داليا الياس: يجيك واحد عامل فيها الشريف الرضى ومركب مكنة صحابى ويقول ليك: صورتك دى عورة !!
قالت الكاتبة والشاعرة السودانية داليا الياس يوم الأحد (واحدة من الحاجات البتفور الدم فى الفيس والغلبنى كلو كلو أتجاوزها يجيك واحد عامل فيها الشريف الرضى ومركب ليهو مكنة صحابى ويقول ليك:
صورتك دى عورة…!!…وليانك ماشافوها؟!…راجلك عارفك بتكتبى فى شنو؟!!…ماعندك حياء!!).
وأضافت داليا الياس بحسب قراءة ريم منصور محررة المنوعات بموقع النيلين لتدوينتها على حسابها الرسمي بفيسبوك (ياخ أنا ماجيتك فى بيتكم….وعندى رب قادر خبير وعارف النوايا وكاشف السرائر…وماحتتحاسب بدلى… والدين البتعرفو ده كلنا بنعرفو…. وحقو بدل تتفلسف وتعمل لينا داعية تمشى تقرأ ليك ايتين ولا تصلى ركعتين بما إنك أحسن مننا … ومن الأولى تدعوا لينا بالهدايه بدل خالى شغلتك ومداقرنا فى كل البوستات!!!).
وختمت داليا تدوينتها ب “أستغفر الله العظيم وأتوب إليه”.
ريم منصور
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اجيبك واحد عامل فيها الشريف الرضي ومركب مكانة شيخ باربي نحن في السودان ام هولاء صحفيين ام كتاب ما هذا الأسلوب الف وفي
الفطير أسلوب الشارع أسلوب ينم عن أن عجبتك كتابية أفرغ من فؤاد ام موسي اذا كان صورتك ماشافوها فهذا يهمك انتي لكن كتابتك ما شفتيها وما ق ريتيها فعلا عورة
فهذا كتابك يا زمان إلا رحم اللة الكتابة والكتاب
اذا كان هذا هو اسلوبك بموقعك ليس صحف وإنما لكي أن تتخيلي
يا ابني الكتابة القريتها فوق دي اخدها موقع النيلين (ريم منصور) من صفحة داليا الياس في الفيس… والواحد لمن يكتب في الفيس مش زي لمن يكتب في الجريدة…. الفيس مجرد دردشة مع الاصحاب… لكن ريم منصور المتطفلة والبتاخد البوستات من الفيس من غير اذن الناس وتنشرها هي المفروض توجه ليها اللوم.. مش داليا
يا اخي تعبتونا…. كل يوم نقول ليكم ناس النيلين بياخدو من بوستات الصحفيين المنشورة في الفيس.. ودي عبارة عن دردشة فقط ولا شي اكثر من ذلك.
ما بتتذكر لمن كانون متلحين رفيدة ياسين… تعبو البت شديد اي صورة واي تعليق تختهم في صفحتها في الفيس بعد ساعتين تلقاهم في النيلين… شغل مصري بغيض
برغم اعجابي بما تكتبه من شعر .الا انها اليوم خسرتني كمتابعة وقارئة لاشعارها …في زول عاقل يكتب كدا ….الدين البتعرفو دا كلنا بنعرفو …..اعوذ بالله…..كلمة دا ياهذه لا تقال للدين باهكذا اسلوب ….اكتبي السامي -الحنيف -اي كلمة تليق بمقام دين الله وليس دا ….الله يهدينا ويهديك .
بتشبهي عمي شبه عجيب ……….
بتشبهي عمنا بتاع الدكان شبه عجيب
……….
انتي يا أختي مطلقة واللا شنو ؟ في الفيس والواتس وتويتر والتلفزيون والمسرح والصحافة وفي شارع النيل وموقع النيلين وفي كل الميديا _ وكان عندك راجل – وحاة الله اضان الرجال طرشه
الراجل كلامه صاح مليون في المية ، ولو بتعرفي الدين ما كان إتصورتي وكمان معاها ضحكة وصحيح وين وليانك ، ما تتفلسفي ساكت عورة ومليون عوره
والله الزول دا داير ليك الخير واسمعي كلامو قبل فوات الاوان …وأنا دا الما عالم دين صورتك دي محيراني لانو كتاباتك فيها نوع من التدين وكذلك بعض قصائدك ولكن لما اشوف الصورة دي اتعجب وأقول معقول دي داليا الياس … ولو كنتي مرتي وله اختي والله ما بخليك تعرضي الصورة دي في البروفايل بتاعك.
