[ALIGN=JUSTIFY]بناءاً علي قرار والي الخرطوم د. عبدالحليم اسماعيل المتعافي رقم (4) للعام 2009م والخاص بتكوين لجنة ولائية للاعداد للاحتفال بدخول كهرباء سد مروي لولاية الخرطوم رأس المهندس جودة الله عثمان وزير الزراعة بولاية الخرطوم اجتماع اللجنة بقاعة مجلس وزراء الولاية بحضور معتمدي محليات امدرمات وامبدة وكرري والمعتمد برئاسة الولاية وامين حكومة ولاية الخرطوم وممثلين للمجلس التشريعي وادارة السد والشرطة الولائية واكد المهندس جودة الله عثمان رئيس اللجنة العليا للاحتفالات ان الاحتفال الجماهيري سيقام بمنطقة المرخيات في يوم 10/3/2009م بمشاركة رئاسة الجمهورية وكافة الفعاليات السياسية وابان ان الاجتماع خلص الي تكوين عدد من اللجان الفرعية للاعداد والحشد والاعلام والامن من جهته اشار الفاتح عزالدين معتمد محلية امدرمان الي عظمة المناسبة وقوميتها داعيا الي اشراك كافة قطاعات المجتمع لابراز الحدث وانعكاس ايجابياته علي المواطن وابان ان الاحتفالية ستشهد برامج وليالي ثقافية وشعرية وغنائية وحماسية هذا وستفتتح خلال الاحتفال المحطات الفرعية للكهرباء بمنطقة الكباشي والمرخيات كأكبر محطات للكهرباء بولاية الخرطوم .
المصدر :سونا[/ALIGN]
اذا كان الاحتفال القصد منه دخول كهرباء سد مروى لولاية الخرطوم … فدخولها الفعلى واستفادة الموا طنين منها وثبات الامداد الكهربائى لهم بدون قطوعات هو الانجاز الاكبر والاحتفال الكبير والحقيقى .. ومافى داعى لهذا الصرف البذخى وهنالك خدمات عدة يستفيد منها المواطن احق بهذه المبالغ التى ستصرف فى مثل هذه الاحتفالات( المافى ليها داعى )
حقيقة ان انجاز سد مروي سابقة ليس لها مثيل، لكن يا جماعة الاحتفالات الكتيرة دي ما في ليها داعي وفلوس بالمليارات في اعداد الاحتفال وبذخ ومآكل من ورائها وناس تانيين بفتشوا لكسرة بايتة ولغطوة في الشتاء في المعسكرات سواء داخل الخرطوم أو النازحين من مهاجرية أو نازحي دارفور بشكل عام.. يا ناس مبروك السد لكن المساكين ما بيستفيدوا من الهيصة والجعجعة البتسو فيها دي.. فالقرش الأبيض لليوم الأسود ونحنا أيامنا كلها سواد..
ايوة كدة يا والى كلما الحرافيش بتوع الامم المتقوقعة ديل يتهموا ويكوركو ردوا عليهم بالانجازات وانجازات وراء انجازات خليهم يموتوا بغيظهم ودى الكهرباء ومن قبلها البترول كمان دايرين لينا واحد مفاعل ننوى عشان نحمى بلادنا من المتغطرسين ديل ما شايفنهم الليلة يهددوا فى ايران وبكرة يجروا واطى ودايرين مفاوضات وايران تسمع وماشة فى برنامجها ولا يهما وبكرة تكون دولة عظمى يحسب ليها الف حساب والحمد لله المواد الخام عندنا بالهبل بس شوية تقنيات كدة والموضوع يمشى وخليه يتهرسوا بغيظهم:lool: :lool: :lool:
صحيح إن الحدث كبير وهام وحلم ينتظره أهل السودان من زمن ومفخرة للجميع ، وقد سمعنا أيضا بأنه قد تم جمع 50مليون للإحتفال بافتتاح كوبري توتي ، ولكن أهل السودان أولى بما تنفقون في مثل هذه المناسبات ، وأتقوا الله فيما تنفقون ،….
ويا حكومة الخرطوم لقد نقلت لنا ألأخبار من كم يوم أخبار المشردين الذين ينامون في مواسير المجاري وأتلفوها سواء عن قصد أو من غير قصد ، لماذا لا نؤمن لهم المأوى بجزء من هذه الأموال … وماذا عن العاطلون عن العمل وغيرهم كثيرون ممن هم بحاجة الى هذه المبالغ خاصة في هذا الظرف الحرج … والله من وراء القصد