أسعار صرف العملات الأجنبية مقابل الجنيه السوداني

دي رساله للمسئولين والي كل من يهمه امرنا الماليه وناس بنك السودان تعرفو مسئله الدولار دي دمرت مستقبل طلبه انحنا طلبه بندرس بالخارج في( اوكرانيا)عندما خرجنا كان الدولار يعادل 2جنه انا رسومي الجامعه 2000دولارحسبناها 4سنوات 16 مليون مضينا علي عقد الجامعه كانت زمان بتعادل 4مليون دي غير الاكل والشراب اسه انا رسومي اليوم هي نفسها 2000 دولار بس بتعادل 14 مليون غير الاكل والشرب ندمنا اننا خرجنا بقينا ناكل عدس اكتر من ناس الجيش بعدين نحنا بقينا زي المركب العطلت في نص البحر لا قادرين نكمل دراستنا ولاقادرين نوقف مشكلتنا بقت اصعب من مشكله ابيي زات نفسها يعني الواحد بشوف البناه كلو بتهد قدامو انا من السنه الفاتت كاتب ضمان للجامعه بي باقي الرسوم والسنه دي برضوا كاتب ضمان يعني كمان بالطريقه دي بعد غربتنا حانخش السجن اسه انا مافيش لي خروج من هنا الا ادفع رسوم الضمان واذا جات المده وانا ماسددت كمان حااشرف السجن وانا بعرف كثيرين عندهم نفس حالتي منهم من ترك الدراسه وقدم اللجوء السياسي عشان يتحصل علي الاقامه والله شباب سودانين كثيرين مستقبلهم ضااااع منو المسئوول من الطلاب ديل انحنا ماشحادين ماعاوزين دولار مجان بس ياريت تراعوو للموضوع دا ويكون في دعم للدولار بالنسبه للطالب يستقر الدولار في سعر معين مثلا كل سنه الطالب ياخذ 5000 الف دولار للرسوم والمعيشه مدعومه ومن اراد الزياده تكون من غير دعم ممكن نجيب اثبات من الجامعه بالرسوم ده نحنا ماتجار عشان تحاربونا ارجوكم اهتمو بالموضوع دا قبل ما نتحول من طلبه لي مساجين والله بقينا متابعين اسعار الدولار اكثر من ناس بنك السودان وبنتكلم عنو اكتر من التجار حراااام والله ي المسؤولين من الموضوع ده مستقبلنا في زمتكم يعني الواحد يدرس 3سنوات يبقالو سنتين يخليها ي جماعه رسومنا من 4 مليون بقت 14 بالاكل والشرب والسكن 24مليون عندي صحبي قال لي تعرف انا لو تميت دراسه البكلاريوس دا تاني الماجستير ده ماببداه حتي علي حساب الحكومه لانها حكومتنا دي بقت مامضمونه
انا اتقابلت بي شباب ضاعو من زمن الاتحاد السوفيتي حصلت معهم نفس المشكله بعضهم له 20 عام والبعض 15 اتو ايضا دراسه؟ ولكن؟ وانتهي بهم المطاف المشكله زاتها نفس المشكله بس اختلاف الزمن والله الواحد بقي يخاف لمن يري مثل هولاء وانو ممكن يحصلهناعما قريب نفس الشئء
نحنا هنا والله معنا علم بس لو الدوله تهتم بنا ننفع نفسنا وننفع بلدنا ونعلم طلبتنا في بلادنا والله الواحد في نفسو يتعلم اكثر بس لازم تتزاح هذه العوائق من امامنا وهنا رايت بام عيني الطلبه السودانين اثبتو كفاءتهم امام الطلبه الرووس وامام الصينين ومن جميع انحاء العالم وتحصلو علي دجات اعلي منهم وكسبو احترام الدكاتره ياجماعه لا يرتفع مستقبل البلد الا بالعلم ممكن نصين طائراتنا الي هي من الاتحاد السوفيتي في مطار الخرطوم بدل نرسلها لروسيا ونخسر ملايين الدولارات ادعمو الطالب الان بالملالين
هذه مشكله الطالب السوداني هنا وفي الهند وفي كثير من الدول
الموضوع يطول والماسي اطول وكان نفسنا نقدم بلدنا والاهم كان مفروووض نحسبها صااح حسبناها علي 4 بقت 24 نرفع شكوانا الي الله ارجوكم ي ناس النيلين تنشرو الموضوع دا في الصفحه الرئيسيه بعنوان شبح الدولار يطارد الطلبه طالب كتب علي مستقبله (الواحد كان نفسو يتعلم حاجه) ولكم مني جزيل الشكر وماعلي الرسول الا البلاغ المبين .