اثيوبيا ستصبح من الدول المصدرة للطاقة الكهربائية
وفي إطار العلاقات السودانية- الإثيوبية المتطورة نظمت السفارة الإثيوبية بالخرطوم مؤخراً وبالتنسيق مع وزارتي الإعلام والموارد المائية السودانية زيارة لسد النهضة لوفد إعلامي سوداني ضم 32 صحفيا من المؤسسات الإعلامية الحكومية والصحف للوقوف والتعرف علي سد النهضة الذي سيكتمل في العام 2017م بجانب ترتيب زيارة للوفد لعدد من المشروعات التنموية الاخري بإثيوبيا.
وقف الوفد الإعلامي ميدانياً علي السد ومراحل العمل فيه التي تتواصل طيلة اليوم حيث استمع الوفد إلي المهندس سيميغنو بيكلي المدير العام للمشروع في شرح لمراحل العمل في السد حيث أكد ان العمل يتم بتمويل من الشعب الإثيوبي مبيناً اكتمال المرحلة الأولي من العمل وأكد استفادة السودان ومصر ودول الجوار والإقليم والعالم منه، و قدم سيميغنو عرضاً وافياً عن كل المراحل التي تمر بالسد من ناحية الخطط والبرامج والتنفيذ والبناء …مشيراً الي ان العمل يسير بالسد حسب ما هو مخطط له ومتفق عليه بين الأطراف العاملة في تنفيذه واستخدم مدير المشروع الخرط والصور والشرح المفصل لكل مراحل السد مبيناً ان من فوائده توفير بيئة نقية وتطيور الأوضاع في إثيوبيا.
وفقاً لحديث سيميغنو تبين ان اثيوبيا ستصبح من الدول المصدرة للطاقة الكهربائية باستخدام الموارد المتاحة حيث وضعت في استراتيجياتها المستقبلية تصدير الكهرباء لكل دول المنطقة وان سد النهضة يمثل نقلة نوعية لحال المواطن الإثيوبي ، وبجانب الموارد التي يوفرها للدولة سيتيح فرصاً ويوفر طاقه للمشاريع المصاحبة .
المعلومات التي أوردها مدير المشروع أكدت استفادة السودان من السد بصورة كبيرة بالحصول على (2600) ميغاواط من كهرباء السد، إلى جانب حجز الطمي الذي يمكّن السودان من استخدام الماء بشكل أمثل.
الخرطوم 5-8-2014م(سونا)- معزة الدرديري
[SIZE=5][FONT=Arial Black]للاسف كل التقارير التي يتم كتابتها تكون ارقامها غير واقعية او مغايرة لبعضها البعض…مثلا في اول فقرة يقول التقرير ان السد سينتج كهرباء مقدارها 6000 ميقاواط وفي فقرة اخري يقول ان هنالك عشرة توربينات ينتج كل توربين 375 ميقاواط..وبضرب انتاجية كل توربين في عددها 10*375 =3750 ميقاوط كل الانتاجية….يعني الوفد الاعلامي ده مشي اثيوبيا وجاء راجع وكل معلوماتو ما صحيحة….بعدين معقول اثيوبيا تنتج 6000 ميقاوط وتدي السودان 2600 يعني تقريبا 50% من الانتاجية وهي تعول علي السد لنهضة الدولة؟؟؟ غايتو كلام ما يدخل العقل ولو بي جنيه…سياسيين البلد جايطنها وبيلخبطو في ارقام انتاج الصمغ والصحفيين ينقلو بي ضبانتها بدون تمحيص وكل واحد شغال بي مزاجو[/FONT][/SIZE]
