اسعار صرف الدولار والعملات مقابل الجنيه في السودان

الله أكبر.. حسي المغتربين ح ينبذوا ناس الموقع.. تاكلوا غيرها .. الله اكبر

بصراحة فيها ظلم كتير علي المغتربين وتاني شي كل السلع مرتفعة والمغترب حقيقة هو البدفع الضريبه في كل شي والناس البتشمت علي المغتربين عليهم ان يعلموا بأن الدولار غير المغترب مافي حد بجيبوا خيرم كتييير علي المواطنين

انت يا عوير الشفت الدولار والاسترليني عملت شنو ف الدنيا دي

عشان الدلاخه بتاعتكم دي الدولار ارتفع والقادم اجمل

بعيدا عن العواطف والهاشمية
هل فى السودان اقتصاد وإنتاج وصناعات وتصدير ليعود للبلد بالعملات الحرة
اللكيزان يسيسطرون على كل شى المال والسلطه والإعلام والبنوك التأمين والاستيراد والوكالات ولا توجد فرصة للتنافس فى السوق اصبح الاستيراد لكل السلع حتى البسكويت والثوم والملابس والاحذية والاثاث باختصار لا يوجد انتاج ولا صناعة ولا خدمة مدنيه بل فساد وغش ومخدرات بالحاويات وتهريب الذهب اصحو يا حالمين طالما فى كيزان انسو

ياريت لو الجنيه السودانى ارتفع والسوق انخفض كدة الناس كلها تكون مبسوطة . لكن النزول الوهمى ده والكذب حبل قصير . تانى حيتزلو السعر ويرفع تانى

اعتقد النزول وهمي ولاسباب غير مقنعه ولمن تتكلم مع التاجر في الزياده يقولك الدولار رفع عشان كده رفعنا
واول ماينزل تمشي لنفس التاجر يقولك لا ماهو لازم للدولار النزل ده ياخد دورته يعني نشتري ب 16 ونحولو ونخلص البضاعه و……
طيب ياخي اول مايرفع ترفع طوالي حتي البضاعه في المخزن ولمن ينزل ياخد الدوره
كلام عجيب ياخي

المغترب اغترب عشان هنا مالقاء حاجه
اذا بقت مامغطيه اكيد حيرجع وله هي ميته وخراب ديار كمان

نزول سريع كويس عشان يصل القاع ويرتد طبعا وبسرعة . الدولار في يد ناس الحكومة وما من مصلحتهم النزول اكتر.

اذا نظرنا إلى الزيادة المستمرة في أسعار الدولار منذ أن كان ب ٦ جنيه إلى أن أصبح ٢٠ جنبه ماهو المنطق الاقتصادي الذى استند إليه بالطبع لا يوجد منطق الشيئ الوحيد المتبع هو الدعاية والاشاعة والأساليب النفسية هي المتحكم في الاقتصاد علما بأن السودان حينما كان به بترول كانت معه حروبات وانفاق قومي كبير جدا ( حينما جاء الجزائريون لحضور مباراة الجزائر ومصر واشتروا بعض الأشياء وسكنوا في الفنادق واستاجروا التاكسي لمدة ثلاثة أيام) انخفض سعر الدولار لا أعتقد بأن ارتفاع وانخفاض الدولار ينبني على المؤشرات الاقتصادية التي تعتمد على الإنتاج والإنتاج والسياسات المالية (وزارة المالية) والسياسات النقدية ( بنك السودان) بالله عليكم كم كان ايراد البترول وكم كان الإنفاق القومي الأمن والدفاع والارضاءات والبنية التحتية والفساد المالي والإداري لهذه الأسباب التي ذُكرت انفا والسبب الرئيسي والمتحكم في الانخفاض والارتفاع هو مجموعة من الأشخاص يفضلون مصالحهم الخاصة اي الأرباح وتعظيم شركاتهم نسوا ان هنالك فقراء ومساكين يفترشون الأرض ويلتحفون السماء الدواء والاكل والشرب أسعاره ترتفع بسبب الجشع والأنانية المفرطة…
لا داعي أن المواطن يسيئ الي المغترب أو المغترب يسيئ الي المواطن كل له أسبابه ومبرارته الخاصة يجب علينا جميعا ان ننظر إلى أسباب التدهور وان نعمل وننتج ونكفاح من إصلاح الاقتصادي بزيادة عجلة الإنتاج والإنتاجية لنضمن الاستقرار والتنمية المستدامة لا ان نلقي اللوم على عاتق حد والفرصة أصبحت مواتية لتحقيق الأهداف المنشودة برفع قرار الحظر الاقتصادي
لابد للحكومة من خلق سياسات تحفيزية إعفاء مدخلات الإنتاج الزراعي والحيواني من الجمارك والضرائب لضمان الوفرة محليا وتصديرها لجلب عملات حرة حتى يصبح لدينا احتياطيات وان يعم الاستقرار الاقتصادي والتنمية في السودان

الله يرحم الدولة التي يقنن لها أصحاب المصالح
يعني فشلوا في ضبط الدولار فتحالفوا مع التجار
وذلك يعني ان الدولة وتجار الدولار واحد ومصلحتهم واحدة وكما وافق التجار على إنزال الدولار ستوافق الدولة لاحقاً على رفعه إلى قيمة خيالية لمصلحة التجار

