امينة: قرأت تعليقات في موقع النيلين أني حبشية، انا سودانية بنسبة 100% .. فيديو
السودانية أمينة من مواليد الولايات المتحدة الأمريكية لأبوين سودانيين من مواليد السودان وهاجرا الى الولايات المتحدة الأمريكية في العام 1977 بالتقريب، أمينة أصبحت إحدى نجوم الإعلام الإجتماعي ودرجت على نشر العديد من الفيدوهات وهي تتحدث باللغة الإنجليزية تعرف بالسودان للعالم.
قالت العديد من الناس لا يصدقون أني سودانية وقالت أنها تتواصل مع المعلقين في قناتها على يوتيوب وقرأت تعليقات الناس في موقع النيلين وقولهم أنها حبشية، وقالت البعض يقول عنها أنها إريترية ومنهم من يقول أنها من اللاجئين الأثيوبيين في السودان، وأكدت أمينة بحسب مشاهدة ريم منصور محررة المنوعات بموقع النيلين للفيديو المرفق: (أنا سودانية بنسبة مائة في المائة) وليس في دمائي أي عنصر أخر من الحبشة او غيرها.
وأضافت أمينة أنها تحب أهل الحبشة ويتعاملون معها برقي وإحترام وهم أناس يتمتعون بالجمال ويتقبلون الأخر بصدر رحب.
وتوجهت أمينة بحسب الفيديو المرفق بالشكر لموقع النيلين لمشاركته فيدوهاتها ولجميع الذين علقوا على مواضيعها، وقالت أنها تحب السودان والشعب السوداني ولذلك أنشأت قناة على يوتيوب.
وقالت أن طريقة تسريحة شعرها قد لا تشبه طريقة بنات السودان وتشبه استايل الحبش ومع طريقتها المرحة وهي ضاحكة قالت بالعربية (يقولوا لي في السودان شعرك منكش).
وقالت أمينة أنها ستزور السودان قريباً، إن شاء الله، وإحتدم نقاش في وقت سابق على صفحات النيلين عن جنسية أمينة لتحسم الجدل وتقول بوضوح أنها سودانية في فيديو سابق، وكشفت أنها من قبيلة الدناقلة في السودان.
ريم منصور
https://youtu.be/FnEmQ-6xzpo
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اوكي انت ما حبشية .. لكن اختك بنسبة مليون في المليون حبشية
الزولة دي أثبتت أنها سودانية بالدليل القاطع، ماعارف الناس دي بتغالط في شنو !! ؟؟
حكاية لغتها مكسرة … طبيعي لأنها عايشة أو مولودة برة ، تاني حاجة اختلاطها الشديد بالاثيوبيين لدرجة الزواج منهم، هو اللي جعل لكنتها حبشية، يمكن.
بعدين هي عايشة برة و متزوجة حبشي، لو اصلها كانت حبشية، ما في حاجة ح تخليها تزعم أنها سودانية …
باختصار ما في موضوع، بعدين هي مفروض تنشر اسمها حتى جدها الثامن،عشان الناس ديل يشوفوا موضوع تاني ….
دمك ما دم سودانيين انتي حبشيه والبنت اللي معاك برضها حبشيه
بصراحة انا من المعلقين القالوا انت ماسودانية لانه شكلك مابشبه السودانيين اقصد ملامح وجهك ..
اذا كان انت سودانية حقيقة نقدم اعتذارنا لك
بس الموضوع ماموضوع انت سودانية او حبشية الموضوع هو ايه نستفيد اذا عرفنا اصلك ؟؟
يا Um-Khalid
الحبش يشبهوا (معظم) السودانيين، لأنهم الاتنين نتاج هجرات شرقية و تزاوج مع مواطنين محليين …
فعلا الحبش عندهم ملامح بتمييزهم، لكن نفس الملامح موجودة عند بعض السودانيين. هسا البنت دا لو ما سمعتيها تتكلم، ما في حاجة تتدل علي أنها حبشية، زيها و زي السودانيات …
بعدين حتى لو كانت ما سودانية، ما في مشكلة، يعنى ما عملت مشكلة كبيرة عشان الناس يبترأوا منها …. كعبات (اللافحات) تيابهن و عاملات سودانيات …
أنا شايف ما في موضوع …. باختصار شديييييييييييد !
