شعبان عبدالرحيم: يا عربى يا عينى عليك قاعد مستني أوباما علشان ياخد بأيديك

يستعد المغنى الشعبى المصري شعبان عبد الرحيم الشهير بـ”شعبولا ” لتصوير كليب جديد بمناسبة فوز أوباما برئاسة الولايات المتحدة الأمريكية.

شعبولا الذي يطلق على نفسه مطرب الـ cnn لأن هذه المحطة التليفزيونية الأمريكية الشهيرة أجرت معه حوارا بعد أغنيته “بأكره إسرائيل” أعتاد ألا يفوت مناسبة هامة دون أن يغني لها عارضا رأيه فيها.

وفي الأغنية الجديدة التي اختار لها عنوان “يا عم عربي 2” تمييزا لها عن أغنيته السابقة “يا عم عربي” يقارن بين بوش واوباما منتقدا تهنئة الزعماء العرب للرئيس الأمريكي الديمقراطي المنتخب، متعجبا من فرحة العرب بفوزه

كلمات الأغنية

تنتقد كلمات الاغنية التى كتبها مؤلفه الملاكي “إسلام خليل” الموقف العربى من فوز اوباما وهي كالتالي:

أنا شايف الإبتسامة والفرحة ع الوشوش
اياك بارك اوباما ما يكونش زي بوش

مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس

خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه

لسه فلسطين محتله والحرب في العراق
والناس عايشه في مذله وعداء يجيب عداء

مهما هيعمل اوباما ويلف شمال ويمين
لا يرجع الحريري ولا حتي الشيخ ياسين

عرفات مش جاى تانى اللى عاش ايام سواد
ومات والكل عارف بحركات من الموساد

يا عربى الف سلامة يا عربى يا عينى عليك
قاعد مستنى اوباما علشان ياخد بأيديك

ولا بوش ولا اوباما هيفكروا ابدا فيك
يا عربى مفيش غير ايدك هى اللى راح تحميك

بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين

ما هو بوش ابن المجنونة شعللها في كل مكان
افغان وعراق وغزة واخرها سوريا كمان

هيعمل ايه اوباما في مصايب بوش وابوه
ما سابوش مكان في العالم الا ما خربوه

مجاعات وأزمة ماليه وخرب ودمار وحروب
اهو غار ابن المؤزية وسايبهالنا ع الطوب

العربية نت