بعد الأولمبياد لسه نايمين!!
> ايها الناس > استمتعنا بالاولمبياد > كعادتنا متفرجون > ولكن لم نتجرأ لنسأل > لماذا نسجل غياباً دوماً عن مثل هكذا فعاليات!! > اين دوري السلة واين السلة زاتها يا محمد ضياء الدين > اليس بقاؤها مشتعلة ومنفعلة ومفعلة ضربا من ضروب النضال !!!! > اين احفاد وليم اندريا وجيله العظيم!!! > اين تنس الطاولة وتنافس الاندية على بطولاته > اين الملاكمة واين اللياقة البتخلينا ندي الهوك حتي ولو باي هوك اور كروك!! > اين السباحة ؟؟ واين احفاد كيجاب وممدوح وسارة جاد الله؟؟ > اين الطائرة ام لحقت الطائرة السودانية؟؟ > اين كرة اليد ومنافستها وابطالها من الوجود والمنافسة اولمبياً؟! > اين الريشة الطائرة من الاولمبياد!!! > واين الرايات التي يرفعها ابطال العاب القوى احفاد خليفة عمر والكشيف!!!! > واين نحن من كل ذلك!!! > لجنة اولمبية سودانية > وزير رياضة اتحادي وآخر وزير دولة > وفي كل ولاية وزارة رياضة بي وزيرها ومخصصاتها ومواهيها > واتحاد عام لكل منشط يتصارع الناس على كراسيه > واتحادات ولائية لكل منشط يتخابث الناس عند انتخاباته > ديل كلهم غلبهم يؤهلوا فريق منشط او حتى بطل واحد يحفظ لنا تاريخنا وماتبقى من ماء وجهنا ؟؟ > طيب قاعدين ليه ما تقوموا تروحوا > ايها الناس > العالم وافريقيا والعالم العربي كانوا يعرفوننا من خلال ابطالنا > وليم اندريا وجيله > خليفه عمر والكشيف وغيرهما >كيجاب وممدوح وسارة جاد الله وغيرهم > والآن اصبحنا مثل الصومال > يرفع ابناؤنا اعلام دول اعتنت بهم وقدمتهم للعالم بعد ان اهملناهم بحجة عدم الامكانات ونحن نبني قصراً رئاسياً جديداً ويفوق الصرف الحكومي المظهري عندنا نظيره الكندي > مليون لاندكروزر اوباما ومليار سارينا وعشرين مليون حرس شخصي > وديل كلهم بياكلوا وبشربوا ودايرين بنزين وجاز > ودونكم برشم الذي هرب للجواز القطري مجبراً من فرط الاهمال > ايها الناس > الخوف ان ينسانا الناس > واذا حضرنا للاولمبياد نفتقد للخبرات وتواصل الاجيال نسمع من الناس سؤالهم باستغراب > من اين اتي هؤلاء؟ > ايها الناس > الابن بشرى ابن صديقي وليد البشرى الهلالابي > متابع جيد للاولمبياد > وكغيرة من اترابه مليان حب للوطن ويتمني اي شيء جميل للوطن ومتفائل بالوطن > صغير ماعارف حاجه ساي > قال لي ابوهو > الناس ديل ليه ما بجونا هنا في السودان؟ > سؤال منطقي وبريء > قلت ليكم صغير وماعارف حاجه ساي > طبعا بقصد من سؤالو متى ينظم السودان الاولمبياد > صغير وجاهل وماعارف اننا دوري سلة ماقادرين ننظمه > منافسات سباحة ماعارفين آخر واحدة كانت متين > ياخ نحنا ما قادرين ننظم الدوري الممتاز ننظم اولمبياد؟ > وليد اتحرج من ولدو وقال ليهو > الناس ديل شعارهم ما بنمشي لي ناس ما بجونا > ونحنا ما قاعدين نمشي ليهم > ماسكين كراعنا علينا > كراعنا عزيزة علينا > ايها الناس > لماذا تدهور في كل النواحي والمناحي؟ > والاجماع السكوتي يقتل كل يوم جزءاً من تاريخنا الرياضي > وننافق ونصفق ونحسب ان >بالطريقة دي الاولمبياد تاني في الديقيتال ما بنشمها > فهل تحركت ضمائر اعضاء اتحادات المناشط وقاموا بدورهم الذي تفرضه عليهم الكراسي التي قاتلوا من اجل الجلوس عليها؟ > ام نترك الامر لرب العباد يعيده الينا يوم الحشر العظيم؟؟ > ايها الناس > ان تنصروا الله ينصركم > اها > نجي لي شمارات والي الخرتوم >كان شفت يا والينا > الدولار كلو يوم يحير فينا > وبقي ما سائل فيكم يا والينا > لا حاني علينا > لانو بقي سلعة يا والينا > وبدل الهم يكبر فينا > حقو توقفوا استيراد حاجات هي اساسا بتستفز فينا > لزومو شنو يا والينا > كشب عربات وطبق حلاوة وجداعات ووطايات > لزومو شنو اكسسوار موبايلات وعنب وتفاحات > لزومو شنو بالدولار نجيب من الصين لمبات طافيات > ومسدسات اطفال ومفرقعات > وحاجات تافهة حامياني > اليست هذه السلع الترفيهية سبباً في تحويل الدولار من عملة لي سلعة يا والينا؟! سلك كهربا ننساك كيف والكلب قال لو شجعنا صناعتنا الوطنية ويسرنا زراعتنا المطرية والمروية ما كان الدولار اتعزز علينا.. الجريو قال ليهو وكان يا بابا لبسنا مما نصنع واكلنا مما نزرع .. وكان اسي الموظف مترف وبتجدع وكان مشينا الاولمبياد وإلى لقاء. سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلام السيد سلك لا يحتاج الي تعليق كلام ف الصميم مسؤلييين ك الضباط مهمتهم فقط تسير امور الوزاره والموظفين دون الاهتمام ب تطوير الوزاره ومسؤلياته اتجاه المواطن وطريقه الخدمه ….
ارتفاع الدولار بالضافه لكلام سلك هو جشع تجار العمله واتجاه كل المواطنين لشراء عمله لادخاره مما جعل سوق العمله الاكثر حركه