سخر الكاتب السوداني د. لؤي المستشار من إنتشار الشائعات بعد قرار رفع الحظر الأمريكي عن السودان وقال (الدجل الأكبر من ترديد بعض الصحف لأكذوبة إهداء السعودية لـ 14 طائرة للسودان، هي ترديد بعض المعارضين لتصريحات خبراء تحدثوا عن هذه الطائرات خربانة وضاربة ومنتهية الصلاحية وتحدثوا عن صفقات خفية وتسائلوا عن الثمن و ورجغك ورجغك ورجغك).
وقال المستشار (الحقيقة أنه ليس هناك طائرات أصلاً وليس هناك خبراء تحدثوا أصلاً..!).
وكتب المستشار بحسب ما قرأ محرر موقع النيلين تدوينته على فيسبوك يوم الثلاثاء (لكن الواضح والمؤكد إنه في ناس كضابين شغالين بيردوا على ناس كضابين تانين ،، وكله كضب في كضب وطلس في طلس).
وأضاف المستشار (ده بشرح ليك ميل أنصار الحكومة لتصديق كل ما هو جميل عن الحكومة ولو كان كذباً، وميل أنصار المعارضة لتصديق كل ما هو قبيح ولو كان أكذوبة، بينما الحقيقة قد لا تكون مع كليهما).
وقال لؤي المستشار في تدوينته ساخراً (بالمناسبة قطر تبرعت للسودان بعدد تلاتة أطباق فضائية من طراز XJL جاهزة للسفر للفضاء).
وكتب لؤي تدوينة سابقة قال فيها (عدة صحف سودانية أوردت خبر إهداء السعودية لـ 14 طائرة للسودان بل وحددوا أنواعها 3 طائرات بوينج 777 و3 طائرات ايرباص 320 و6 طائرات امبرير و2 طائرة إيرباص 330 كارقو.
وهذا الخبر بالطبع غير صحيح، بل هو طلس مصنوع تحت بير سلم واتساب قام بتأليفه شباب مطلسين هواة بغرض الضحك والعبث، لكن يبدو أن صحفيينا الكبار ينقلون أخبارهم من إشاعات الواتساب
لكن الخطأ المضاعف والأقبح أنهم لم يعتذروا عنه ولن يعتذروا ، لكن يا ربي المضيفات من عندنا والا من عندهم).
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
طبعا للأسف انا من الصدقوا الخبر وفرحوا بيهوا جدا لانو قريتنوا فى اكتر من جريدة يومية ما اتوقعت انو تكون الجريدة بتاخد من الوتساب حلبل زمن كان الخبر مقدس عند الجرايد وما بياخدوا إلا من مصدروا
للاسف وللمره الالف ناسف تاني
نحن شعب اجوف… خاوي … ضعيف في كل التربيات من البدنية حتي الدينيه ومابينهما ….
نحن شعب فااااااشل..وحتي ننتفض ونعمل التغير اللازم لابد ان نعترف بالفشل اولا ثم نبدا..
كافراد نعم هناك الناجخين والمبرزين والموهوبين ولكن الحديث ليس عنهم …..نحن كللللللنا فاشلين..
حكومة فاااااااشله فشلن فشفش فشلوا
لمجتمع فااااااشلين حتي النخاع
كافراد ….امسك من طرف
نحن نلهث خلف الفارقه
ونهتم بالاجوف
ونتاثر بالركيك
ونحب التظاهر
نجود فن الغش والدجل والسرقه والرشوة والاذدراء والتعالي والتكبر…هههها والتحلل.
اكبر من ينساق وينجرف وراء الشائعات بل وزيادتها وتعديل واضافات.ثم ندعي الرقي والحضارة والتدين والنظافة والعفه…هههها والتحلل
وبرضو ورقم كل ذلك احب كل سوداني حتي الثماله.. وياريت يتغير وضعنا وكل زول يبدأ بنفسه..ودي اهم نقطه…كل زول يبدا بنفسه
والسلام