منوعات
مذيعة تستعين بشيخ لـ ” فك العارض ” من اجل الزواج
وتعود التفاصيل حسب مصادر مطلعة زيارة الإذاعية المعروفة لشيخ شهير يقطن جنوب الخرطوم وترددها لمرات كثيرة وذلك من اجل ” فك العارض ” والذي بسببه فقدت ثمانية عرسان حسب اعتقادها بعد أن اكملوا كافة تفاصيل الزواج وفي التاريخ المحدد يسافر أو يختفي العريس أو يتعلل برفض أسرته المفاجئ ، الأمر الذي دعاها للاستعانة بشيخ وهناك عريس تاسع يطرق بابها للزواج منها حتى لا يلحق بالعرسان السابقين وأبدى الكثيرون دهشتهم لاستعانة إعلامية بشيخ ” لفك العارض ” . في الوقت الذي يسعى فيه جميع أفراد المجتمع لمحاربة الدجل والشعوذة وعدد من العادات الضارة ، والإيمان بقضاء الله وقدره وان لكل أجل كتاب .
صحيفة الدار
دا كلام فارق قولي انك شينة جدا
توجد آيات وأوراد معينة في النت وممكن أي واحد يفك عارضه بنفسه. والفكي المشيتي ليهو دا بسجمك والأيام دا الشيوخ لامين إغتصاب في الشفع تقومي تمشي ليهم براكي.
العاشر حيطفش بسبب عقليتك
والعريس داير لو بنية
ما مشت لفكي ولا عندها نية
يا بت الناس يوم ربنا يكتب قسمتك تجيك لغاية عندك …وكل العرسان الطافشين ديل ما قسمتك …بس انفضحتي
والله دة كلام فاااااااااااااااااااااااااااااارغ والله العظيم هم الجايبين العوارض لى روحهم بالعمايل البعملوا فيها ….. عليكم الله يو امس الحضر حلقة مساء جديد منو ما شفتو المذيعة سهام بعد نهاية الحلقة وقبل ما تنزل الشارة نطت فى المذيع الاسمة حذيفة والله مرقنو رجلينة هسة دى بى جنس خفتها دى البعاين ليها منو ….. ربنا يهدى
سلام عليكم
قال تعالى: {أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ } [البقرة: 61]
وقال صلى الله عليه وسلم: ” مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ ” أخرجه أحمد وغيره بسند صحيح
يجب عليك أيتها الفتاة أن تتوبي وتستغفري ربك، لأن الذي تقومين به فحكمه واضح ولن تزدادي من الله إلا بعدا ولن يأتيك إلا ما كتب الله لك.
[B][SIZE=5][FONT=Arial Black]عايزة عارضك يفك وبورتك تتحل
سيبك من كلام مذيعة دا
والزمي بيتك وألزمي طريق الله[/FONT][/SIZE][/B]
اذا العريس التاسع فرتق استعينى بالله وانا جاهز لا عارض ولا بطيخ
إن كان صحيحا فتوبي إلى الله من الاستعانة بالمشعوذين، ولكن لو قلت لشخص معروف عنه الصلاح ادعو لي إن شاء الله ما فيها حاجة. وربنا يعينك ويزيل عنك العوارض – آمين.
والله انا اتمنى لأي بنت عايزة بس السترة الزواج بالحلال بأي عريس ما يهمها الشكليات والتعليم بس يكون متدين ويخاف الله ويسترها ،، ان شاءالله عاجلا غير آجلا ربنا يرزقها ويحقق امنياتها في الزواج ،،، بشرط ان تلتزم بيت والدها وتصلي الصلاة في وقتها وتقرأه القرآن وتستعين بالله ان يرزقها وليس غير الله من رازق
أها,,,لو التاسع عارض تاني تمشي للدجال عشان إفكك منه?
والله سهام دى يا ناس النيل الازرق لو خليتوها تكون على الدنيا السلام والفاتحة على قناة النيل الكنا متوسمين فيها خير وانها من احسن القنوات … لابسة الطرحة والاكمام تقول القبة تحتها فكى …. قايتو البورة خلت البنات جنو