اقتصاد وأعمال
إتحاد أصحاب العمل: دفع تحويلات المغتربين بالعملة الأجنبية يسهم في استقرار الإقتصاد
وقال رئيس غرفة المستوردين وأمين السياسات بالإتحاد سمير أحمد قاسم لـ(smc) إن القرار جيد ويسهم في توفير العملات الأجنبية في المصارف المقدرة في العام بـ(3) مليار دولار والتي تساعد البنك المركزي والمصارف في توفير الاعتمادات المالية للمستوردين، مشيراً الي أن هذه التحويلات في السابق كانت خارج الجهاز المصرفي ولا تستفيد منها الدولة.
وطالب سمير بضرورة منح المغتربين سعر تشجيعي لتحويلاتهم لتعزيز الثقة في وتشجيعهم علي تحويل أمواله عبر المصارف، داعياً في الوقت نفس البنوك والمصارف التجارية لتحسين جودة الخدمات البنكية وتسهيل التحويلات الواردة وعملية فتح الحسابات بالنقد الأجنبي للمغتربين بجانب توسيع شبكة مراسليها بالخارج وفتح مكاتب صرف في السفارات بالإضافة إلى العمل على انتشار فروعها في مختلف مناطق السودان والتحويل عبر الفروع ومكاتب الصرف الريفية.
smc
[/JUSTIFY]
والله والله المغتربين ديل تانى اكان شتتو ليهم سكر مابحولو بالبنوك ؟ قال سعر تشجيعى قال ؟ شجعو الصادرات .. وخليكم من شغل التلاته ورقات ده
بالله عليكم
لايلدغ المؤمن من جحر مرتين- خليك من مرات عديدة.التحويلات ,مشروع سندس والوادي الاخضر وووو
خلاص المغتربين فقدوا الثقة في قرارات بنك السودان .
ياخي انا مرة اتعاملت بحسن نية ( عوارة ) وحولت عن طريق البنك بعد صدور احدي القرارات وقلنا ندعم اقتصاد بلدنا ولكن تفاجأت بان الشخص المستلم يتصل بي ويخبرني ان البنك رفض تسليمه البلغ المتفق عليه وورفض ان يسلمه التحويلة بالعملة الصعبة.
قال سعر تشجيعى قال .. والله لو شتتو لينا سكر عدييييل كده ..
التحويلات تشموها قدحه !!!
تلقوها عند الغافل يا حرامية ” رجال أعمال + حكومة”
الحكومة لاتريد التحويل عن طريق البنوك لانها هي التي تتاجر في العملة لان مصلحة الوطن آخر اولوياتهم لانهم يتهافتون للمراكز للنهب وجمع الاموال ليس الا . لك الله ياسودان من من حرامية الانقاذ . الذين باعوا المشروع الحضاري .
لا سعر تشجيعي ولا سعر تدريبي !! الطريقة واضحة وبسيطة وهي إصدار قرار بإعفاء سيارات المغتربين من الضرائب والجمارك (ونحنا ما طمعانين سيارة واحدة فقط لا غير لكل مغترب طيلة عمره الاغترابي وزيادة في الخير وعشان ما تقولوا تجار العربات راح يستغلوا المغتربين واحدة فقط حتى ولو تعدد اغتراب المغترب ) على أن يقوم المغترب بتحويل مبلغ محدد (5 أو 10 أو 15 الف دولار بالسعر الرسمي أبو أربعة جنيه ده الرخيص ده) أما بقية الحوافز حأقولها لمن توافقوا على إعفاء السيارات آها قلتوا شنو؟
ولاريال مابنحولو عشان ودعوض الجاز يهربها الي الخارج
يرحم الله الفنان حسن خليفه رحمة تدخله جنان عدن.
افارقكم افاركم
اصدقكم اصدقكم اصدق اصدق كيف و انا الديما مدقس و لفلوسي دافق
و انا المشتاق لقروشي الزائده عن حاجتي
و اديكم علشان تعملوها نثريات و الباقي لي ماليزيا
انتم اكلتم بعض خلينا نحن المغتربين
لكن مالو؟ ما كتير دقسنا يمكن العتره تصلح المشيه لينا و ليكم
و عوك يا ود تكتوك
تلقوها عند القافل و الداقس
المشكلة الدولة بقت نايمة علي تحويلات المغتربين بدل انها تشجع الصادرات والزراعة , وكدا المغترب بقى بين مطرقة الدولة المغترب فيها وبلدو
كان الله في عونهم
الناس دي لمتين اقتصادهم مبني علي الاوهام قبل انفصال الجنوب اعتمدوا علي ترحيل البترول والدهب واسي عايزين اعتمدوا علي المغتربين في توفير العملةالصعبة معقولة فكروا بطريقة نرفع بيها صادرتنا غير البترولية بدل الاوهام وبعدين منو البفكر احول قروشو للسودان مع الجنية المنخفض كل يوم دا