طرد طبيب مشهور من داخل استديوهات فضائية عريقة أثناء بث برنامج مشاهد على الهواء بسبب تعثره في الحديث في أكثر من مرة وبذل التيم العامل مجهوداً جباراً في تدارك أخطائه وتلعثمه في الحديث إلا أن المذيع فقد السيطرة على الحوار وطالب المخرج بفاصل إعلاني معلناً انسحابه عن تقديم الحلقة، فيما قال المنتج -الذي فضل حجب اسمه-: (لم يكن أمامنا خيار سوى قطع البث والاعتذار للمشاهدين عبر بث مادة من المكتبة).
الخرطوم: تفاؤل
السوداني
يمكن تمتام
العجلة ليكم شنو
والعنوان المثير دا لازمتو شنو . بقيتو زي الجريدة الهايفة (الدار) الرجل لو تلعثم واصابه رهاب المايكرفون يعتذر له بصورة مهذبة . المسألة ما فيها طرد . يطردوه ليه ؟ هم المحتاجين ليهو . عموما معظم السودانيين عندهم المشكلة دي . يتكلم كويس واول ما يشوف كاميرا يتلعثم
وانا اشهد لانى واحد منهم ههههههههه
عنوانكم مثير وكان الرجل إرتكب جريمة ..كان ممكن يكون : الاعتذار لطبيب مشهور ..تعلموا فن الذوق الصجفى .
كلنا نعاني من الرهاب الإجتماعي بقدر ما ، لكن العنوان لا يحمل أي قدر من الفهم و المسؤولية
ذلك هو حالنا في كل الميادين ودونكم فريق جيم لكرة القدم
تلميع (النكرات) واذا فشل يصبح هو الملام وهو الضحية.
ياخ علي الاقل كان تعملوا ليهو دورة في مهارات التواصل . ولا تسجلوا البرنامج
والصحفية دي دخلت الجامعة كيف واتخرجت كيف ونالت القيد الصحفي كيف وعينوها كيف؟
وكيف تمرر ادارة التحرير مثل هذه الصياغة الخاطئة و الركيكة؟
دليل آخر على فشل مخرجات السلم التعليمي للانقاذ بعد 27 سنة من الرأي الواحد و دليل آخر على فشل ادارة المؤسسات الصحفية و غيرها،
و مازال الانهيار مستمر.
اخباركم معفنه زيكم ليه ما تجيبو الخبر بشكل واضح. والسبب شنو اللي بخلي دكتور بتلعثم في الكلام اكيد سكران. وما عايزين تقولو.
العنوان خطير جدا فكأن الرجل ارتكب جريمة بشعة عموما حتى لو كان يتلعثم والمستمع اذا كان يقدر يفهم كلامه الرسالة بتصل يعني ما في داعي للطرد والكلام بتاع التحشيش والبوبار البعملو فيهو السودانيين دا
اتلعثم علي شنو وفي شنو.
هو مالي العين ده منو البخليهو اتلعثم.
بس ممكن اكون عنده سكري ومريض السكري في حالة ارتفاع السكري امكن اتلعثم
وقطع في الكلام
طبعا العنوان مثير للفضول ..
بس الموضوع عادي جدا
ياجماعه احتمال دي اول مرة يعملوا معاهو حوار
وفعلا يعني بالجد الشخص بدخل في حالة فوبيا
لانو كل العالم ح يشوفك
شئ عادي جدا
و الله لما قريت العنوان إفتكرت إنو عامل حاجه اكبر من كده.
التفاصيل كانت منافيه تماماً
مافي علاقه بين العنوان و التفاصيل،
و اي واحد لما يقرأ
العنوان ح يقول الطبيب أجرم في حق الفضائيه.
و أخيراً من الذي اختاره ضيفاً للبرنامج؟
ألم كن علي دِرايه بقدرات ضيفه؟
ماشاء الله روعة
ياخ يمكن متوتر يمكن عايز يمشي الحمام مزنوك
العنوان دا حسيس المقال خبل
مواضيعكم دائما مبهمة. تشوقو الواحد يقرا الموضوع وبعد كدا نطلع برضو ما فهمين حاجة.مين الطبيب و في ياتو قناة ولا هو موضوع وخلاص
خبر تافة ولا يستحق النشر وان دل إنما يدل إفلاس الناشر
في خطورة وغباء اتمنى لو في مسؤول لديه ضمير ووجيع على البلد دي يوقف لينا نشر لبعض الصحفيين الذين اضروا بهذا المجتمع واهله غير الاحقاد يعملوا لضرر الوطن زول اتى ليقدم برامج تفيد المواطن ليه ندمره نحبطه اين حق اهله ولدنا دكتور اخصائي نشنفه ونرمي به الارض …… في تعمد لاساءة هذا الطبيب ورب الكعبه لا نعرفه ولا نعرف تخصصه لكن كلام غير مقبول ينشر . الكل يتحدث بمثالية اين يسكن الاشرار اين موطن الاشرار بهذا العالم .. الغلط ليس غلط من ينشر من يحاسب فقط ل تهدد بقانون الانترنت لو قلت المسؤول الفلاني افسد تلجم لكن كوادر ومستقبل البلد يدمر كم طبيب هاجر في خلال سنوات
كلامك فى محلو
عدى وبتحصل فى أرقى الإستديوهات
ي جماعه احتمال الراجل
بخاف ولا بتلعثم مع الاضواء
ولا طبيعتو كدا
هو المذيع كما بقى صدرو واسع وروحو رياضيه فايدتو شنو!!
قمة في عدم الاحباط يا ناس الفضائية و ناس النيلين الخلوني اقطع تلاتة ميقابايت عشان اقرأ الخبر البايخ ده…
هسا ناس الفضائية زااااتهم لو اي واحد فيهم قدموهوا يصلي بالناس صلاة جهرية مش يتلعثم بس.. يمكن تكون صلاة الناس الوراهو فوق رقبتو
براحة ياشيخ كان مقلق عيد الحلقة ممكن مقلق
انا تفسيري كالآتي : الطبيب جا سكران لط . وغلط مع مقدمة البرنامج وامكن اتغزل فيها . والجماعة زعلوا وحاولوا يدقوهو . بعدين لأنو الطبيب قليل حياء عشان كدا طردوهو . لأنو الطرد في العادة ما يجي عشان التلعثم في الكلام . بل الطرد يجي نتيجة قلة ادب الطبيب السكران . ايه رايكم في تحليلي ؟؟؟
لي اكثر من 3 ايام اتصارع مع الشبكـة عشان العنوان ولكن في النهايـة لم افهم شي
“`Sticking in.. the longer is end the stronger it gets and it goes in dry and comes out wet..it comes out dripping and it starts to saaag..it is not what you think.. it is a lipton tea baaaaaag“`