بالفيديو.. “زينة” تعترف بحبها لأحمد عز مع إيناس الدغيدى: “والله ما فيه حاجة مع عز”.. وأحمد يرد: “هي حد يطولها؟”

في فيديو قديم قد يرجع إلى عام 2007، حين قدم الثنائي أحمد عز وزينة فيلم «الشبح»، في بطولة مشتركة من إخراج عمرو عرفة، ظهر الثنائي معًا في أحد البرامج يتحدثان عن طبيعة علاقتهما.

وكانت زينة و«عز» ضيوفًا على برنامج «القاهرة والناس»، وتم توجيه سؤال للأولى عن طبيعة علاقتها بالثاني، فأجابت أنه لا يوجد شيء بينهما وأنهما زملاء، فسألها «عز» مازحًا: «إشاعات؟»، فأجابت: «آه والله».

وقال «عز»: «البت زي القمر أهي، حد يطولها؟، طبعًا زي الفل أهي»، فقالت «زينة»: «ربنا يخليك بس بجد مفيش حاجة والله العظيم».

وفي لقاء آخر يرجع إلى نفس العام، ظهر الثنائي أيضًا في برنامج على قناة «روتانا سينما»، وقالت «زينة» إنها تعرضت لموقف محرج أثناء تصوير أحد مشاهد الفيلم.

وقالت: «في أحد المشاهد كنت المفروض أقعد قصاد (أحمد) وأقرب منه شوية وبكلمه، طبعا أنا عارفاه من زمان وعادي، عينيه مبتعمليش حاجة يعني، قصدي عينيه عادي ده (أحمد) يعني، ولما ببصله ببقى عادي وبتكلم معاه مفيش حاجة».

وأضافت: «يومها كان فيه نور والدكتور محسن أحمد عامل الإضاءة بشكل معين، ومنور عنيه، فببصله وكل شوية آجي أكلمه، معرفش أكمل المشهد، وأنسى الكلام، وأبص الناحية التانية، البيه عنيه ما شاء الله متنورة بشكل، مش قادرة أبص له».

وتابعت: «في ايه؟ مش عارفة أتكلم، كل لما أبص لعنيه أحس إني هحبه، بجد، أعمل كده وأرجع تاني بسرعة، وقولتلهم لحظة واحدة يا جماعة».

واختتمت حديثها ضاحكة: «قابلت الدكتور محسن أحمد، قاللي إيه رأيك في الإضاءة، قولتله وأنا جايبني ورا غير الإضاءة بتاعتك».

وكانت زينة قالت في وقت سابق إنها أنجبت طفلين من الفنان أحمد عز، الذي أنكر بدوره ذلك، لكن محكمة الأسرة قضت، في 25 يونيو، بإثبات نسب توأم زينة لـ«عز».

اضغط هنا لمشاهدة الفيديو على قناة النيلين

المصري لايت