والله العظيم انتوا شعب منافق، هسى صورة المرا دي فيها شنو عورة؟ العوارة التششقكم، مالكم شايفنها حاسرة راسها ؟ ولاا كاشفة ليكم صدرها؟ روحوا الله يلعن ابوكم كلاب معفنيين، فعلا شايفن نفسكم ومركبين مكنة صحابى ، اتفووووو على دا شعب
و الله عفيت منك , أديهم في التنك
عاملين فيها شيوخ و مصلحين أجتماعيين و هم كلهم بلاوي و ذنوب و يتدخلوا كمان فيما يكتب الناس
كان ما عاجبك أمشي لي بوستات داعش و أشباههك علشان يجيك صاروخ طاير يفرتق حنانك ….
ما شاء الله ادب وعلم . خلقه واخلاق. حلوه وشاعره زوله مثقفه لاتهتمى بكلام المهوسون والمهلوسين …هؤلاء معقدين ..
مركب مكنة صحابي – ياجماعة في لسان أطول من دا – دا اطول من لسان الحربوية و اشفط ليك الضبانة في لمحة بصر – يا اخوانا لو ماقادرين تعبرو – ولو قادرين خلو الله والرسول والصحابة بعيد من تعابيركم المشاترة – قالت مكنة صحابة – طيب ياريت لو في حاجة زدي كلنا كنا ركبنا مكنات وانتي اكيد تبسطي ناس النيلين لو تركبي مكنة كيم كاردشيان .
والله يا استاذه صورتك دي ما بتشبه كتاباتك زى ما قال الشيخ خليفة في رسالته الاولى ولكن خلونا نطلع منها ومن كلامها لكن الشيخ محمد خليفة نصيح كدا والزول ما لو عامل كدا لا هو زوجها ولا قريبها اتق الله ياخ السباب ما في داعي ليهو والاباء ذنبهم شنو استغفر الله العظيم .
ربنا يهدى الجميع ان شاء الله
الله يهديك يا بتى
ارجوا ان لانزج الصحابة في مهاتراتنا فهم اصحاب النبي صلى الله وسلم فلايجوز ان نقول مثل هذا الكلام فقد مدحهم الله من فوق سبع سماوات .
والله ياداليا والحق يقال زينتك كلها ظاهرة حنه مرسومه بدقه وإكسسوار وحاجات تانيه وكأننا ماسمعنا قول الله تعالى ( ولايبدين زينتهن )
أستغفر الله العظيم واتوب إليه
فعلا الصورة فيها تبرج واضح …… المؤمن مرآة أخيه …… ممكن وضع صورة بديلة تكون محتشمة أكثر وأرجو الا تأخذك العزة بالاثم.
اهلنا قالو اسمع كلاااااااااام الببكيك ولا تسمع كلام البضحكك
يجب ان تشكري بدلاً من ان تسي اليه لأنه اراد لكِ الصلاح
نسأل الله ان يوفقنة جميعاً لعمل الخير
فعلا الصورة فيها تبرج واضح …… المؤمن مرآة أخيه …… ممكن وضع صورة بديلة تكون محتشمة أكثر وأرجو الا تأخذك العزة بالاثم. نسيت أن أقول هدانا الله جميعا الى الصراط المستقيم.
