رياضية
كاكي يحرز الذهب ويسعد السودان وخسارة ثانية بليبيا لصقور الجديان
خاص النيلين: حقق البطل السوداني ابو بكر كاكى انجازا جديدا للسودان بفوزه بذهبية سباق الـ 800م في ملتقى الجائزة الكبرى هنجلو لالعاب القوى مساء اليوم الاثنين فى هولندا وبزمن 1,43,10 وقد شهد السباق تنافسا شديدا مع البطل الكينى رواديشا.
أما في ليبيا فقد خسر المنتخب السوداني مباراته الثانية الودية امام المنتخب الاولمبي الليبي وبنتيجة صفر-1 وذلك في المباراة التي جرت مساء اليوم بالعاصمة الليبية طرابلس.
زمان قلنا الجهود حقو تكون مع ناس العاب القوى مبروووووووك كاكى مبروك السودان . ونتيجة المنتخب دى متوقعة و لسع فرحو فينا الشماتة,
حتى الهلال و المريخ حايرحوا فى دهية .
تسلم يا كاكى
😉 😉 😉
البطل كاكى لا يملك ربع ما يملكه فاشلين كرة القدم من مال وشهرة واضواء
فعلا السودان ماشى بالمقلوب فى كل شى المفروض كاكى ده يتعمل ليهو تمثال
والفاشلين فى فريق ابو تلاتة واربعة بما فيهم الاداريين والفنيين يعملو ليهم محاكم تفتيش
مخصوص ويحبسوهم فى معسكرات اعتقال بحراسة مشددة عقابا على جرائمهم ضد
السودان وتمثيلهم بسمعته وتاريخه فى كل مكان مع مصادرة كل ما يملكون من اموال
وعقارات وسيارات لانهم اخذوها بدون استحقاق وبلا مقابل مع الحجر على من يدفع لهم من
رجال الأعمال بتهمة السفه والتبزير (عطاء من لا يملك لمن لا يستحق) لان هذه اموال الشعب
السودانى الفضل من الغبش والغلابة
بلا هم 😡 😡 😡
مبروك البطل الدولى أبوبكركاكى شرفت اسم السودان والبطل الواعد على أصبحنا عندنا أبطال حقيقين نراهن على مقدراتم وكلما خاضوا منافسةً كنا ننتظر أن يرفعواعلم السودان بطلاً فى المنفسه نحن الغربه ننظر لكل من يمثل السودان أن يشرفنا لأننا نرى فىهلاء الأبطال القوة التى نريد أن نراهافى كل أرجاء الوطن الحبيب نسأل الله أن يحفظ كل من كان همه رفعت السودان
عبدالمنعم الضو عمر
برطانيا ~ بيرمنغهام
وافضيحتاه اما آن لهذا الشدادى ان يترجل اما آن لاتحاده اتحاد المجاملات ان يترجل وبالله الحق لن تقوم لنا قائمة ما دام هذا النفر يقود مسيرتنا الرياضية وتيمنا دة لو مشى لعب مع جزر القمر ممكن ياخد 6/0 – يا ناس حرام عليكم والله السودان دة بلد عزيز وكبير واعطانا الكتير لازم نوفى ليه وفريقنا القومى دة بمدربه التعبان دة ولاعبيه ديل حيشوهو سمعة تيمنا الجاب كاس افريقيا سنة 70 وكمان قال عشان يصلحوا الاوضاع جابو مازدا يا ناس انتو بتقنعوا منو حرام عليكم والله ولا الزمن ولا التاريخ سيرحمكم ومليار مبروك لكاكى وللسودان بكاكى نفر واحد يرفع راية بلدة فى المحافل الدولية وهيئة تدعى خبراتها لقيادة مسيرة الرياضة ببلادنا وتفشل فشل زريع حتى فى المباريات الودية مع اتيام نشات بعدنا بعشرات السنين ووالله ما هنت يا سوداننا يوما علينا
😉 ;( خبركم حلو مر …. نبارك لكاكى … وهزيمة من ليبيا الاولمبى … شبه كارثة … واعاننا الله ضد بنين المحترفين …. وماذا بعد ؟؟؟؟