العود الفيه شق بقول طق.مدام انتي سودانية الجقلبة شنو كل يوم سودانية ومن دنقلا كمان .مش ممكن يكون دنقلاوي متزوج من حبشية يعني خلطة كدا .وبعدين بالبيسبت انك حبشية متزوجخ ليك واحد اثيوبي .لو كنت سودانية متاصله ابا واما كان ماتزوجتي ليك اثيوبي. بالله انقلعي لينا من الموقع دا وشوفيك حفتي اتلمي عليهم احسن .دي تكون جاسوسة مندسة من المجندات التي تتبع للمخابرات المصرية عايز تلهينا من هجومنا علي المنتجات المصرية المسرطنة. العبي غيرا نحن صاحين ليك.تاني لا نسمع منك تقولي انا سودانية .وحتي لوكنتي ما مقتنعين بيك.
الحبش مالم احسن ناس لو كانو قالو سورية كان قالت صاح سودانيين معقدين اها جوكوم السوريين بدل الحبش زمان بترفعو الاعلام الحبشية هسي السوريين بيرفعو الاعلام السودانية في قلب الخرطوم ومول الواحة عليك الله براحة واللبيب بالاشارة يفهم وجات موزة تزيد الزحلقانية وتدعم السوريين سودانيين عندكم عقدة اللون الابيض والكريمات اكبر دليل والسوري دليل حتي القنوات التلفزيونية تبحث عن المذيعة البيضاء تفوه عليكم
طيب اها صدقنا سودانية
و بعدين
بكرة حيقولوا لينا ناشطة إجتماعية و تشاركي في الخوار العبثي و يرشحوكي للوزارة فرقك شنو من تراجي
آاااااخ
مشكلتنا مسودانيين انو عندنا احساس بالتميز والعنصرية التي تجعلنا نعتقد ان الاخرين يتمنوا انهم يكونوا سودانيين . يا اخواننا الاثيوبيين برضو يعتزوا بي نفسهم ويفخروا بي وطنهم . واثيوبيا دولة عريقة تاريخيا واقدم من السودان . ومافي شي يخلي اثيوبي يدعي انو سوداني . وكل زول يعجبو الصارو
ايش نستفيد اذا حبشية ام سودانية بنت متبرجة لا تشرفي السودان
حبشيه بنت حبشيه وانا مالي ومالك سودانيه ولاحبشيه اها اها انتي سودانيه اها. اها فضأ وكلام فارغ زهجأنين وعندنا ظغط وترفعوه لنا بي الاخبار السخيفه
ياخ انتي ولوشي ماعارف لوسي وفاطمه الكذأب وناس بايخين ماعندكم شغله؟ اخبار زي وشأتكم وانتي يابنت انا ماقلت حبشيه ولاسودانيه عادي بس
ياقوم لاتجعلوا من الحمقا مشأهير.
هي عايزه الشهرة وماعايزه شي تاني
كثير من الحبش هاجرو إلى أمريكا على اساس أنهم سودانيين وخاصة الذين دخول السودان وتعلمو العربية و اللهجة السودانية و تجدهم فى تركيا و لبنان فى مكاتب الاجوء يقولون نحن نحب الحرية .
انا عايز اعرف انتو مستفيدين شنو لو بقت حبشيه ولا سودانيه ولا اي جنسيه تانيه،،،ياخي دي بت وباعتبارو التمستو عروض الناس والتدخل في امور شخصيه ياخي خلو البت والناس في حالها،،كلنا بني ادمين وكلنا مخلوقين من طين وكلنا عند ربنا سواسيه،،،للاسف صفه سيئه جدا موضوع العنصريه في القبايل ودا ابيض ودا اسود،،،لافرق بين عربي ولا اعجمي الا بالتقوى،دا عدم موضوع وقله فهم بس،،،
لماذا تزوجتي بذلك الحبشي طالما انتك تتنكرين من الحبشة والمصيبة غير مسلم . لو كانت عندك محبة للسودان والشعب السوداني لما تزوجتي بهذا الحبشي . كل يوم طالة علينا الجديد شنو عندك
خلاص كويس انتي سودانية وجدك المهدي وعمك الأزهري وأنا شخصيا خالك وطيب وبعدين ؟؟؟ عليك الله نزلي لينا الدولار وخليه لينا بي سبعه جنيه …وياامينه كبي حرجل أهو برضو موضوع نقعد نلوك فيه كده لحدي مانلقي لينا واحده زيك او زي بتاعه البنقالي ديك تجيب لينا موضوع نلوكه وهكذا اصلا نحن شعب فارغ ..