المغترب هو الشخص الذي ضحى بحياته في بلده من أجل أن يحسن وضعه
تمر به الأيام وهو لا يجد لها إلا طعم المرتب المرتفع الذي يأخذه آخر الشهر يفقد متعة السير في طرق البلد وصباحات الاحبه .تمر به الأعياد مسيخه يشتاق للتراب والحر وزحمة المواصلات .ويظل يجمع المال عسى أن يرجع ويعيش ما تبقى وسط أهله واحبابه
لكن يظل السؤال يفرض نفسه هل سيعيد ما مضى من سنوات ؟ وهل سيرجع من رحل إلى الدار الآخرة ليعيش معه أيام؟
المغترب هو أول من خسر من تدني الأوضاع الاقتصادية في السودان .
فالحياة ايام تمضي ولا تعود

ربنا يعين وينصفكم

كل الكلام عن الدولار الفي يد المغترب بخوفو فيهو عشان يحولو بالسعر المتدني الآن.!!
بالله عليك حكومة تواطأت مع حلفائها تجار العملة عشان يلمو دولارات المغتربين دي حكومة فيها خير؟؟!! بدل ما يدعموا اقتصاد البلد بالانتاج والتصدير عشان يجلبو العملة الصعبة بتصيدوا مدخرات المغتربين.!!!
الناس ديل ما فاهمين ولا شنو؟؟!!
الجنيه السوداني ما ح يتحسن إلا بالانتاج والتصدير مش بالهرطقة والنظريات الجوفاء ولا فاكرين إنو ربنا ح ينزل ليهم رزق من السما عشان “حققنا الشريعة”.
سؤال لأصحاب العقول الاقتصادية :
# ما هو تفسيركم العلمي لانخفاض قيمة الدولار في السوق الأسود بالسودان، وليس هناك لا إنتاج ولا تصدير ولا هم يحزنون؟؟!!
نرجو الاجابة لأصحاب الاختصاص -فقط- وليس ناس “ياهو ديل”.!!!!

الي جميع الاخوة المغتربين
بالواضح كدة نحن نقوم بدور وطني كبير لانقاذ السودان وسنُشكر
عليه. السودان ليس به عملة لسداد ديون الصين وقد اوشكت الصين
على شراء اراضي وتوطين سكانها بالسودان بقيمة ديونها التي تبلغ
اكثر من ١٨ مليار دولار وفشلت الحكومة السودانية في الحل. من
ضمن الاقتراحات كان فرض ضريبة مباشرة علي المغتربين ولكن
رٌفِض هذا الحل لصعوبة التنفيذ. بما اننا نعلم تمامآ حجم العملة الصعبة
المتداولة بالسوق الاسود فقررنا نحن والحكومة السيطرة التامة على
تداول الدولار وباحتكارنا للسيولة فنحن من يشتري الدولار ونبيع
لحكومة السودان. بحلول مارس سيصل سعر الدولار الى ١٠ جنيه
ولن ينزل اقل من ١٠ جنيه. كما سبق وان ذكرت بان اسعار المواد
بالسودان لن تنزل وفرق السعر سيتم اخذه من المغترب….. عشان
نسهل ليكم الفهم سيكون سعر شراء الدولار ١٠ جنيه وسعر البيع
للمستوردين للسلع ٢٠ جنيه ونتوقع ان نتحصل على مبلغ ٢ مليار
اضافي يدفعها المغترب برضا تام.
تأكيدآ لما اكتبه لكم فمن يذهب لتغيير عملة فيمكن ان يقف في منتصف
شارع القصر ويعلن بصوت عالي انه يريد ان يبيع دولارات فسيأتيه
من يشتري منه بموافقة تامة من الشرطة او الامن الاقتصادي فقد
أعيطينا كامل الحرية في التعامل ولن تسمعوا بأي تاجر عملة تم
قبضه في (كشة).
يوم الخميس الثاني من فبراير ٢/٢/٢٠١٧ سيكون سعر الدولار ١٦
جنيه ويوم الاثنين ٦/٢/٢٠١٧ سينخفض ل ١٤,٥ جنيه.

الاهم هو نزول الاسعار , فليس من المنطقى الدولار منخفض والاسعار ماشة فى ارتفاااع !

تعليق على الاخ احمد المرضي قال لايوجد منطق لارتفاع الدولار الى 20جنيه …المنطق يا اخوي مافي إنتاج في البلد نستورد بس لاصناعة ولازراعة ونزيدك من الشعر بيت الفساد المنتشر في البلد هو اكبر سبب مدمر للإقتصاد …الشعوب والدول نهضت بالانتاج والعدل ومحاربة الفساد ….طالما نحن من اوائل الدول في الفساد وعدم الانتاج نكون في المؤخرة دوما واذا حافظنا على موقعنا الحالي نكون كويس جدا….

طيب ارتاحو ياناس العمله والمضاربات مدام الجنيه فى نزول مستمر خلينه التحويل ونستثمر ماعندنا فى بلاد المهجر اونرسل بضاعة ساى ومافى حد حيرسل تانى دولار ولاريال كده كيف نزلو اكتر والبضائع فى زياده اكتر النشوف من الخسران اكتر .