ولاية الخرطوم تنشئ مركز تدريب مهني بجزر القمر

[SIZE=4]جزر القمر!!!!!

الناس ديل حقارين عديل كده .. كيف يعني الناس ما لاقية تاكل في الخرطوم وانت شايل القروش تعمل بيها تدريب مهني في جزر القمر؟
الفكرة شنو يعني؟ قروشنا كتيرة لما بقينا نتجود بيها على التانيين؟ حقت أبوكم مثلاً عشان تبعزقوها ذي ما دايرين؟
على الحرام في الخرطوم دي في شفع مدارس قاعدين في الواطا ما لاقين كنب وما بفطروا أصلاً .. أولى هم ولا أولى شعب القمر؟
ياخي جننتونا وكرهتونا وطلعتوا عين البلد ذاتها

والله الناس ديل صدق فيهم قول الشاعر:

كلما جادت نفوس الأقربين تذمرا
نامت خدود البين لفح المزمرا
لو كان جلد الناس والجلدُ احمرا
لتوارى خجلاً ونام مزعوماً أكبرا [/SIZE]

يقول المثل الدارجي:- الزاد إن ما كفّى ناس البيت حرام على الجيران!!
!!!!!! يعني خلاص لو ما في عطالة في الخرطوم تتبرعوا لجزر القمر ؟ طيب ما تشوفوا العطالة في الولايات وتعملوا ليهم مراكز تدريب عشان تستوعبوهم في دولاب العمل و ينفعوا البلد، يعني أهلنا في جزر القمر يستاهلوا لو كان البلد مكتفية ، لكن والحالة هذه حرام التبرع للجيران.