كوش نيوز .. أخبار السودان بين يديك

عندما قال وزير الدفاع لاسامة عبدالله : إنتو طوابير ولاّ شنو رجعوا لينا الكهربة دي هسي!!



شارك الموضوع :
يقال والعهدة على الراوي إنو الرئيس البشير مرة أدى وزير الكهربة والسدود أسامة عبد الله توجيهات بإنو يقطع الكهربة من أي مؤسسة حكومية أو أي وزارة ما تدفع الفاتورة، وقالو قال ليهو لو القصر الجمهوري ما دفع طوالي تقطع منو الكهربة ما تجامل أي جهة… قال ليك وزارة الدفاع مرة كدى ما دفعت، وقامو طالبوها، وطالبوها لمن فترو منها، قام طوالي أسامة عبد الله ما كضّب، قطع منهم الكهربة… عمنا عبد الرحيم جا خاشي ليك القيادة لقى ليك المولدات تقول وا غُربتي، اندهش لي مصدر الإزعاج افتكر الكهربة دي انضربت ولاّ حاجة زي دي… سأل الناس في الوزارة الحاصل شنو يا جماعة… قالو ليهو: دا أسامة قطع مننا الكهربة… عم عبد الرحيم استشاط غضبًا وما كضّب ركب عربيتو طوالي مشى لي أسامة… قيل وقتها إن أسامة عبد الله كان في اجتماع.. فاقتحم وزير الدفاع قلعة الكهربة وأطلق سراح الأسيرة «كهربة القيادة» قبل أن يقول مازحًا لأسامة: إنتو طوابير ولاّ شنو رجعوا لينا الكهربة دي هسي… ضحك أسامة من المزحة وقال لصاحبو: والله إنت عارف ياسعاتك دي توجيهات الرئيس…. الرئيس؟! بأبي وأمي أنت يارئيس الجمهورية… دفع وزير الدفاع الفاتورة عدًا نقدًا، ورجعو ليهو كهربتو بعد الدفع… أبو الزفت شفافية ولاّ ما شفافية..

صحيفة الانتباهة

شارك الموضوع :

8 التعليقات

إنتقل إلى نموذج التعليقات

      1. 1

        ده زمن صحافة ابو الزفت

        الرد
      2. 2

        [SIZE=3]بأبي وأمي أنت يارئيس الجمهورية…
        بس نفسى اعرف الصحفى الكتب الكلام دامنو ؟ [/SIZE]

        الرد
      3. 3

        كلام خارم بارم

        الرد
      4. 4

        [B][SIZE=5][FONT=Arial Black]أبو الزفت أيه
        دا كلام يتكتب في صحيفة
        إنتو الصحفي دا قريب الحلو ولا شنو[/FONT][/SIZE][/B]

        الرد
      5. 5

        ابو الشفافيه زاتو …
        وابو التملق ودق الطبول
        ياخي قرفتونا ياناس الانتباهه

        الرد
      6. 6

        سمج

        الرد
      7. 7

        [COLOR=#70A14B][B][FONT=Simplified Arabic]عرفنا انو وزير الدفاع اهبل وعبيط برضو البكتبوا عنو بقوا زيو ولا شنو ؟ الكاتب الاهبل ده السمح ليهو يكتب منو ؟ بلا ياخد الانتباهه وصحفييها كلهم .[/FONT][/B][/COLOR]

        الرد
      8. 8

        كان هذا حوار تم بين وزيري الدفاع الكهرباء وترجم علي قلم صحفي ونشر علي جريده رئيسية (فانت ي سودان لاتملك من اسباب التقدم شئ) واخجلتاااااه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس