ارتبط الافارقة عامة والشخصية السودانية خاصة في الاعلام المصري الصحف ، البرامج ،الافلام ، المسلسلات ، المسرحيات.. الخ بالسخرية وتقليل الشأن ، فعلى سبيل المثال طلعت زكريا في اشهر الافلام المصريه واكثرها مشاهدة (حاحة وتفاحة) حين تحدث عن الصومال قال الان مع فنان الصومال الاول ريكو بعد اصابته بإنفلونزا القرود.
غالبية الاعلام المصري ظل يزور الشخصية السودانية سنين طويلة وظلت اللهجة السودانية محل سخريه والحقائق عن السودان مغيبه، الى ان اتى الفنان الكبير دكتور يحي الفخراني وقدم مسلسل “الخواجة عبدالقادر” على mbc عن مهندس اجنبي كان يعمل في انشاء خزان جبل اولياء جنوب الخرطوم واسلم على يد الشيخ عبدالباقي المكاشفي بعد ان انبهر بإسلام القيم وجمال الروح وليس اسلام الطقوس والهوس ، اسلام الرحمة والمحبة ، بعد اسلام الخواجة عبدالقادر بعثه الشيخ الى الازهر الشريف للدراسه هناك ثم عاد للسودان وعاش فيه حتى وفاته ودفن بالقرب من الشكينيبة.
المسلسل أنصف السودان والسودانيين على غير ما تعود عليه السودانيون من الظلم المتعمد لهم في الدراما المصرية، كانت المرة الاولى التى يقدم فيها السودان بطريقه ما تشبهه ، تعددت الجنسيات في المسلسل اتراك انجليز ، مصريين ، سودانيين وتعدد اللغات واللهجات ايضا وكانت اللهجة السودانية واضحة تحدثوا بها بطريقة مثيرة للاعجاب كأهلها وتذوقوا العامية السودانية وليس سفرة (عصمان) وقدموا التراث والحكم والامثال السودانية بكل امانة ومصداقية في الطرح بشكل يدعونا للقول شكرا يحي الفخراني
بعيدا عن اعلام النظامين السوداني والمصري ان كان هناك من يستحق التكريم الشعبي السوداني فهو هذا الرجل المبدع (يحي الفخراني)
بقلم
سيد الطيب
ابحث عن اصله لتعرفه من هو يحي الفخراني ؟
هي العنصرية داخل السودان هينة يالاخ صاحب المقال طبعا يادوووب عرفتهوها حارة وقت جات على دماغ كل السودانين المصريين ما فرزو زرقة وعرب كلنا وااحد في نظرهم عشان لازم نتحد بالأول ونعالج أنفسنا ونحترم هويتنا من جميع الاتجاهات المصرين ديل الله سلطهم علي العنصريين السودانين لانو كلمة عبيد في قبائل بتقولها لقبائل الجنوب السوداني.
يامسلمون العنصرية حتتحاسبوا عليها يوم القيامه
قبل عشرة أعوام تقريبا حدثني بعض السودانيين المقيمين بالقاهرة عن حب هذا الرجل الصادق للسودان والسودانيين وعن حرصه دائما الإلتقاء بهم والسؤال عن حال السودان… التحية والتقدير للدكتور يحي الفخراني .
العنصرية موجودة فى السودان بطريقة واضحه … الذى لا ترضاة لنفسك لا ترضاه لاخوانك… والجنوب انفصل بسبب العنصرية ودارفور وجبال النوبة والنيل الازرق تعانى من العنصرية والتهميش ….. الاولى ان تحاربوها فى الداخل
وليه يكرموا الشعب السوداني كلو هو لعب ولا ماعندنا موضوع اي حاجة تكون بقدرها اطلب من وزارة الاعلام او اتحاد الفنانين يكرموه لكن الشعب !! … بس بقينا منتظرين اي شخص يقول حتي لو كلمة او عمود صحفي يشكرنا فيهو او يسيء لينا عشان الشعب كلو يقوم عليهو ..
ما عارف أنا يحيي الفخراني عمل شنو للسودان؟؟؟؟
وبعدين دا مسلسل بي سيناريو متكوب ليهو ويقراهو بس ؟
والله يا ناس النيلين فقعتو مرارتنا, ياخي اتخيرو في النشر حسبنا الله عليكم .
خلاص سراج النعيم فك كيم كاردشيان ؟؟؟
قومو بلا يخمكم . بعد ما يكرمو المصريين سودانيين تاني فكرو في تكريم يحيي الفخراني؟ الله لا جاب عقابكم
والله بالجد دا عدم معرفة من كاتب المقال هو يعلم تماما ان يحى الفخرانى ممثل وليس كاتب او سيناريست فما تتهابل ساى ونكرمو وكلام ما عندو معنى قال تكريم قال