التعرف على فتاة احلامك قد يكلفك 1000 دولار امريكي

[B][SIZE=5][FONT=Arial Black]هههههاي
الف دولار ليه
ح تعرسوا لي كرداشان
الف دولار دي تعرس ليك في الزمن دا بدون واسطة
وتعزل ليك احلى بت كمان
[/FONT][/SIZE][/B]

قال السبب الرئيسي في تقديم الخدمة بالقروش هو ( والسبب الأساسي لتحويل الخدمة لمدفوعة القيمة هو لإثبات الجدية وإبعاد المشاغبين وضعاف النفوس من الموقع) .
أولا إثبات الجدية ما بالقروش لانو عادي جدا ممكن ادفع قروش واكون ماجادي وعندك مثال انو كتير من الشباب بشحنوا رصيد اسكايب عشان يتونسوا مع البنات في المنضمة والكلام الفارغ , عندي صاحبي مكمل ماهيتو كلها على برنامج الاسكايب , يشحن ويتصل وهو لا عايز يتزوج ولا يحزنون. بعدين اغلب الدايرين يتزوجوا عن طريق النت هم في الأصل فقرانين وماعندهم القدحة , اما العندهم قروش هم لا دايرين يتزوجوا ولا شي بكملو قروشم في الفارغه ساي يقعد يحنكو البنات بواسطة التلفونات وفي مواقع الشبكات الاجتماعية وديل مستعدين يدفعوا عشان يشبعو غريزتم من اجل المتعه مامن اجل الجدية , فآشنو ياموقع زواج النيلين كان دايرين تعملوها بي قروش اعملواها الموقع موقعكم وانتو احرار تعملو الدايرنو بس ما تتعلقو في شماعة ( عايزين نعملو بي قروش عشان نبعد المشاغبين الماجادين) لانو ده العذر الاقبح من الذنب ذااااتو وبعدين في حاجة تانية داير اقولا ليكم نصيحة, انا عارف انو موقعكم بيلزمو مصاريف عشان يستمر يقدم خدمات للناس , بس المصاريف دي ممكن تجيبوها من خلال نشر الاعلانات بتاعت عمكم قوقل او نشر اعلانات غير قوقل ودي بتغطي ليكم نفقات التكلفة لانو صدقوني الناس الانتو بتقول عليهم مشاغبين ديل كلهم ماجادين في الزواج ومستعدين يدفعو مقابل مالي ويستفيدو من العضوية الذهبية في مشاغلة بنات حواء . في نفس الوقت حاتلقوا انكم فعلا ما عالجتو مشكلة عدم الجدية دي بالعكس حرمتو زول مسكين فقران مفلس من انو يمكن كان يلقى ليهو وحده موظفة يعرسها وتساعدو في تاسيس شغلانية يكون بيها نفسو وصدقوني اغلب الشباب البفتشو للعرس مفلسين ومقحطين وعشمانين في نظرية ( عرس ليك موظفة ونوم قفا _ لا مصروف حلة ملاح ولا قفة) . في الختام عشان ماتقولو الزول ده من الجماعة المشاغبين فآشنو انا معرس اتنين والحمد لله بس حبيت اقول ليكم انو السبب القلتوه ده وعملتوه سبب رئيسي عشان الناس الشباب يدفع ليكم فلنكوت ده ماسبب نهااااائي و….. الله يوفق كلو زول ماعندو مرة يلقالو مرة

[B]اصلو انتو يا السودانيين لا يمكن تعملو حاجة لله ، بعد ما شفتو اقبال الناس العزاب المساكين ديل باعداد كبيرة على موقعكم اصابكم الجشع و الطمع و ابت نفسكم الا تكون بى قروش ، و بعدين 1000 دولار خدمة مميزة دايرين تعرسو ليه منو، انجلينا جولى ؟؟ [/B]