منوعات
بالصور.. ندي القلعة تصل لافتتاح قروبها الرسمي بسيارة ليموزين.. وبودي قارد في حراستها لدي وصولها
تداول عدد من مرتادي مواقع التواصل الاجتماعي صور للمطربة السودانية ندي القلعة تظهرها وهي تركب علي سيارة ليموزين وهي إحدى السيارات الطويلة والتي ظهرت حديثاً في السودان.
وبحسب ما ذكر بعض رواد مواقع التواصل الاجتماعي فقد تم التقاط الصور لدي وصولها لافتتاح قروبها الرسمي والذي يديره عدد من معجبيها.
ووصلت المطربة الجماهيرية لمقر الحفل وسط حراسة من بعض البودي قارد كما هو موضح في الصور التي تحصل عليها موقع النيلين.
ياسين الشيخ _ الخرطوم
النيلين
غايتو بقيت احك في راسي بدل التعليق !
قلنا نشوف الاخبار – لقينا اخبار زي دي – الدنيا صباح وجمعة – بالله يا ناس النيلين شوفوا لي ندي القلعة شربت الشاي ولا ماشربتو لسة – وبتشربوا بالبسكويت ولا بالكفتة – عجائب .
والله بيني وبينك بتكون لسع نايمه ماشربت الشاي الله يكون في العون غايتو
لو كانت الارزاق تجري علي الحجا
هلكن اذا من جهلهن البهائم
امرك غريب يا سودان
الكل اتلهى وراء المغنيات والمغنين ، والبهرجة والتباهي وانتهت النحوة وانتهت الكرامة ..
قبال الاسعاف يا ندى
نستاهل البحصل لينا ..
المره دى عيانه
بوديقارد والله الحاجات دي كنا بنسمع بيها سمع ……………. عجائب والله قالو ليها في زول داير يدقها المرة \ي ولا جنت
حقيقة حاجة تشمئز لها الأنوف والألوف… أنا قريت الخبر قايل ليموزين يعني تكسي وهي يعني راكبة العربية الطويلة ديك…. أيوااااااا
أسأل الله لها ولنا الهداية وحسن الخاتمة….
ويا جماعة قبل نتكلم في موضوع خط هيثروووووو ….عندي طلب …. لو هي أو المعجبين بيها شجعان خليهم يختو لينا سيرتها الذاتية في الموقع ده….
لك الله يا شعبي
البودي قارد دا من المجموعة المشت مع المريخ للكنغو وطبعاً طلعوا أي كلام (فشنك) ربطوهم وجلدوهم وأخذوا المعلوم
البودي قارد دا عندو امساك ولا شنو !!؟
من يعش يرى عجبا