الشرطه الأمنية القوات الخاصة العقارب السودانية

اي صح ما قلنا شئ البلد ظروفة صعبة وكلنا متأثرين بيها لكن رغم عن دا كلو ورغم ضعف امكانيتنا نحنا بنفتخر بذاتنا وبنفتخر بجنودنا
والناس ديل تدريبهم والله اي دول عربية ما عندها وكل الخليج وغيرو برسلو ناسهم عشان ياخدو تدريبات السودانين البجرو ديل .
تاني حاجة مافي زول مصنوع ديل كلهم اخوانا واولاد عمنا واهلنا واقاربنا مافي زول جايبنو الحكومة من برة عشان يدافع عن البلد دي
وكان الناس عندها مع الحكومة حاجة ما ترميها في المساكين ديل وتقعد ترمي في درابا ساي
والله الناس ديل كان بواجهوا ما بواجهوا عشان البشير ولا غيرو بواجهو عشان عرض وبلد ودي غايتهم والا هم ناس غلابة زينا ما ناس رواتبهم ملاين .
وان جينا للحق السودان دا مافيهو مدني كلنا معسكرين من عزة السودان والما نزلو العزة ديل قليل جدا مقارنة بالنزلوها
وبعدين السودان دا خرطمية جبهة مفتوحة لو نحنا اولادنا ديل ما رجال انتو هسا بتعيشو في امان ولو شايف مافي امان امش جبهات القتال عشان تعرف كيف انت في امان .. ولا حتى الهاجر كان بيعتبر مهاجر كان ما الناس ديل واقفين وسادين كان زمان اعتبرونا لاجئين حرب او او الخ .
معليش كان سخنة في الحكى لكن انا زول مقاتل وكنت في الجبهات دي وما مرقتا الا بعد حادثة لي وبزعل لما يجي زول يقول نحنا بنجري ونحنا ما قادرين وهو نفسو ما مشى ولا شاف الشفناهو احنا .
لو تشوفو اي زول حاليا مقطوعة يدو ولا ضاربو لغم ولا ولا تلاقهو مليون في المية كان عسكري بدافع عن البلد وعنكم
اي الناس تسافر وتمش قطر ولا امريكا حتى وتعمل عشان تطور نفسها وتصلح وضعها الاجتماعي ودا شئ بفرحنا احنا لما نشوف الناس وضعها اتحسن وبلدا اطور لكن برضو تفتخرو ما تجي وتستهزء بالناس ديل
رغم عن امكانيتنا البسيطة الا اننا والله احسن من جنود الدنيا كلها
سامحوني ان طولت ولا سخنت حبة وكملاحظة بس الناس ديل مش عشان حكومة والله عشانكم يبقى دعم معنوى منكم بفرق معاهم بدل الكلام دا