فيديو.. اسيا مدني بمشاركة مشروع النيل: تغني وترقص على انغام “سمسم القضارف”في عالم سريالي
أعطت المطربة السودانية المقيمة بمصر “اسيا مدني” بعداً جديداً للأغنية السودانية الشهيرة “سمسم القضارف” وذلك عبر أدائها وتصويرها بصورة مبتكرة بمشاركة فرقة مشروع النيل العالمية.
ويشير محرر موقع النيلين أن مشروع النيل يتكون من عدة بلاد إفريقية وهي: بوروندي، ومصر، وإثيوبيا، وكينيا، ورواندا، والسودان، وأوغندا، تأسست فرقة مشروع النيل أو The Nile Project في أغسطس عام 2011 على يد عالم الموسيقى العراقي مينا جرجس والمغنية الأميريكية إثيوبية الأصل ميكليت هاديرو، هدف الفرقة هو أن يصلوا للعالم حضارة وطبيعة مواطني حوض النيل والتحديات التي تواجههم عن طريق الموسيقى والتعليم.
ويشارك في مشروع النيل عدد من الفنانين السودانيين أشهرهم “السارة” وفي نسخته الحالية بمصر ظهرت مشاركة الفنانة اسيا مدني.
وتقول كلمات اغنية “سمسم القضارف” السودانية
يا سمسم القضارف الزول صغير ما عارف
قليب الريد الريد كل ما هويتك شارف
يا حبيب بريدك ريدة ريدة الحمامة لي وليدا
يا حبيب تعال تعال تعال نتم الريدة
يا سمسم القضارف الزول صغير ما عارف
قليب الريد كل ما طريتك شارف
لو ما بخاف الروقبة بسير معاك العقبة
عقد السوميت يالفصلوك للرقبة
يا يما مالى وحيدي شايل السبيل في ايدى
مابي الفراش داير الرقاد فوق ايدي
يا يما ما تدقنو العقر ما بيلدنو
اتنين جنيه من امو ما بكفنو
يا حبيب بريدك ريد ريدة الحمامة لي وليدا
حبيب تعال تعال خلي انتم الريدة
ماجد ادم
النيلين
دا شنو العبط والهبل دا
ده اسمو ابتكار , في اعتقادي دي سخرية و مجموعة الارجوزات ديل شنو كمان
رجاءا المرة الجاية لمن تجي تبتكري أبتكري من انتاجك و خلي لينا الغنا الأصيل الجميل في حالو
شنو الهبالة دي .. فنان صوت ما مسموع بيقول في شنو ومعتمد على ضجيج الالات ..
يا اخي اسياء تغني شنو وايه عرفها بالغناء .. الا بالحق خلت الشحدة من المواقع ولا لسه .ويارب هل تركت الادعاء بالظلم والتوسل بالمساعدات .. والكان مسجون طلع ولا لسه يا اسبا ..
بالله عليكم شوفوا قباحة لناس الفي الصورة دي هل دي هوية سودانية تغني سمسم القضارف والمعروفة انها تحمل اصالة السودان كلمات ولحن وكل من يسمعها يعرف انها اغنية سودانية ..
فى ابداع فى فى الفيديو وهو بيعرض مجموعة من ايقاعات مناطق حوض النيل وعرض الازياء
ما كل شخص ممكن يفهم ما يعرض الفيديو لكن عمل جميل وراقى