بالفيديو.. الفنانة أفراح عصام تغني للفنان الراحل محمد وردي (أمير الحسن) وتتعرض لوابل من الانتقادات
فرغت المطربة السودانية الشابة أفراح عصام من تسجيل أغنية (أمير الحسن) وهي إحدى روائع الفنان الراحل محمد وردي والتي صاغ كلماتها الشاعر الكبير إسماعيل حسن.
أفراح عصام قدمت الأغنية بشكل جديد وبموسيقي جميلة, ولكن يبدو أن رواد مواقع التواصل الاجتماعي كان لهم رأي أخر.
حيث وجهوا سهام النقد للمطربة الشابة, وذكروا أنها قامت بتشويه الأغنية.
وقد رصد محرر النيلين عدد من التعليقات وردود الأفعال التي نشرها بعض رواد مواقع التواصل الاجتماعي.
حيث كتب الفن الأصيل: يا أفراح مالك ومال أغاني وردي شوفي أغانيك الشبابية.
وكتب وردي الوطن: للآسف أفراح عصام انتهت من الأغنية نهاية بطل.
وكتب إسحاق الجزولي:بصراحة الأغنية جميلة بس أفراح شوهتها تماماً. أنصحك بالأغاني الخاصة سيبك من وردي وإسماعيل حسن ديل مدرسة ما بتتكرر.
لمشاهدة الفيديو علي قناة فيديو النيلين أضغط هنا
محمد عثمان _ الخرطوم
النيلين
اسألني من صلاح مصطفي
يا بت …..ما هذا ؟
صدق من وصف صوتك بالمخنوق .
ما تبتي من ترديد أغاني العملاق ؟
نسيتي تجربة ” جربت هواهم ” ؟
أنتي ” ود المك ” غشاك وفكاك عكس الهوا ؟
ما شايفاهو رمى شبكته حول الفنانات بجد جد ” مكارم ” و ” إنصاف فتحي ” ؟
وردي حتة واااااااااااااااااااااااحدة يابت؟
وكمان يا أمير الحسن؟
النصيحية جبيتها كبيرة
شوفي أغاني ندى ولا شوفي انصاف ولا هية بت جبرة ولا بت الصحافة ولا محاسن لقيمات ولا عوضية طايوق
وردي ده كبير عليك يايمة
والله لو كان حي كان بلعك ليها
الله يرحمو ويغفر ليهو
البت دي مفروض تاكل وتنوم وتمشي المناسبات لابسة
دهب وتوب جميل لزوم الاستعراض .. لكن تغني لي
وردي دي كبيره وواسعة شديد والعقل بنفر منها
لا لا … بالغتي عديل ..
عندها نحافه كده في الصوت نهائي ما بتكون راكبه مع أي اغنيه تغنيها احسن حاجه تخلي حاجه اسمها غنا وتحاول تجرب وتخش في التمثيل ،، عسى وانه تنجح وتبقى نجمه والارضه جربت الحجر
أولا: الأغنية كلمات صاوي عبد الكافي وليس اسماعيل حسن
ثانيا: البنت دي فشلت في اثبات نفسها كفنانة مغنية والباب مفتوح أمامها لتطرق أبوب الفنون الأخرى نصيحة مني كدي حاولي جربي التمثيل يمكن تنجحي فيهو شوفي ليلك فرقة من الفرق الكوميدية المنتشرة هذه الأيام وجربي حظك معاهم مع إنو دمك بقري لكن يمكن تنجحي وأتمنى ليك التوفيق.
يعني ما مكن تكوني أدمنتي الفشل بالطريقة دي فشل في الغنا وفشل في الحياة الزوجية يا بنتي راجعي حساباتك.