داليا البحيري : لا أنسى ذكريات طفولتي بالسودان
إستضاف برنامج دارك الذي يقدمه النجم أشرف عبد االباقي والذي يعرض عبر قنوات فضائية عديدة أبرزها قناتي ابوظبي والحياة الفنانة النجمة داليا البحيري والممثل الصاعد أحمد السعدني وقالت داليا البحيري انها لا تنسى الأيام التي قضتها بالسودان مع والدها الذي كان يعمل بالخرطوم وقالت إنها لاتنسى إنقطاع الكهرباء واللعب مع الأطفال بـ(الجلة) والبلي وتحدثت حول الأيام الجميلة التي عاشتها في طفولتها بالسودان وهذه ليست المرة التي تروي فيها داليا البحيري ذكريتها بالسودان ووصفها بالجميلة وداليا البحيري خريجة كلية السياحة والفنادق قسم إرشاد سياحي . لها أخت تكبرها وأخوين يصغراها عملت داليا كمرشدة سياحية بجانب عملها كمقدمة برامج سياسية ومتنوعة بالفضائية المصرية ، الي جانب عملها كعارضة أزياء . أختيرت كملكة جمال مصر عم 1990م ، كما إنها حصلت على المركز السابع والعشرين في مسابقة ملكات جمال العالم التي أقيمت في لوس أنجلوس ، وبحسب صحيفة الدار بالإضافة الي مشاركتها في مسابقة ملكات جمال العالم التي أقيمت بانجلترا.
لا يوجد لدينا أى شرف بذكرياتك يا صاحبة الجلاله ….. والسموء …
وكيف تنساها في حد في الدنيا بنسي قطوعات الكهرباء والمياه والحر والكتاحات تلقاها ما صدقت رجعت بلدها ( قالت ايه جلة ) :lool:
يعني شنو داليا البحيري تربت في السودان،
والمطلوب شنو من موضوع زكريات الأستاذة دي…. في يوم مفتوح بالمناسبة دي ولا حاجة
و يعنى؟؟
كسبنا شنو ان شاء الله من الذكريات الحلوه والجميلة ؟:lool: :lool: :lool:
طيب يعني شنو ؟؟
وتطلع مين داليا البحيري ؟؟؟؟؟
بالله ده كلام….:mad: 😡
داليا دي هي قالو اخت مامون البحيري بالرضاعه صح ؟ هع هع
taib lo kanat galat bitkrah alsudan kuntu gultu shino…..nas 7agda o bass
😡 😡
يا جماعة الخفة ما كويسة ! كلما ما زول جاب سيرتكم جبتوهو في الصفحة الاولى:mad: 😡 😡 وكمان التلفزيون لمن ينقل صلاة الجمعة طوالي يركز الصورة على الأجانب ولسان حالو شوفونا نحنا الاجانب بيصلوا عندنا وكمان في الصف الأول:cool: وأي مذيعة تستضيف ليها أي أجنبي أول سؤال (رأيك شنو في السودان) 😡 بطلو الخفة:mad: 😡
ردود اكتر من بايخه ……. ما عجبك الموضوع لا تعلق……
والله مشكلة الاهتمام بمثل هذه الاخبار التي لاتعني شئ بالنسبة لنا . الرجاء الالتفات الي ما هو اهم والبلد كلها مشاكل وغلاء وبطاله .
ويعنى ؟؟؟؟؟؟؟
السودان زاد شنو لما كانت فيهو ونقص من شنو لما طلعت منو ؟؟؟؟
ومالين لينا النت وصفحات الجرايد بالحكاية دى وكانو نحن مفروض نتشرف ونفرح عشان كانت عندنا فى يوم من الايام 😡 😡 😡
المفروض نحن ما نشتكى من النظرة الدونية للسودان والسودانيين عند العرب
لانو دى نحن لروحنا هيافة واستخفاف
ولا يغير الله ما بقوم حتى يغيرو ما بانفسهم
انا ما عارف يعني شنو داليا قضت طفولتها بالسودان وما الغريب في الامر بل وما المهم وانحنا حنستفيد شنو 😎 انقلوا لينا اخبار قيمة ذات مضمون ومعنى وذو فائدة اى ان كان نوع الخبر اصحوا وشوفو الناس وين وانتو وين
وقالت إنها لاتنسى إنقطاع الكهرباء there is power cut in Egypt as well
بمناسبة هذا الموضوع انا كنت اتابع وبصورة مستمرة واحرص على حضور برنامج اسمة بنى ادم شو يقدمة احمد ادم على قناة الحياة فحضر معة ضيف اظنة محى اسماعيل فقام الضيف بدون اى مناسبة بالاستخفاف بالسودانيين وقال( واحد مشى السودان باليل فماشافش حد ) وضحك كل الحضور بالاستديو فاثار غضبي ومن كان معى يتابع البرنامج بكل احترام فما كان منا الا ان قررنا عدم متابعتة مرة اخرى والله والله شعرت بالم شديد وحزن لهذا الموقف .:mad: