أبرز العناوينمنوعات
نجم الكوميديا محمد موسي يهاجر الى اميركا ويصل قبل ايام من تعليق سفر مواطني السودان.. فيديو
وصل الكوميديان السوداني الشهير محمد موسي إلى الولايات المتحدة الأمريكية، بعد فوزه في اللوتري الأمريكي 2017 قبل أيام قليلة من قرار ترامب الأخير بتعليق سفر مواطني السودان وبعض الدول الأخرى.
وبخفة دمه المعهودة خاطب محمد موسى حفل صغير تم إعداده للترحيب به من قبل السودانيين وقال بحسب مشاهدة محررة النيلين للفيديو المرفق (شكرا على حفاوة وكرم الإستقبال الجميل، نحن الان في بلاد المهجر عانينا ما عانينا رغم أن لينا ثلاثة أيام).
ريم منصور
والله دقس دقسة امريكا دي اخير منها سواقة درداقة في سوق مايو …
بلد مفلسه فلسه مبالغة والبيمشيها مستقبلو ضاع
انت يا محمدو بتحلف بالله ، مشيتها قبل كده ، اذا قلت لا ،، عليك بالاستغفار …
الراجل ده شابكنا ارجعوا يا مغتربين ارجعوا يا مغتربين – كانت تمثيل ولا شنو ؟
مبروك عليه.
بس كوميديان دي شنو؟ الزول دا بتاع نكات ولا علاقة للنكات بالكوميديا!
طول عمره ينادي فعلا ارجعوا وبلدنا سمحة وبلدنل ايه وايه وهو اتاريه يطارد في اللوتري
اللهم أبدله داراً خيراً من داره وأهلاً خيراً من أهله
ربنا يوفق الجميع بما فيه نفع للامة الاسلامية ونصرة الاسلام والمسلمين فى كل ارجاء الارض
وهكذا .. اضافة جديدة للطاحونة الامريكية .. على وهمة الحرية والديمقراطية والماعارف شنو … ستظل يامحمد موسى مدورا فى تلك الساقية قادوسا صغيرا لايرى بالعين المجرده .. يبذل كل جهده ( حتى تطقطق عروقه ) ليحقق دخلا زهيدا .. يسدد بما تبقى منه فواتيره الشهرية .. بعد استقطاع الضرائب كاملا على داير السنت ..
وعندما تكون فى فترة الراحة ( العطالة ) اى لم تجد عملا فان الضمان الاجتماعى ( الضرائب المستقطعة من القواديس الاخرى ) ستعطيك الافضلية فى مصروف شهرى يسجل عليك حتى حلول دورك لتكعها لتسدد بدورها للغير ممن هم فى فترة الرست … وهكذا تصبح حياتك الديمقراطية قادوسية السمات .. وتنفذ سنوات العمر تباعا .. وانت لازلت مديونا وغارقا فى القروض التى استلفتها من البنوك ومن زعيط ومعيط … حتى تسدد فروقات فواتيرك الشهرية … ناهيك عن تاثير صخب الحياة الامريكية ورخمها وانظمتها على اسرتك وخاصة العيال …
الكثير من المتامركين تنازلو عن جوازاتهم خلال العام السابق 2016 بعد ان سرى قانون فاتيكا ولمن لايعرف فهو قانون خاص بتحصيل الضرائب على ممتلكات ومداخيل كل من يحمل جواز سفر امريكى حتى ان كان عاملا فى ادارة الصرف الصحى فى محلية الواق واق محافظة زحل … وعلى بنوك الواق واق تحصيل مبالغ تلك الضرائب وتحويلها الى الجهة المعنية بالولايات المتحدة الامريكية ..
مسكين يامحمد موسى .. على بالقسم كوميديتك البتقلوها دى بعد تاخد الجواز بتشوفها بمبى
عالم وهم … صحى الجواز الامريكى بيسفرك اى مكان بدون فيزا .. بس ماتنسى اذا عايز تسافر اى مكان لازمك( كنجالات ) حق الطياره والسكن ومصاريف وغيرها … واذا انته شغال فى امريكا … مابتلقى البسلفك حق المواصلات لانو 99% منهم معلمين الله .. تقول لى طياره … ده غير انو السستم اساسا مافيهو تتصرمح ماشى وجاى على كيفك حتى لو عندك قروش لانو كلها مربوطه بتواريخ .. ذى تاريخ توقيع شيك الضمان الاجتماعى البتستلمو كل نهاية شهر .. وياويلك لو مالقوك فى تاريخ الصرف مقعمز فى العنوان الاديتو ليهم ..
الاخ “سودانى مغبووووون” لخص موضوع الحلم او الوهم الامريكي والكندي . دا الواقع بدون رتوش . محمد موسى اللي هو علم في السودان ح يكون نكرة كادح جدا في امريكا
اكيد وجودك في امريكا بيديك بعض الخيارات في العمل والحركة لكن ابدا ما وردية
الاخ “سودانى مغبووووون” لخص موضوع الحلم او الوهم الامريكي والكندي . دا الواقع بدون رتوش . محمد موسى اللي هو علم في السودان ح يكون نكرة كادح جدا في امريكا
اكيد وجودك في امريكا بيديك بعض الخيارات في العمل والحركة لكن ابدا ما وردية
والله يامغبون احنا قاعدين فى امريكا من عشرين سنة وشيلتنا هم بكلامك دة . . على العموم كلامك فيه جزء كبير من الصحة ولا أخفيك سرا بأنى سايق الاولاد وراجع السودان نهائى بداية العام القادم والارزاق بيد الله نمشى نخوض مع الخايضين والله كريم .
امشي نكت في ترامب عشان اوروك المكشم بلا بصل
امشي نكت في ترامب ابو دماً تقيل عشان اوروك المكشم بلا بصل واطلعوك ارهابي وتبقي مشهور زي بن لادن
يا اخوانا كل انسان بظروفو المهم سافر و نتمنى ليه الخير و ل أولاده وممكن تصدق معاه صح ما كل الهجره ظابطه و لكن سبحان الله مغير الأحوال ولو ما مستقبل أولاده لما فكر في الاغتراب واي انسان له طموحات فكونو عونا له بالدعاء له بالتوفيق و بكرا ممكن تكونو مثله وتكونو في حوجه لدعاء الناس لكم يالتوفيق
الشروق مرت من هنا خبرها شنو بعد ده؟؟؟
يا أخوانا يمكن الزول ده عنده مشروع هناك وهو يلف على مجمعات السودانيين هناك ، وينكت ليهم ..
ما عندنا فكرة الحاصل هناك شنو .. لكن أعتقد هذا انسب عمل ليهو وممكن يدر عليهو قريشات ..
وممكن كمان إذا زبط لغته الإنكليزية ،، ينضم لأي فرقة هناك
والرزاق هو الله على كل حال
لكن على اية حال ..
وطني لو شغلت بالخلد عنه
نازعتني إليه في الخلد نفسي
شخصيِّة فنيِّة ( محبوبة ) في المجتمع ..
أفضل ( من ) الكثيرين في وضعه وما ( هو ) عليه ..
كما ( الفنانين ) له ( عدَّاد ) في السهرات والليالي الترفيهية ..
أحياناً ( يكون ) الحجز صعباً لجلب الفرقة التي ( يعمل ) معها ..
ويكون ( الأمر ) أصعب ( حين ) الطلب بتواجده ( مع ) الفرقة ..
يعمل ( في ) الشروق وله برنامج ( ناجح ) لدرجة أنه سافر به خارج البلاد ..
.
.
زووووول ( زي ) ده يسألوهووو ( إنت ) ماشي من السودان ليه ؟؟
بدلاً عن :-
إنت ( ماشي ) إمريكا ليه ؟؟
اللهم أحفظ أبناء بلادي في جميع المهاجر .. وفي مشارق الأرض ومغاربها .. وأعدهم سالمين .. غانمين . اللهم أصلح حال بلادنا
بعد قريت وعلقت قعدت افكر هسي زي محمد موسى دا حيشتغل شنو في امريكا والله الا سواق تاكسي ودي عايزة تلاتة او اربع سنوات عشان يعرف الولاية الهو فيها او يعرف شروط انك تكون سواق تاكسي ولا يعرف فهم اللهجة حتى لو بيعرف انجليزي
بالغتي عدييييل يا أمريكا
حتى البسمة تسرقيها من شفاهنا،،،،،،،،،،،،،،،،،،،،،،،،،،
حزنت لك ياود موسى ، مالك ومال الشبك والتلتلة ، عايش فى بلدك فى امن وامان وتمشى امريكا اها خم وصر كان تلقى فيها كدة ، حاتعيش فيها زى البنغالى فى السعودية تلقط رزقك لقيط و الخواجات ديل قروشهم حارة لو ما حكوك صاح ما بتلقى منهم شئ ، غشوك ساى وقالوا ليك امريكا بتغنى فيها اها كما غلبت الرجعة تانى ما ابقى سودانى ، غايتو نصيحة منى ليك اتخارج سريع وقالوا الف نطة ولا خازوق واحد ، الحق قبل مايركبك خازوق وتغنى زى اللحو كل الدروب جربتها الا سكتك غلبتنى الرجعة.
محمد موسي مرحب بيك في امريكا..الاخ العنصري…انا جعلي مقيم في امريكا..الغرابه اولاد بلد..اهل مرجله وشهامه…نوع كلامك ده هو الدمر البلد وصلا لي حالها الحسي…عن تجربه شخصية مع اولاد الغرب في امريكا محترمين ومكافحين واهل كرم انا شخصياً وقفوا معاي وماقصروا كان بالشوره كان بيحقهم…كل مكان وكل قبيله فيها الصال والطالح.. ما تعمم
الهجرة سرقت قبلا
تحية زروق
يحى فضل الله
محمد تروس
أنور عبدالرحمن(عقد الجلاد)
عمر بانقا (عقد الجلاد)
خطاب حسن احمد
الموصلي
عمار السنوسى
عامر الجوهرى (رجع
محمود تاور (لحق نفسه)
سيف الجامعة (رجع)
جمال حسن سعيد (طلع حرية رجع طوالى)
محمد موسى والله العظيم دقست
الحق نفسك
بقالة أو طرمبة بنزين
أو
ال cnn مرت من هنا
سبحان الله فيكم يا ناس والله انكم حسودين جدا ..هذا الانسان من حقه يختار لنفسه ما يريد وان شاء الله بقدر ما اسعدنا ورسم البسمة في وجوهنا ربنا يوفقه ويقتحها امامه ويرزقه باولاد الحلال لمساندته في غربته.
ويرزقو بي نقرو بت حلال انشاء الله كان اوبرا مافي مشكلة
*ويرزقو بي نقرو بت حلال انشاء الله كان اوبرا مافي مشكلة
يا شباب والله القلتو دا حاصل في امريكا، لكنها ليست بكل هذا السوء، في امريكا الكل عبارة عن سلعة في السوق عندها قيمة محددة، لو عندك دبلوم تاخد 17$ في الساعة، بكالريوس كم و ثلاثين، ماجستير لحد خمسين، انا جيت لوتري و بديت بغسيل العدة 150$ في الاسبوع، وفقني الله في الدراسة حتي حصلت علي الدكتوراة والان الحمد لله باخد 167$ في الساعة، ممكن الاخ محمد موسي يجتهد و هو بالفطرة لماح و ذكي و يحصل علي ما يربو اليه، لو اجتهدت في امريكا تتحقق احلامك
خطوة غير موفقة يامحمد موسي انت زول في بلدك تعتبر شخصية عامة وكل سبل الرزق مسهلة ليك .. انا مامشيت امريكا ولا اتمني اشوفا عشان كدا مابقدر اتكلم عن الوضع هناك لكن حسب مانسمعه من بعض الاصدقاء والاقارب انها كذبة كبيرة ووهم للذين يعتقدون انها جنة الله في الارض ، انا مغترب في السعودية وبصراحة مافي افضل من بلدنا برغم المآسي الموجودة في البلد لكن غيرها مابنلقي علي الاقل مابتشعر ان اجنبي ولا في زول بيتعنصر عليك
سيد نفسك مين اسيادك زي ماقال وردي لكن بمجرد ماتركت بلدك واتغربتا فقد جعلت لنفسك اسياد واصبحت لاتملك امر نفسك .. الله يرد غربتنا جمبعا
مع احترامي لآراء الجميع ربنا يوفق كل سوداني طلع من البلد والطلوع مجبرين لان حال السودان لا يخفي علي احد .. انا في امريكا ولم اقفل سنه لكن علي الاقل الاولاد تعليم وتراحيل وعلاج مجاني دي في بلدي مافي ومتابع ألم الاسر بعد شهر رمضان والعيد ثم تجهيز احتياجات المدارس ورسوم المدارس وتدني التعليم وتدني وانهيار الصحة والمرافق الصحية وتهديدات الكوليرا لما محمد موسي وامثاله يكونو بعيدين عن التهديدات دي معقوله دا ما مكسب؟؟ هل حكومة السودان بترحع ليك ضرائب السنه احيانا عشره الف دولار؟ الخلاصة انظرو للايجابيات فعلا هي طاحونه ودعك وشغل وبنسميها طاحونه لاننا شعب كسلان وعاوز الجاهز ،، امريكا تحترمك اذا احترمت قوانينها وكنت ملتزم والمقصد والهدف الابناء والتربية هي البتمنع الانحراف وليس عدم مغادره السودان لان الانحراف في السودان تجاوز كل الحدود اغتصاب حتي الاطفال لم ينجو منه ومخدرات للاسف الكثير ولا يخفي علي احد بالتوفيق لكل مغترب وربنا يعين السودان واهله
محمد موسي حا تلقي تعليم مجاني لاولادك ،، مصروف شهري لاولادك 300 دولار لكل طفل ،، علاج مجاني ،، تعليم جاد ،، القران ودروسه موجود في المساجد ،، اخر كل سنه ترجع ليك الضرائب علي الاقل 8 الف دولار ،، لا تخاف انفلات الاطفال او تاثرهم ما دام تربيتك ليهم صاح ،، الخلاصة الفوائد كتيره وفعلا الدعك والشغل الحار ونحنا السودانيين بنشوفو حار لاننا عاوزين الجاهز لو بندعك كدا في بلدنا كان مشت لقدام ربنا يوفقك ويوفق الجميع ويوفق السودان والسودانيين وما بتنسي السودان ولا اهله ،، مقيم بامريكا
يا ناس لا للكلام المحبط لا للاساءة للقبائل لا للحسد متين الاغتراب بقي بعبع وجريمة؟ بتبالغو والله ،، السودان السمح دا عمروهو طيب ما تنبذوهو ولا تهينو الحكومه واسكتو علي الحاصل فيهو ،، امريكا كعبه ولا سمحه دي بنحددها نحنا القاعدين فيها
كثرة التعليقات دليل علي جماهيريتك العالية يا انيق
اولا: حمد لله علي السلامة و مرحب بك في أمريكا الشمالية و نتمني لك التوفيق و حياة سعيدة و ان شاء الله البلد يعجبك.
ثانيا: التعليقات السالبة دا لزومها شنو هل حقد او حسد او غيرة. ما بترحمو و لا بتخلو رحمة ربنا ينزل.
ثالثا: الولايات المتحدة ارض الأحلام كلو واحد و حظه و بعدين ملايين البشر يتمنون العيش فيها.
كثرة النقة دي الله يديك خيرها يا ود موسى – بعدين عايزنك تشيل لينا حال السودانيين العاملين فيها امريكان ديل بالنكات
ربنا يوفق ويسدد خطاك ياناس ياحساد خلو الراجل في حالو هو ساقر وخلى ليكم البلد