منوعات
وزير التربية يضبط 50 طالباً يحملون بخرات بإحدى المدارس
ضبط وزير التربية والتعليم (50) طالباً يحملون بخرات أثناء جلوسهم لإمتحانات الشهادة السودانية باحدى المدارس بأمدرمان وعلم ان وزير التربية والتعليم الدكتور الأمين عبد القادر كان في زيارة تفقدية لمراكز الامتحانات بامدرمان والتقى بالطلاب الجالسين للامتحان باحدى مدارس امدرمان حيث حدثهم تربوياً عن أضرار الغش في الامتحان ودعا كل من يحمل بخرة ان يسلمها له فنفد (50) طالباً دعوته وباشروا امتحاناتهم دون غش وبحسب صحيفة حكايات كشفت مصادر عن حالات غياب كبيرة وسط الطلاب الجالسين للإمتحانات هذا العام .
50 ديل اتأثروا بكلام السيد الوزير طيب الما اتأثروا بكلامه يكونوا كم ؟؟؟؟
لكن دي رسالة اوجها لكل الطلاب – السودان بحاجتكم لتحملوه في حدقات عيونكم وخصوصا انتم الجيل الذي لابد ان يكون متعلما وجاهزا لخوالمعركة المعلوماتية القادمة لانه جيلنا نحن كنا علي الاقل محصورين داخل السودان ماكان في انترنيت ولا موبايلات ولا في حد تتكلم معاه انجليزي لكن الدور الباقي عليكم انتم
عشان كدة فى اجيال حديثة متخرجة من الجامعات المختلفة وهى طالعة اجيال ضعيفة فى اى حاجة امورهم كلها عادينها غش فى غش كان الله فى عونك يا سودان العزة
انتو جيلكم ده من ما الانجليز طلعوا عملتوا شنو !؟؟؟؟؟؟؟
كفاية والله
اى مشكلة ترموووها فى جيلنا والله اكتر جيل تعب فى الدنيا دى هو جيلنا نحن !!!!