مراسل بي بي سي في الخرطوم يخوض تجربة ممتعة ويصنع الزلابية بنفسه ويمتعض من استهلاك الزيت

خاض الإعلامي محمد عثمان مراسل بي بي سي في الخرطوم تجربة جميلة ليساعد زوجته في أعمال المطبخ وكتب (صباح يوم الأربعاء، وعلي غير العادة، قلت امثل دور الزوج المثالي وأساعد في حاجات المطبخ ففكرت: ارمي الزلابية!).

وأضاف محمد بحسب ما نقل منه محرر النيلين (مشيت علي البقالة الجنبنا واشتريت خلطة الزلابية الجاهزة ، مع التطور التكنلوجي ، ومعاها كيس خميرة صغيرة، واتبعت الخطوات المكتوبة علي المظروف وعملت العجينة وخليتا لي مدة نص ساعة حسب التعلميات).

وقال محمد (كبيت الزيت في الصاج وخليتو لحدي ما سخن وبديت ارمي في العجينة مرة بي يدي ومرة بي الملعقة، وقلت احاول اطلعها زلابية مدورة وصغار علي طريقة الحناكيش الموجودة في الدعاية. لكن طلعت بي شكل لاهي زلابية ولا طعمية بس طعمها طلع حلو ومقرمش زي ما الجماعة قالوا).

وأوضح محمد عثمان (الحاجة المحيراني انو القصة دي اكلت زيت كثير وقربت تكمل العبوة واحد لتر والزيت بقي غالي. #الزيت: التجربة ظريفة لكن ما أظنها حاتتكرر!).

الخرطوم/معتصم السر/النيلين