ِياد اليا والله بنحبك في الله بس ارجو تغيير الصورة دي عشان تقفلي باب الجدل ونحفظ ليك الصورة الجيدة المختزنة في قلوبنا ليك
السلام عليكم
اتمنى ان تعود كل امراة للحجاب الشرعى وتغطية الوجه وترك صحابة رسول الله صل الله عليه وسلم فى كامنا خلوهم بعيييد رضى الله عنهم اجمعين
هدانا الله
وين شنبك ؟
الله يصلح الحال
((( وين شنبك ؟ )))
ما أنت عندك شنب يا طيفور , و ينها رجولتك ؟؟؟؟؟؟؟؟؟؟؟
لاقيني بتعرف
واذا قيل له اتق الله اخذته العزة بالاثم
صورتك عورة صغرى ولكن العورة الكبرى هي حكومة عمر البشير الراقصة المتراقصة التي سمحت بكل هذا الفساد والإفساد في الأرض.. صبراً
البشير وعصابته من مصلحتهم كثرة الفنانين والشعراء وشارع النيل ومن مصلحتهم بقاء الشعب وبالذات الشباب في غيبوبة عن الحاصل من نهب لأموال السودان ومن قتل لأهلنا في دارفور وكردفان والنيل الأزرق وغيره من مناطق السودان وشغل الشباب والناس عن القضايا المصيرية في السودان.. والله أحقر وأحط وأوطى من عصابة البشير الرقاص مافي.. لعن الله عليهم
والله يا علماء الدولار وجهلاء السودان ومنافقيه ليسألنكم الله القوي المتعال عن تغاضيكم عن قولة الحق أمام السلطان الجائر عمر البشير وعصابة السرقة والقتل. ثم الغناء والرقص. ثم الاستخفاف والكفر. يا جهلاء السودان وعلماء الدولار تالله ليسألنكم الله عن ألسنتكم الساكتة عن فساد وظلم وقتل عمر البشير وعصابته للناس في السودان. أنتم الآن تتجاهلون ذلك وتفتون في ما ليس فيه فتوى من أمور واضحة في الدين لا تحتاج إلى فتوى. أنتم صامتون تجاه ما يفعله هذا الرقاص وعصابته الفاجرة الكافرة من قتل وتعذيب وتشريد وإبادة وحرب ضد المسلمين في السودان نعم ضد المسلمين في السودان وهل يجب أن يكون هؤلاء المسلمين من اصحاب البشرة الفاتحة فحسب؟ أنتم يا جهلاء السودان ومنافقيه سيبدأ عذاب الله بكم حين يأتي قريباً لأنكم عميان وصم وبكم أمام ما يحدث أمام أعينكم من ظلم وفساد وقتل للأبرياء في السودان وإبادة بالكيماوي وكل انواع الاسلحة من أفسق ممن مشى على أرض السودان عمر البشير وعصابة الكفرة الفجرة الفسقة. ستعلمون قريباً ما سوف يأتيكم أنتم وحكومة السحر والشعوذة حكومة الدجل والكفر والكفار.
(ياخ أنا ماجيتك فى بيتكم) لا يا داليا جيتيهو في بيتو مدام بيفتح النت جوا البيت ويلقى كلامك معناها جيتيهو جوا البيت.
بعدين مادام انتي صحيفة وبتكتبي في الشان العام فمعناهو انتي وكلامك بقيتوا شان عام وكل شخص من حقه ان يقول رايه فيك وفي كلامك وحتى في صورتك مادام انك تؤثري في الاخرين بكلامك وبصورتك. والصحفي في النهاية شخصية عامة زيو وزي السياسي والفنان وغيرم من الشخصيات التي عندها اثرها في المجتمع والناس مادام انها تتاثر بهم فمن حقها ان تقول رايها فيهم وتبين الخطا والصواب في كلامهم.
وفي مرة وصفتي امثال هؤلاء باعداء النجاح فهم ليسوا اعداء النجاح ما داموا يناقشون كلامك بموضوعية. فانتي مادام اخترتي مهنة الصحافة اما تتحملي دا وتواصلي مشوارك مع التفاعل مع اراء الناس البناءة واما ان تذهبي الي بيتك وتجلسي فيه فعندها لن يقول احد فيك شيئا وهذه سنة الحياة افهميها هكذا .
يا اخوان انا كتبت التعليق الاول الساعة الثامنة واربعة دقائق لكن التعليقين الثالني والثالث لا ادري مين كتبهم علي لساني..
كاتب المقال و المعلقين ما عندكم موضوع .. اتلم السجمان على خايب الرجا .. عايرة و أدوها سوط.