برلمانيون يطالبون بزي موحد للمعلمين بمرحلتي الأساس والثانوي
طالب أعضاء بمجلس تشريعي ولاية الخرطوم وزارة التربية والتعليم بزي خاص وموحد للمعلمين في الولاية لمرحلتي الثانوي والأساس، وشددوا على ضرورة مراجعة مستوى الطلاب في اللغة الإنجليزية، ووصفوه بـ “المتردي” و”الضعيف”، وفي الأثناء وجه عضو بتشريعي الخرطوم انتقادات لاذعة إلى وزارة التربية والتعليم بالولاية، ودمغ الوزارة بممارسة نوع من العنصرية في التعليم، بتقسيمه إلى تعليم إلى نازحين ومشردين وحضر، وتخوف من انهيار التعليم في الدائرة الغربية الشنقيطي.
وطالب العضو الحاج نور الدائم في مداولات النواب لتقرير وزير التربية والتعليم بالتشريعي أمس الثلاثاء بتشكيل لجنة للتحقيق مع مدير تعليم الأساس في المنطقة، وقال: “مدير التعليم يستفز المواطنين وحمامات المدارس تنهار ولا يكلف نفسه بزيارة أية مدرسة”، وأشار إلى أن طلاب المدارس يدرسون في الخيم، وجزم بعدم وجود أي مدرسة ثانوية للبنين في المنطقة، وطالب نواب بالمجلس وزارة التربية والتعليم بصنع زي خاص وموحد للمعلمين في الولاية لمرحلتي الثانوي والأساس، في وقت جزموا فيه أن بيئة المدارس الخاصة غير تعليمية وبيئة تجارية فقط، ونبهوا إلى أنها “بيوت” و”شقق” لا تصلح للدراسة، وطالبوا بعدم التصديق لأي مدرسة خاصة جديدة.
الخرطوم: محمد إبراهيم
صحيفة التيار
والله دي فضاوه دي البرلمان دا ما في حاجات اهم من دي ؟ لبس المعلمون كمان يتدخلو فيه ويطالبوه ان يكون موحد ؟ دي الانتخبوكم عشانها نحن كمان بصفتنا الذين انتخبناكم. نطالب ان يلبس البرلمانيون زي موحد شريطه ان يكون ردا وقميص وشبط
حكاية الزى الموحد بتذكرنا بتجار الأقمشة تكون في شحنة جاية
الزى من اختصاص المدارس و بهذه الطريقة تضاف أعباء ملابس العام الدراسي إلى المعلمين
والله مفروض يلبسوا اى زول فى البرلمان زى موحد وتكون دموريه ومكتوب عليها عاطل ارتزاقى برلمانى حماااااااار
البرلمان ده اهدار للمال العام و الوقت
اهم حاجة ابقاء الوان و مواصفات الزي سرا حتى يستورد الكيزان نفس الوان القماش ويجهزوا كمية من الجاهز وبعدين نشر المعلومات عشان التمكين وكدة و مش كل من هب و دب يضايقم في السوق
ههههههه والله تعليقاتكم حلوة يا شباب
بالله عليكم هسى البرطمان دا ولا البرلمان دا ان نتحرى
فيهو عشم ودخرى لحل مشكلة المواطن السودانى مفش
مشكلة يعنى المشاكل كلها اتحلت يعنى ما شا الله عليكم
يالبرطمان رخصتوا لينا العيش والشقق بقت مجان
هسى عليكم الله لو ناقشتو أسعار العقارات الطارت السماء
دى ما كان أحسن
بدل ما تقعدو تناقشو فى المعلمات يلبسن كيف انتو كدى اول ابنو ليهم حمامات
بدل ما كل يوم واقع فيهو يا طالب يا استاذ