كوش نيوز .. أخبار السودان بين يديك

الشيخ محمد أحمد حسن يحذر من آكلي لحوم الحمير في السودان


شارك الموضوع :

حذرت فتوى أطلقها الشيخ محمد أحمد حسن من فتح باب بيع الحمير لمن يتخذونها مطية لمل بطونهم دون ركوب ظهورها ، مبيناً أن هذا الباب حال فتحة سوف يلج منه ضعاف النفوس من الجزارين فيبيعوا للناس لحوم العجول مخلوطة مع لحوم الحمير . وقطع الشيخ حسن بعدم جواز بيع الحمير لمن يأكلون لحومها وبيّن أن المباح فقط هو لحم الحمار الوحشي . وقال الشيخ حسن في سياق فتوى طلبها أحد القراء ، ان بيع الحمير لأناس يأكلون لحومها ممنوع والمال الناتج من هذه البيعة محرم في الشريعة الإسلامية . وأكد ان فتح هذا الباب سيجعل بعض ضعاف النفوس من الجزارين يذبحون الحمير لخلطها بلحوم العجول ، وبحسب صحيفة حكايات أضاف : ( أوعكم تفتحوا الباب ده ، لو فتحتوه تاني ما بينقفل ، لأنو ديل حيقوموا يشتروا الحمير ويأكلوها ، يبقي تكونوا انتو السبب وتكونوا سنيتو ليكم سنة سيئة والمبلغ البتقبضوه من بيع الحمير ده حرام عليكم ، انتو بتبيعوا الحمار عشان يركبوه وده حلال . لكن لو بعتوهو لاكل لحمه حرام عليكم) .

شارك الموضوع :

4 التعليقات

إنتقل إلى نموذج التعليقات

      1. 1

        صحيح الاشياء كلها صارت مقلوبة يعني نحنا اغنى دولة فى العالم بالثروة الحيوانية المحلل اكلها شرعا . إذا دة حصل من بعض الناس ارجوا أن يتقوا الله في البشر

        الرد
      2. 2

        نجرجررررر الم تنسى بيرقر حمير واسكلوب حميرى وهوت دوج حميرى والشرموط السنة دى حا يكون من فخدة الحمير وقالو ليك الحمير دى فيها جنس اقاشى والعجيبة شوربتو تخلى الواحد يهنق على طول

        الرد
      3. 3

        إتخيلوا انحنا بناكل لحم الحمير نيفة راس حمار و كوارع حمير و كمونة حمير و إضنين حمار مسلوقه و جقاقجق الحمار اكيد جقاقجق الحمار طبعا بتكون كبيره و اكبر حجم بكتيرررر عن العجالي و الله يا شيخ فتوتك دي قلبت بيها بطنا مع الصباح هو انحنا ناقصين حمرنه عشان ناكل لحمتو هههههههههههههه

        الرد
      4. 4

        انا حاسي انو الموضوع ده ليهو كم سنة ياوب عرفت السبب ليه تفكيرنا بقى كده
        وانا اقول ليه قدر مااشوف لي حماره اهنججججججج

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس