صاحب كافتيريا يفكر في إغلاقها وتحويلها لـ(دكان غاز)
كشف معتز عبد الله صاحب كافتيريا بالسوق العربي عن معاناته الشديدة مع قرار ارتفاع أسعار الغاز وقال: “نحن ناس الكفتيريات الكبيرة دي اكثر ناس متضررين من القرار ده”، وواصل: “أول حاجة أنا بستهلك غاز بأكثر من 700 جنية يوميا وبشتري الأسطوانة الواحدة بـ130 جنيه ودا طبعا في العادي قبل القرار يعني عندي 6 أسطوانات وشغلي كلو بالغاز، أما الرغيف فانا بشتري يومياً 900رغيفة، يعني و حسبناها نحنا حاليا بنبيع (سندويتش) الطعمية بـ4جنيه بعد كده حنبيعو بكم؟” وواصل: “في الكافتيريا عندي 12 عامل يترامح أجرهم بين 50-70 جنيه يومياً وبالزيادات الاخيرة دي الاسعار م حتغطي معانا واحتمال كبير جدا ناس تلجأ لاساليب غير مشروعة عشان تعوض الخسارة، زي مثلاً استعمال الزيوت الرديئة الرخيصة الثمن وتغيير العجين الخاص ببعض المأكولات ودا طبعاً كلو حيجي على حساب المواطن وصحته”، واختتم: “حالياً انا بفكر جادي في اغلاق هذه الكافتيريا وتحويلها لدكان لبيع أسطوانات الغاز”.
صحيفة السوداني
واضح زيادة الغاز سوف تشعل الاسعار ويضيع فيها المواطن البسيط ومحدود الدخل وثانيا سوف يلجاون الى الفحم وتدمر البيئة النباتية فى السودان وهى متاثرة بتغير المناخ وتلك الثروة القومية سوف تتلاشى ويصبح السودان طارد وصحراء وعليه امل دعم الغاز من اجل المواطن والبيئة لمن يدرك الحفيفة ؟ والله المستعان لان الضرر اكثر من الدخل للحكومه ولو هم جاديين ممكن اتباع سياسة التقشف
فى مصاريف الدولة وجيوش الوزراء والمخصصات والخ والله المستعان