اسعار صرف الدولار والعملات مقابل الجنيه في السودان

والدولار بدأ في الأرتفاع كالمتوقع….مافي عقوبات بتنزل الدولار إلا تزيدوا الصادر..كان نا عملتوا كدا الأسبوع الجاي حيصل ال20ج

شايف الشغل دا رفع راسو تاني ههههههههههه
خلاص سكرتو بالويسكي الأمريكي ولمن فكت منكم السكرة لقيتو الأمور اكعب من الأول هههههههههه

اسمعوها مني كلمة .. والله طالما الحكومة دي موجودة السودان عمرو ما ح يشوف خير .. يا اخوانا انتو بتكذبوا على نفسكم ولا على منو ؟

أنت عارف انحنا بكون ما عندنا مترجمين كويسين لأن نص القرار بكون بخصوص زيادة الدولار….

السلام عليكم

هلا زاد سعر الدولار ام نزل

نحن جاهزين للإنتاج وواقفين بسبب الضرائب والجمارك والرسوم والجبايات والنفايات والإيصالات التي لا حد لها والتي تفوق عائداتنا، ضموا كل هذه الخزعبلات في الضرائب واجعلوها معقولة وبسطوها وقسطوها وليس بهذه البشاعة واعفوا عما سلف وألغوا كل رسوم الإنتاج ما تستعجلوا الحلب خلونا ننتج ونصدر بدون تحرشات وتهديدات بالدفع أو المحاكم وحتشوفونا نوصل ليكم الدولار لي جنيه في شهور معدودة، خلو الرسوم والضرائب بدل ما تكون على الإنتاج وعلى مدخلاته تكون على عائد الصادر وتكون رمزية.. دي خارطة طريق مجانية لكن تخلونا للمحلية والإتحادية وعلي تنظير الأكاديميين والمسئولين المصلحجية اللي مصلحتهم فوق مصلحة الوطن الرماد كالنا وكالكم، مصر ليس عليها أي عقوبات وكمان مطبعة مع إسرائيل وجنيهها زي جنيهنا بالضبط، يبقى المشكلة وين؟ المشكلة في العقليات التي تدير الملفات الإقتصادية، أحرقوا كل قوانينكم وإيصالاتكم لو حبيتو الرخاء يحصل تلبوا بالحيطة نص الليل واسرقوا قانون الإستثمار الإثيوبي وتعالوا طبقوه في السودان بي إعفاءات وتخفيضات معتبرة حتسترجعوا كل رأس المال الفات مننا هناك كان سوداني كان أجنبي، الضرائب والجمارك 70% من عائدات الدولة!!! والله بعد شوية ما تلقو البتشيلو منه الضرائب من الفقر والقهر، الضرائب والرسوم ومن وضعها هم من طردوا الصناعة والإستثمار من السودان إلى إثيوبيا وكينيا وتشاد وامريكا الجنوبية بالإضافة للشفاتة البيقابلو المستثمرين ويقلعوهم نص النهار مقابل التصديقات والموافقات وهم عارفين نفسهم وعلى المستثمرين فضحهم وتقديم شكاوى ضدهم عبر سفاراتهم لرئاسة الجمهورية، العدو ليس في الغرب والمنطقتين والخارج العدو في الخرطوم داخل وزارة المالية والضرائب والجمارك والإستثمار.

6 شهور المعلقة دا اول شهر
الدولار في حدود 18 و 14
في آخر شهر بيصل لي كم يا ربي ؟؟!