والله يااخ حيدر جبت المفيد وكلامك كله صاح نحن حقيقة شعب فارغ
لايوجد اثيوبي ينكر اصلو لي الناس البتقول ناكر جنسا الحبش ديل اكتر ناس مابخلو تقاليدهم واصلهم لو كان بنكرو كان عملو زي الهوسا والقرعان والخ العاملين سودانين ديل
جردل موية بظهّر حقيقتك… ككو بس والله
Amina listen dear sister does it matter if you are Sudanese or Ethiopian ,,,,I don’t think so
اهلاااااااا والله ونحن بنحب كل من يحب السودان والله وطوبى لهم
ما عندها علاقة بالسودانيات
الحبش هم اللي انتهوا من السودان
زي ماقالوا اخوانا السعوديين . ماحد درى عنك
والله يا شعب الله المحتار حيرتونا بالله شوفتو ليكم زول مولود ومتربي ومعاه جنسية امريكية ينكر اصلو!!! ما شايف ليها سبب تتلصق فيكم !!
الناس البقولو مافي سودانية بتعمل كده في سودانيات عملو اكتر من كده بكتير وانت عارفين والامثلة لا حصر لها وما اطفال المايقوما ببعيد واخيرا السورين عملو ما عملو وهلمج وماخفي اعظم .الفساد العندكم نصو عند الحبش مافي.فوقو ياشعب الله المحتار وبطلو استحقار بالحبش .
الحبشية لو حملت بالحرام ما بترميه للكلاب ولا في حمامات الجامعات ..اصحو انتو احسن خلق الله علي الارض ولا من مشي علي الارض ..اصلا مين انتو عشان تحكمو عليها سودانية ولا حبشية .خلو الخلق للخالق.
ياخي تكون حبشيه ولا سودانيه ماعادي انتو المزعلكم شنو سودانيين ماعندكم موضوع
Aha?…ok…Sudanese…Ethiopian
..what did you did for the Humanbeing !!What s .
ur role on the earth? You r kidding
We wish from the channel to give us news about people who we can be proud of them with the science s they have and scientific expermnts they did, and long life in researching. ….
stop kidding us?
I’m sorry for my self and my family for that time I lost toread apart of what is going here ….this few minutes do cost too much to my family.
I will never ever oben this
channel . ..it s only losting time
I hope other also realize this fact.
كان حبشيه او سودانيه الفرق شنو ما تنسوا الاسلام دخل السودان من الحبشه. الحبش اسلموا قبل المدينه المنوره احب السودان اكتر من….
ما تنسوا انا يستاهل الجنسيه السودانية لكن في ناس واللهِ العظيم فى دول قريبه حبش بيحملواا
ِِِِِ…….حرف عربي ما بيطلع منو خليك انو يبقي سوداني التفاهم بالانجليزي بردو سوداني .
للمعلوميه السودان حق الأمه الاسلاميه ولكن الحبشة انتو ما عارفين) ضيقه(
look here ……Ethiopian girl..
I say again you’re not a Sudanese. .do not say you’re
you’re anethiopean father and grandpa …..
and thise is bull shit you’re saying Sudanese and thise is not a programs to talks about let us reality
كرهتينا والله كل مرة …انا سودانية …
ياخي ظاهرة حبشيه أبا عن جد ماتقدينا ياخ
اناماكنت عارف حاقضي يومي كيف لو ماعرفت الخبرالعظيم دا دي منو اصلا؟
عندي سؤال. يا إخوانا المشكلة فين لو سودانية و لا اثيوبية. ؟