كوش نيوز .. أخبار السودان بين يديك

إستمرت أسبوع واحد: فشل زيجة إنترنت سودانية


شارك الموضوع :

لم تعمر زيجة تم التعارف فيها بين الزوجين عن طريق الإنترنت في السودان سوى أسبوع واحد وقع بعده الإنفصال وعادت العروس إلى أهلها تبكي حظها العاثر.
وبدأت رحلة التعارف بين الزوجين عن طريق الإنترنت حيث يقيم الشاب في العاصمة المصرية وتقيم الفتاة في الثورة بأمدرمان. وإستمرت العلاقة بينهما لأكثر من عام دون أن يلتقيا وجها لوجه وقد قدم الشاب نفسه للزواج وعرف الفتاة بأهله (وأصله وفصله) وقال إن أهله جاهزين لطلب يد الفتاة من أسرتها وبعث بصورته للفتاة في الإنترنت وقد تبادلا الصور والمشاهدة بالكاميرا وتمت الموافقة من الطرفين رغم تحفظ بعض أفراد الأسرتين على الطريقة التي تم بها التعارف.
إكتملت مراسم الزواج وسافرت الفتاة إلى زوجها وهي تحمل أحلاماً كبيرة في مستقبل مشرق وحياة زوجية سعيدة لكن سرعان ما عادت بعد أسبوع تبكي وتندب حظها العاثر لفشل الزواج بعد الإختلاف الحاد بينها وبين زوجها وقالت لأسرتها إن الواقع يختلف كثيراً عن الصور الخيالية التي قدم بها العريس نفسه!

صحيفة آخر لحظة

شارك الموضوع :

19 التعليقات

إنتقل إلى نموذج التعليقات

      1. 1

        عجبنى ليكي عشان تانى تبطلى عرس أخنق فطس ده

        الرد
      2. 2

        فى وحدة تتزوج بالطريقة دى ؟ معقول الزواج فقد قدسيته للدرجة دى فى الزمن الغريب ده؟

        ولو فتشنا يمين وشمال ولقينا ليها العذر حتى لو قلنا جنت

        طيب اهلها ما لهم ؟ جنو برضو عشان يسيبوها تعمل فى روحها وفيهم كده؟

        قصص غريبة فعلا (؟) (؟) (؟)

        الرد
      3. 3

        والله الزمن ده اضمن حاجه انك تغطى قدحك وبس .

        الرد
      4. 4

        معظم بناتنا سهل خداعهن بمجرد كلام حلو وخيالى غير واقعى ولانهن لايحكمن العقل ….. وبالعاطفة فقط يكون الحكم على الامور….. على العروس الإستفادة من الدرس ولغيرها ايضا …..

        الرد
      5. 5

        يا جماعة انتو عارفين دي زي استديوهات التلفزيون الجماعة البشوفوهن في التلفزيون مجرد ما اطلعوا برة الاستديو تقوم جاري منهم , الظاهر عليها لقتوا وشوا العن قفاهوا وهو ذاتوا اتلقي قام جاري في المطار لمن استقبها الاتنين شربوا مقلب الكاميرا الخفية والصور المدبلجة في الاستديوهات , بالله عليك الله ديل ما وهم وفارات هو الواحد شايفن قدامو وشايفاتنو قدامن في داعي لي دا .
        استاهلوا اهلها واهلهو الجماعة قايلين نفسهم في اوربا ولا شنو يت عمك يا الله تستمر معاها. فكونا بلا شات برا لمة معاكم

        الرد
      6. 6

        كيف يقبل ذوى الضحية بهذا الزواج دون حضور الزوج ومعرفتة .
        ربنا يحاسبكم على ذلك لانكم اولياء الامور .
        هل جاءكم ورضيتم دينه وخلقه . البعد عن الدين يولد مثل هذه المآسى;(

        الرد
      7. 7

        that is the shame why did you do that as you know how many things did you keeped it in secrit and you didn’t tell him about I think he did the same and he didn’t tell you the truth as well I feel very sorry for both of you
        some pepole they how did you beleive him you could.but ata the same time you you maybe ware not honest with him so that the resiult.
        I am very for both of you

        and good luck.

        Abdelmonim

        الرد
      8. 8

        دة كلو نتيجة التنازلات التى اصبحت تقدمها بعض الاسر للاسف لتخفف عن نفسها نتيجه الوضع الاقتصادى السيء … وما خفى من مثل هذة التنازلات كان اسوأ وامر… خاصة للاسر التى ترسل بناتها الى ازواجهم فى دول المهجر … كان اللة فى عوننا جميعا:o

        الرد
      9. 9

        عفواً أهل العروسه أعلم أنه متأخراًبعض الشئ وأعتقد أنه لاعلم لنا قبل الزوج ولكن حتى لا يتكررمثل هذا العمل اللاأخلاقى من هذا الشاب وأعتذر له أذا كان الخطأ ليس منه لأن هناك طرفان فى هذا الموضوع رأى لماذا لم يسافر أحد أفراد العائله لمعرفة من يريدونه أن يكون أميناًعلى شرف العاله!!!!
        ع

        الرد
      10. 10

        Salam,
        Bil jad da mawdoo3 3abee6 o ana shayif ino talfeeg fi talfeeg saakit , ni7na fi al Sudan ma 3indana kalam farig zai da , o ya nas alnilin ma tit3amalo ma3a algoraa bi alsazaja di , o

        رد إداري على التعليق أعلاه:

        عفواً الخبر منقول من صحيفة آخر لحظة كما موضح في الخبر نفسه وليس يخص النيلين.

