناس والموجودين مافي زول فيهم شغال.[/FONT][/SIZE][/JUSTIFY][/B]

نعم السودان من الدول المستوردة للنفط

حقيقة مفزوض كل الناس تعرفها