الف مبروك يا كاكي لقد شرفت السودان كثير :
وياحكومة السودان افعلى شي لله اطردي استيفن النجليزى هو عميل رقم واحد وحاكمى كمال شداد مثلما يحاكم المجرمين :ونحن نطالب بامحمد عبدالله مازدا في اسرع وقت ممكن حتي لانكون مهذله امام الامم ومازدا هو الامين على منتخب السودان اكثر من شداد والانجليز
الخبر مافية جديد !!!!!!!!!! هزيمة السودان كانت متوقعة 100% وياهي دي كوووووورتنا.ودا الفضائح المتوقعة مادام شداد ومجدي شمس الدين علي راس اتحادنا رضينا ام ابينا.وبلاهي عليك!! الحكومة فكت عقدة الجنوب ماقادرة تفك عقدة اتحاد شداد!!!!!!!!!!!!!!!!!!!!!!.اما عزانا وفخرنا في الرياضة عامة هو اتحاد القوة الذي نعتذ بما قدم لهذا الوطن المعطاة الشامخ ورفع اسم السوان عاليا بين الامم التحية للاخ كاكي والتحية لكوكبة اتحاد القوة ومزيد من التقدم وفقكم الله وسدد خطاكم وجعلكم زخرا لهذة البلدة الطيبة. ولاتحاد شدااااااااااااااااد بنقووووووووول التاريخ لا يرحمكم ارحموووووووووووووووووووووووونا.
Congratulations
تسلم يا عم ادريس والله كلامك صاح لي متين الناس ديل بيفهمو انو التمثيل و الدرامه والكورة ما ممكن تكون عالميه اقتنعو وسيبوها لي المصرين ويحنا ممكن نتفوق في العاب القوى ذي ما واضح وكل فوله وليه كيال 😡
مبروك للسودان
ورفعت راسنا ياكاكي .
——————————————
كرت القدم السودانية في الواطة كلما طاروا لي فوق اقعوا على ركبيهم
كرت القدم كلما اتحهت الى اعلى كرة متطورة من مصر والساحل الافريقي ليبا تونس الجزائر واطلع اوربا
اذا النعصر الافريقي عنصر غير نشط في كرت القدم بدليل كاس العالم كلوا حلب
—————————————-
غلبتنا سوريا اليلها يومين ففي الكورة والاردن لانهم عنصر نشط وابيض
—————————————-
ياريتني لو مدرب اكتب حلب ام درمان والحناكيش الصفر اكته لعبتهم وشلت بيهم كاس افريقيا
—————————————-
المشكلة في العنصر الافريقي في كرة القدم لا يملك نواة التحمل
اما في العاب القوى لانها جرية واحدي فالعنصر الافريقي مسيطر عليها
مبروك كاكي ومبروك للسودان انجازات كاكي ورفاقه في العاب القوي .
اما منتخبنا المصون … يحمل وزره السيد شداد وعصبته … فلتزهبوا غير ماسوف عليكم …
السودان كدولة تتحكم فيه بيوت معينة في السياسة آل الترابي وآل الميرغني وآل …. والنتائج المترتبة على ذلك شعور الأخرين بأحقيتهم في التمتع بالحقوق والواجبات التي يتمتع بها غيرهم مما دفع كثير من القبائل لإعلان الحرب على الدولة لتهميشهم وإستئثار البعض للثروة والسلطة وأن السودان ( هو الخرطوم ) وتلك مشكلة المشاكل لازال شداد رئيساً فلم يغيبه الموت الطبيعي فهل يغيبه الشعب السوداني من رئاسة الإتحاد لكرة القدم فظل جاسماً على رئاسة كرة القدم زمناً طويلاً مثل ابو الهول لايتحرك من مكانه ويعتقد شداد أن هو العقل المدبر والمفكر الوحيد في بلد المليون ميل مربع . ننتظر بلهفة رياح التغيير ؟؟؟