بالصور.. وفي تقليعة جديدة..الفنانة ندى القلعة تترك قيادة سيارتها ماركة “مرسيدس” وتقود “اللوري” بعبارة “المحروق يروق”
يبدو أن المطربة السودانية المثيرة للجدل ندى القلعة لن تكف عن ترك تقليعاتها المثيرة والتي ظل يرصدها محرر موقع النيلين.
فبعد ظهورها في بعض الصور كبائعة للشاي بشوارع الخرطوم وتجوالها كبائعة متجولة أيضاً, ظهرت المطربة صاحبة الجماهيرية العريضة بتقليعة جديدة وهي قيادة سيارة النقل “اللوري”.
وبحسب الصور التي تحصل عليها محرر موقع النيلين من داخل صفحات مواقع التواصل الاجتماعي فقد ظهرت ندى وهي راكبة على مقعد السائق في العربة الكبيرة.
كما ظهرت المطربة المثيرة للجدل في صورة أخرى وهي تشير لعبارة مكتوبة على العربة “المحروق يروق”.
صور ندى القلعة وجدت الاهتمام عند متابعيها على مواقع التواصل الاجتماعي, وقد رصد محرر موقع النيلين بعض التعليقات التي جاءت في هذا السياق.
الجيلي عمر “وين المرسيدس يا ندى؟ بقيتي تسوقي اللواري؟”
عبد الرحمن الأمين “ندى القلعة يا أخوانا شكلها خلت سواقة المرسيدس بعد الحادث وبقت سواقة شاحنات”.
محمد عثمان _ الخرطوم
النيلين
ليس الغلط من ندى ولا كن محمد عثمان ولا سراج النعيم.. الحق علينا والغلط مننا البنتابع موقع النيلين.. ويا محمد عثمان كل اناء بما فيه …
مراة جاهلة وهبلة ومنحطة
يادوب عرفتى موقعك و لايق عليك
صحبة سائق
ياجماعة الخير والسواقيين مالهم ، ماكل سواقيين اللوري او ستات الشاي ناس كعبيين ، في ناس الواحد تلقاهو صلواته الخمسة في الجامع وسبحتو مابتفارق يدو ، لكن قلبو وسخان وبيأذي الناس ، طيب الفايدة شنو ، ياجماعة الخير أستروا القبيح وأظهروا السمح
غايتو المرأة دي الله يهديها … قبل كدا قالت ليكم يا هناي وهناية أمسكو القنايا المرسيدس والهمر جايا … فأكيد الهمر جاية بعد حادث المرسيدس بس لوكو الصبر
سؤال لمدير إدارة المرور
هل تحمل هذه المراة رخصة قيادة ثقيلة
وألا يجب معاقبها وبإهمال (وقع ليك) بإهمال دي ههههههه
لابسه ليها سفنجه..!! بقيتي ست شاي وفردتي السواقين ياحليلك ياندويه لقد اصابك مرض حامد
وعقبال ما تسوق السفنجة ولا تبيع الشاي
ياناس النيلين ارحمونا من الاخبار الهايفه
لورى سايق لورى
يا جماعة عايزين محلل نفسي .. اولا لمحمد عثمان دا .. والتاني لتصرفات ندى القلعة الغريبة هذه الايام .هل تحاول ان تكون متواجدة اعلاميا طول الوقت ام انها تحاول ان تعوض بعض الفاقد الاعلامي
سبحان الله .. هذه المرأة لاتستحي أبداً .. تختلط بالرجال وتخرج عن المألوف .. (إذا لم تستحي فأصنع ما شئت ) .
ضراع راجل بس
حنت للماضى .. يابتاعه
محمد دا بموت في ندى وماقادر يصل ليها عشان كدا بينشر فيها كدا
ندى زولة بسيطة ومتواضعة وقلبها جميل تجاه الآخرين وما يدل على ذلك ما تقوم به بين العامة هناك اناس كثيرون حينما يحصلون على وظيفة او شهرة اومال يترفعون حتى على مصافحة الاخرين ويختفون وراء سياج منازلهم الفاخرة ولا يقبلون حتى ان تطل منازلهم على بيوت الفقراء.. لكن نجد ندى هنا وهناك وسط البسطاء هل هذا شئ قريب ؟؟؟؟؟؟؟ هي ارادت ان تكسب قلوب ورضا الضعفاء او تساعدهم او تكسب دعواتهم الطيبة فهل هناك اعتراض .. ندى مشروع منظمة انسانية كبيرة على قرار المنظمات الانسانية حتى في الغرب الاوربي .. والمحروق يروق !!!!!