يامعزه الدرديري ما تبقي بوق او مسجل ترددي بس ما يردده الآخرين عشان تلقي اسمك في الصحف انتي لفيتي الحبشه دي سمعتي بحاجه اسمها بني شنقول واثييوبي ياناس فقعتو مرارتنا مصارينا تخيلي معزه لواحد جاء اسلبط في بيتكم وادعي انو بيتو وتاني جاء باعو ليكم بتشتري ارجعي معزه لجغرافية رابعه ابتدائية لو الحبش كمان ما غيرو ليكم المنهج وقبلتو زيما اخدو بني شنقول عينك يا تاجر وبانيين عليه الخزان وبعدين يبيعو ليكم الكهرباء وبكره يبيعو ليكم المويه باللتر والطمي بالطن وبالدولار الحبش يا معزه أذكياء جداً علي الأقل إعلامهم وقادتهم حكومه ومعارضه أذكي من أعلام السودان وقادة السودان حكومه ومعارضه هم سرقوا بني شنقول بالنهار وخلو السودانيين بلمي فمهم في صحافتهم بمافيهم الأكاديميين يقولو بني شنقول الاثيوبيه ياناس مافي بني شنقول سوداني وإثيوبي في بني شنقول واحد اللي من اجله جاء محمد علي باشا لغزو السودان دي في جغرافية رابعه محمد علي باشا غزا السودان من اجل معرفة منابع النيل والرجال الأقوياء ودهب بني شنقول يعني يا معزه بني شنقول وحتي المهديه جزء من السودان الكبير وحتي الإنجليز وبعدين في الاستقلال ناس الأزهري وزروق ًالمحجوب و السيدين كلهم ديل اولاد بحر يعني ما عارفين حدود السودان زي الحاكمين هسع ديل كل وأحد عارف قريتو بس عشان كده الحبش سرقو مع بني شنقول قمبيلا الفشقه المتمه القلابات والمصريين اخدو حلايب وغيرها والليبين اخدو الكفره وجبل عوينات وتشاد أخدت وويوغنده الدويله أخدت الجنوب كله وكينيا أخدت بحيرة ادلف شويه تلقو الحبش احتلو الخرطوم لأنو معاكم الان 3 مليون حبشي منتظرين توقيت محدد زي توقيت الجنوبين ايام اغتيال قرنق يوروكم النجوم بالنهار الوفد الإعلامي دا شاف اصوصا وزار اولاد خوجلي وشاف المتمه وزار اولاد المك نمر جد البشير وخاله الطيب زار وأولاد ود الهندي في غرب اسوسا زار ابوشوك اهل الفونج في قبا زار اليعقوباب في منجي وسرقولي هل زار ديل حبش يا معزه أنتو صرتو زي المصريين مع غزه هم بدعمو في اليهود وانتو بتدعمو في اولاد عم اليهود الحبش ًالخزان ده الشركات الفرنسيه والايطاليه اللي بتبني دي مملوكه ليهود هم نفسهم اللي بيبنو المستوطنات في فلسطين خمو وصرو بكره تشترو المويه باللتر بالدولار من الحبش من الارض المسروقه منكم صدقي يا معزه السودان يملك إمكانية وقف هذا السد بسؤال واحد الحبش إثبات ملكية بني شنقول الحبش لايملكون وثيقه واحده الا اعتراف عمر البشير لهم ببناء السد وموافقة وزيره معتز اللي فهمو لحدود السودان حتي ودمدني فقط نعلنها لكم ان اهل بني شنقول ليرضون ان يملك ارضهم للاحباش حتي لو بقي منهم طفل علي قيد الحياة وسوف ترون
[CODE]إقليم بني شنقول في الشمال الغربي لدولة إثيوبي [/CODE]
بني شنقول سودانية
ولكن لا بأس كية في المصريين
فيما تبلغ طاقة الكهرباء التي سينتجها السد (6000) ميغاواط من الكهرباء بطول (1780)متر و ارتفاع 145 ويوفر (706) مليون متر مكعب من المياه وبه (10) توربينات لتوليد الكهرباء تنتج كل منها (375) ميقاواط.
لو فى حدى فهم حاجه يورينا
الارقام تناقض بعضها !!!
ولكن عندما وجدت المصدر سونا لم استغرب .
اثيوبيا تتقدم نحو المستقبل بخطى حثيثة وبدون هوس ديني يا حكومة السودان !!!