كوش نيوز .. أخبار السودان بين يديك

البشير يتسلم (10) كيلو ذهب هدية من شركة صحارى للشعب السوداني



شارك الموضوع :

[JUSTIFY]تسلم المشير عمر البشير رئيس الجمهورية امس عشرة كيلو ذهب هدية من شركة صحارى للتعدين هدية للشعب السوداني بمناسبة بدء إنتاجها ، واستقبل البشير امس بمجلس الوزراء كمال عبد اللطيف ووزير المعادن ووفد الشركة برئاسة حسين حاج علي رئيس مجلس الإدارة .

وأوضح وزير المعادن في تصريحات صحفية عقب اللقاء أن شركة صحارى تعمل بمحلية بربر بولاية نهر النيل وتقوم خطتها على إنتاج طن من الذهب في العام ثم تضاعف الإنتاج في العام التالي ليصبح طنين ، وأبان سيادته أن الشركة تمكنت من اكتشاف 14 طن من الذهب في خمسة مواقع ولا زالت عملية الاستكشاف مستمرة ومن المتوقع أن يرتفع الاحتياطي إلى ثلاثة أو أربعة أضعاف خلال الستة اشهر القادمة .

وقال أن ما يميز شركة صحارى أنها شركة سودانية بحته وهذا يأتي في إطار سياسية وزارة المعادن المستمدة من سياسية الدولة الرامية إلى تشجيع رأس المال الوطني على الدخول للاستثمار في قطاعات التعدين .

من جانبه قال رئيس مجلس إدارة شركة صحارى أن الشركة تعمل في مربع 25 غرب بربر وبدأت إنتاجها الفعلي في اواخر مارس الماضي .

صحيفة آخر لحظة
ع.ش
[/JUSTIFY]

شارك الموضوع :

8 التعليقات

إنتقل إلى نموذج التعليقات

      1. 1

        يعني كيف للشعب السوداني ؟؟؟؟؟

        واذا صح الخبر فلا يحق ان يستلم الرئيس هدية من شركة ولا وزارة المعادن ولكن في تقديري ان يتم تسليم المبلغ لوزارة المالية وبأرنيك خمستاشر اكرر اورنيك خمستاشر(15).(فهلا جلست في بيت امك وابيك فتنظر ايهدي اليك ام لا )

        الرد
      2. 2

        والمقابل شنو ، بعد كدة مافي حد حيقدر يقرب عليهم ، لا جبايات ولا رسوم ولا جمارك ولا ……….. إلخ ، ديل بيرسموا لقدام ـ بالبلدي كدة ( رشوة ) .

        الرد
      3. 3

        اعرفو من هم ملاك شركة صحارى .. وسيزول العجب

        الرد
      4. 4

        جزاك الله خير أنت ووزيرك الهمام دكتور كمال عبداللطيف .. وربنا يحفظكم وينصر سعيكم ..

        الرد
      5. 5

        بختك يا وداد الدهب جاك فى البيت ياربى كمال عبد اللطيف اخد كم كيلو

        الرد
      6. 6

        للشعب السوداني وله للمؤتمر الطيني؟

        الرد
      7. 7

        يامن يسمى نفسه وطنى .. هل تسمية نفسك تعطيك الحق في تقييم من يعلق على خبر ؟؟ خليك فى الخبر واختاهو درب المعلقين ..

        وبعدين يا اخى اذا عاجبينك الناس الفاتحين محلات اتصالات والناس في الخرطوم شغالة .. كان تقعد هناك هجيت من البلد مالك ؟؟

        وانا شخصيا لاسمعته .. ولا حكو لى .. ولاحتى حلمته .. بشركة تعدين تشيل ليها هديه عشرة كيلو دهب لرئيس جمهورية .. واتلفت حولك من افقر دول ( تشاد وجيبوتى والصومال ) لاغنى دول النرويج والمانيا وامريكا وسلطنة بروناى .. وغيرهم .. الا في بلدنا التعيسه بامثال البشير وكمال عبيد ..

        وبشبش وبقية العقد المصون انصح منك .. حقهم بياخدوهو بره البلد .. ولا في واحد فيهم بتلقى حاجه باسمه ( او كما ردد المامتعافى : انا ماكيشه عشان اكتب حاجه باسمى … ) .. والمابيشوف بالغربال قالو يبقى اعمى .. واتمنى انو عماك مايكون عمى بصيره

        الرد
      8. 8

        ياوطنى ( دى بالمناسبة من الوطن السودان ولا من المؤتمر الوطنى؟ ) من اختاره رئيسا ؟؟ .. ان كنت انت قد اخترته انا لم اختاره ..

        وهو اساء الى نفسه باساءته لوطنه .. واولها فواصل الرقص المتواصله

        بمناسبة وبدون مناسبة وماتقول لى ( تواضع..عاداتنا.. عرضه ووووو ) ..
        الرزانة عنوان رئيس الدولة الا انه هو نفسه غير مصدق حتى بينه وبين
        نفسه ان قد حكم طوال هذه السنين .. وبرضو اتامل رؤساء الدول حولك
        ياخى مصر الكلها رقاصات وطبالين وممثلين .. مافيها الكلام الفاضى ده ( ومن يهن يسهل الهوان عليه ) وبعدين الكلام عن جكومة الحرامية وليس عن السودان .. السودان باقى قبل البشير وبعد البشير بوجود البشير او عدمه .. واعيش بحمد الله وفضله .. لا اظلم ولا اكل حقوق الناس ولا ابحث عن مناصب وقد عايشت فسادهم شخصيا .. وسمعته من افواههم مباشرة وهم يتبجحون به ولم يكن ذلك اضغاث احلام .. او نقلا لكلام من شخص لاخر او ونسة قعدات وان كانت الدنيا تسير على فهمك .. بان من يعمل تحق له السرقة .. الله يكون فى عونك .. لانو الكفار اتقدمو وعملوا لبلادهم ان كان ماخوف من ضمايرهم على الاقل خوف من انظمتهم وبرضو اسمهم عملوا .. لكن البيقلك هى لله لا للسلطة ولا للجاهة ( ده طبعا لما انته تطلب ) لكن ليهو تلقاهو مكنكش فيها ويغرف يمين وشمال وفى الاخر يجى واحد زيك يبرر ليهم ويقول ليك ما.. شغالين .. ربنا يشغلهم فى انفسهم عن عباده ان شاء الله .. في زول جبرهم على الشغل ابو سرقه ده مايتكلو على الله ويختوها ..
        ونصيحتى لك خالط الناس من جنسيات متعدده ومواقع اجتماعية وادارية مختلفة .. اقرأ واطلع .. وتفكر في ماحولك .. شغل مخك .. وان كان هنالك من يوجه تفكيرك .. فلا تعتقد ان كل الناس مثلك ..

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس