كتب الداعية السوداني محمد هاشم الحكيم عضو هيئة علماء السودان صباح الثلاثاء على حسابه بفيسبوك (على متن طائرة خليجية بالدرجة الاولى بدعوة من وزير الأوقاف المغربي للمشاركة في الدروس الحسنية ، جواري اثنين خواجات ركبوا من الخرطوم معانا حتى الآن عشرة كبابي خمرة حتى سكروا و شغالين حوامة،، كانوا محرومين في بلدنا .. الله يهديهم).
وأضاف محمد هاشم الحكيم بحسب رصد محرر النيلين (واحد سوداني طلبها ومع كلمتين حلوات واشارة ونظرة من بعيد رجعها وقلب باربيكان).
وختم الحكيم تدوينته (بارك الله فيك يا نميري وقد حرمت ام الكبائر، رجس من عمل الشيطان فاجتنبوه، قال صلى الله عليه وسلم لابي الدرداء : لا تشرب الخمر فإنها رأس كل شر،، يا بتوع الشربوت العيد قرب تعملوا حسابكم).
الخرطوم/معتصم السر/النيلين
تتمرغون في نعيم الملوك والسلاطين ثم تنصحون المعدمين والفقراء والجوعي بتقوى الله .. علماء السلطان ..!!
قال ليك زول راكب معاهو في الدرجة الاولي
قاعد تعد ليهم الكبابي لحدي عشرة ، وين الحديث “من حسن اسلام المرء ترك ما لايعنيه” ،
بعدين ماهو قول فضيلتكم عن الخطوط الخليجية التي انتم على متنها وهي لدولة مسلمة وتقدم الخمور (اعمل رايح هنا عشان تقدر ترجع بيها اصلوا المغرب بعيدة)
الله يزيد محنك يا سوداني … وانت ما سمعت حديث الرسول من رأى منكم منكرا…….
يعني هو كده لما قاعد يعد لحدي عشرة غير المنكر يا ابو خالد!
كلكم داليا بي اسم الدين تمكرون وبمكركم اللة
جزاك الله خيراً ياشيخ ونسأل الله أن يرحم جعفر نميري ويسكنه الفردس الأعلي فهو الذي قفل الخمارات وطبق الحدود الشرعية.
بتوع الشربوت??? ظاهر عليك فيك عرق السوء (العرق المصري) و الله بقى عندي حساسية من كل ماهو مصري او له علاقة بمصر و المصريين.. و ما علقت على الموضوع الا لاترحم على روح ابو عاج فاللهم اغفر له و ارحمه..قفل الخمارات و بيوت الدعارة و نظف السودان من عتاة الشيوعيين و ظلل منطقة الحرم المكي و اشجار النيم التي غرسها في مكة و يتظلل تحتها ملايين الحجاج شاهده على ذلك و انت يا المصري خليك في نفسك و بعدين هسة ده موضوع تكتبه؟؟؟ المغزى شنو_ و نحن نستفيد شنو من موضوعك ده ما قادر افهم لحد هسه؟ كل الفهمناهو انك بتركب طائرات خليجية بالدرجة الاولى و انه تقدم لك الدعوات من وزير الأوقاف المغربي و انك تشارك في الدروس الحسنية (زي بروف عبد الله الطيب) الباقي من موضوعك كله كلام فارغ و حتى المعلومات دي زاتها بالنسبة لينا كلام فارغ.. غير ما فقعت مرارتنا بى (بتوع الشربوت) دي.
عنوان الموضوع والقصة مثل كلام الشاقير في الباقير … هذا الكاتب يريد ان يشهر ويتهم السودانيين بشيء بريئون منه براءة الذئب من دم بني يعقوب
اخبار العرقى شنو فى او مافى السكر ده الا فى الطيارة على الارض كل حاجة فى
التوزيع ٢٥برميل يوميا للناس التحت الارض
نسأل الله ان يرحم جعفر محمد نميري ويجعل الفردوس الاعلى مثواه