        الرد
      11. 11

        بالمناسبة حقو العروس تحمد ربها القعدت ليها اسبوع فى مصر لان عرس ذى دة اسبوع فيه كتير كان مفروض من اليوم الاول تشوف العريس وترجع وتكون كملت الناقصة عرس بالانترنيت قال والله دى مسخرة

        الرد
      12. 12

        \\\’طبعا الموضوع غريب لكن الحصل شنو يعني كان ممكن يحصل طلاق في السودان وانا اعرف حالات زي دي كثير ولكن حقو المواضيع الزي دي ما تتناقش بشماتة وبعدي لسة قدامهم فرصة الرجعة === وانا مستعد ازوج الاخت المطلقة بس اعرف تفاصيل الموضوع بيني وبينها

        الرد
      13. 13

        شوفتوا الاستعمال السئ للنت بيعمل شنو ؟؟؟
        وبالمناسبة ما خفيا اعظم والوحدة بس تقول ليها عايز اعرسك
        طوالي بتديك اخرها وبتوافق علي طول والصورة دي مقلوبة ولااااااااااااااااازم
        نغيرها

        الرد
      14. 14

        قمة الاستهتار والتردى الأسرى والأخلاقى…..أتمنى أن تكون هذه حالة نادرة فى

        وسط بنات حواء السودانيات…..وأن تتعظ الباقيات!!!!

        😡 😡 😡 😡 😡 😡 😡 😡

        الرد
      15. 15

        حقيقة وللاسف حواء السودانية اصبحت سلعة رخيصة الثمن ولكن المدهش انه كيف وافق الاهل على الزواج اصلا:mad:

        الرد
      16. 16

        يا جماعه اعقلو وخلوكم ناس واعين والله بتحصل كتير انو العرس العدي ما يستمر يوم واحد واعادي جدا العروس تلقى العريس غير فترة الخطوبه وبرضو عادي يكون في خلافات بين الزوجين بس انتو لقيتوهو برنامج تمسكو فيهو عشان عن طريق الانترنت ياخي طيب من قبل 20 سنه السودانيين المغتربين بعرسو بالصور بس بدون مايتلاقو وش لي وش العريس بجي من المطار للكوشه طوالي ولا يرسلو ليهو العروس طرد
        والله عرس الانترنت اخير من الصور بس دي عادة السودانيين ما يصدقو يشمتو ويلقو ليهم موضوع

        الرد
      17. 17

        بسم الله الرحمن الرحيم وبه نستعين والله انا ايد كلام الاخ الاول جوبس ما زمان كانت حكاية المغترغبين نسمع بيها زى الف ليلة وليلة وفى الجابوها راجعة من المطار قبل استلام الطرد ان صح التعبير وانا شخصيا اعرف زيجة سودانية بالانترنت من استراليا وامريكا ومستمرة حتى الان ليها تلاثة سنوات وفعلا لكل قاعدة شواذ ولكن لا نقفل الفرص فربما اعرفها فى الانترنت وهى فى نفس الحى الذ ى اسكنه او جواره ولكن الفشل او النجاح مقدر من رب العالمين ليس الموضوع انه زواج نت او غير ه ولكن الكذب على الطرف الاخر هو سبب الفشل والله المستعان

        الرد
      18. 18

        يا اخوانا البنية قالت لى اهلها واقع الزوج يختلف عن الصورة التى تقدم بها عريس الغفله دا و نحن ما نقدر نجزم بان الزوج من صفاته اى شى دىكلها مجرد تخمينيات ساكت و الامر الذى اثار حفيظة الكثير من المتداخلين الطريقة التى تم بها التعارف اولا ثم الزوج ؟
        لعلم الجميع عدد من معارفى تم الزواج بنفس الطريقة و يعيشون فى ثبات و نبات و تم تكوين اسر و رزقهم الله البنين و البنات و الحمد لله .
        لكن الملاحظ ان كل الزوجات من جنسيات مختلفة و لسنا بسودانيات .
        اما راى الشخصى فى العريس بحكم نشاته فى مصر يكون تطبع بطبعهم واصبح انسان جلده و ما بيهتم بمظهره و ماكله و مشربه و حتى الضيوف عنده فيهم راى و هلمجر، و ربنا شافك والله كان استمر الحال لاكثر من ستة شهور كان ضربتى الثكلى و جريتى السودان كدارى .

        الرد
      19. 19

        انا بس عايز ارد على الناس البعتبرو زواج النت دا كلام فارغ …… النت دا عباره عن اداة تعارف ما اكتر يعني زي ما بتتعرف على وحده من خلال الدراسه او العمل او عن طريق الاهل …….. الى اخره ولكن هل التعراف دا بيؤدي الى الزواج ام لا دي على حسب التوافق البتم بين الطرفين …… في كتير من حالات الزوراج بتم عن طريق تعارف النت وبيتقدم الزوج بصفه رسميه لأهل البت وبشوفوهو وبسالو عنو ولو طلع زول كويس بزوجوهو وبتتم الامور بكل يسر وسهوله ……..مغزى الكلام النت وسيلة تعارف لا اكثر

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس