حكى الطالب السوداني جمال يوسف الذي يدرس بدولة روسيا قصة مثيرة عن إبعاد طالب يمني “حوثي” من الجامعة والدولة وكتب يوم الإثنين 7 أغسطس الجاري (قبل تلاتة يوم كده الجامعة بتاعتنا جابت ليها يمني وبسألوا عن زول بعرف عربي عشان يقدروا يكملوا معاهوا تسجيلوا في الجامعه السكرتيرة قالت ليهم جمال بتاع السودان ما سافر الإجازة قاعد في السكن اه جوني في السكن 9 صباح فتحت باب الغرفة ياداب كنت صاحي المرأة الشغالة في الأمن بتاع السكن قالت لي عاوزنك في الجامعة ضروري الإدارة وكده قمت مخلوع لبست وجريت اشوف الحاصل طلع ولد يمني عاوزني اترجم ليه اول كلمة بعد سلم علي قال لي انت من وين قلت ليهو من السودان قال معليش ما عاوزك تترجم لي انحرجت انحراج انا ودخلت في اضافريني).
وأضاف جمال بحسب ما نقل عنه محرر النيلين ( ما سألتوا لي لكن هو قال لي حكومتكم زفتة تقاتل أهلنا هو حوثي طبعا انا مستبعد أي شيء ومقدر موقفه لكن كمان انا هنا ما بمثل حكومتنا بمثل شعبي العزيز المحترم بتناقش معاه كده وضحت ليهو انا ضد الحاجات دي وضد أي حكومة في العالم منوط منها تنظيم خلق الله وإقامة واجبات وحقوق وقوانين انا راجل سوداني فقط ده مصيري وانا في غاية الرضي وبحكم انت انسان وانا إنسان خلي أقضي ليك قرضك).
وواصل جمال في تفاصيل القصة المثيرة (قلت ليه علي فكرة يكفي اليمن انها ضمت محمد عبدالله الماغوط الكاتب السوري وكتب بها مسرحيته الشهيرة (المهرج )لكن كان علي إصرار انو انا ما اترجم ليهو في النهاية قلت مافي داعي الوك واعجن معاه في الكلام هو رافض ابقي رافض وأي كائن رفض الشئ دعه وشأنه).
وأضاف جمال بحسب رصد محرر النيلين (الإدارة فيها 4 نسوان الأربعه كانوا بعاينوا بس للحوار وما فاهمين حاجه لمن هميت بالرحيل قلت ليهو انا اقول للمديرة دي شنو هسي قال لي خليها تجيب أي زول غيرك بعرف عربي وكان مافي خيار غيري كل الطلبة العرب مسافرين قمت حكيت ليها الحاصل اشهد الله بدون زيادة ولانقصان واتأسفت ليها وطلعت أمس لاقيت السكرتيرة بالصدفة قلت الطالب اليمني الحصل ليهو شنو اتأسفت لي جدا وقالت لي المديرة في نفس الوقت اتصلت بالشرطة والشرطة بي دورها ألغت الفيزا ورجعتوا اليمن تاني يوم قالت لي نحنا ما بنقبل عقول قاعده تفكر بي صورة زي دي ده احتمال يتسبب لينا في أزمة لي قدام إذا كان متمسك في حاجه تافهة زي دي).
وختم جمال القصة المثيرة قائلاً في تدوينته (حكيت القصه دي عشان أعرف انو لي ذنب في الحصل ليه ده ورجوعوا لي بلدوا مع انو هو كان علي إصرار شديد اني ما اترجم وإني بمثل حكومة السودان مع انو مفترض انسحب بدون اترجم سبب خلافي معاه بس هو قال لي خليهم يجيبوا لي زول تاني قلت ليهو عاوزين يعرفوا السبب قال لي قول نفس الكلام ده بس اها كبيت ليهم الزيت وطلعت ندمان ندم شربت سجارتين بدون ما أحس بي روحي).
وتعاطف أصدقاء جمال معه وأكدوا له أن تصرفه سليم وأنه تعامل مع اليمني الحوثي بشهامة سودانية معروفة، وما فعله هو الصواب بعينه وكذلك أشادوا بموقف إدارة الجامعة والشرطة الروسية وأن قرارهم بإبعاد الطالب الحوثي هو عين الصواب.
الخرطوم/معتصم السر/النيلين
*الصورة أعلاه للطالب السوداني “جمال يوسف” الذي يدرس بروسيا
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ما أظن عليك شيئا ، وهو سيئ الحظ ، ورأسه ناشف ومعصلج ! هل أنت طلبت معه صداقة مثلاً ؟ أم أنه هو الذي يريد تقديم الخدمة لك ؟ المهم أنك ( قرضته ) من الجامعة ولم يفلح في تحقيق ( غرضه ) بالقبول فيها والأحسن له أن يقابل سيده ع الملك الحوثي ! وليذهب لينتقم من نفسه بالزج في أتون مفرمة الحوثي العبثية في مواجهة قوات التحالف ، ولا توجع أنت نفسك وضميرك فقد فعلت يا جمال ما استطعت ولم تتخذ قرار ترحيله ، بل كانت تلك قراءة من إدارة الجامعة لنفسية هذا اليمني المسكين !!
نادوك من غرفتك لتحل مشكلة العريبى الجلف فأصبحت مشكله له…على كل حال أجرك ثابت على نيتك مساعدته..ولكن أيها الناس لا تنظروا للموضوع فى إطاره الضيق المتمثل فى تلك الحادثه, الطالب دا بمثل شريحة معتبره من اليمنيين لها نفس الشعور الغلط تجاه السودانيين بسبب الغلطه التى أقدم عليها الجيش بالمشاركه فى الحرب اليمنية غلطه تاريخيه بكل ما تحمل الكلمة لأن الحرب اليمنية هي حرب أهليه بالرغم من كونها مدعومة من إيران إلا أنها تمثل صراع بين أطراف يمنية وأي تدخل سلبى لا يهدف للإصلاح فقط من شأنه تأجيج الصراع ويؤدى إلى تضرر المدنيين بالمقام الأول كون الحكومه تتدخل بحجة حماية المملكة حجتها ضاحدة لأن المملكة نفسها حشرت نفسها فى الصراع اليمنى بصوره سلبية دافعها الإيرانوفوبيا الوهمية المعشعشة فى رؤوس الملوك والأمراء. ثم إن السعودية لا تحتاج منا لمساعده نحن أحرى بنا مساعدة أنفسنا ولا يحتاج الجيش السعودى لجيشنا ليحارب معه ضد أشقائه, هل تعلمون أن غالبية السعوديين هم يمنيين وضد الحرب فى اليمن وزعلانين شديد على السودان…نتمنى من أخوتنا الأشاوس فى الجيش السودانى أن يعودوا فورا من اليمن ويتقوا الله فى أهل اليمن ولا ينظروا لعرض الدنيا الفانيه على جثث أخوتهم.كما يجب على المنظمات الإنسانية السودانية دعم الأخوة باليمن والوقوف معهم بما يستطيعون وعلى ورزارة الخارجية السعى لإيقاف الصراع اليمنى وإجراء إنتخابات حره ونزيهه لحقن الدماء البريئة..
الحوثي مخو ٨٠٪ (قات) والباقي ذخيرة ورصاص.. ولا تندم لحظة واحدة عليه..
عالم بلا عقول خربوا بلدهم وأصبحوا مهددا إقليميا ومعبرا لتطلعات الفرس..
وهم فئة باغية بلا جدال..
..لذلك وجب بترهم ..
والله القصة فعلاً مثيرة
وما كنت أظن أن هناك واحد على أبواب الدراسة الجامعية
ويفكر بهذا التفكير المتخلف …
وإن قيل في حق مثل هذا الحوثي ، إنسان متخلف
شكت كلمة المتخلف لأنه أكثر من ذلك بكثير ..
أما أخونا السوداني ، فهذا ليس بغريب عليك يا ود البلد
ولا على أخلاقيات الشعب السوداني النبيل
انت سوداني كلب وخسيس وماعندك ذرة من الانسانيه وتقول ايش ذنبي ذنبك عظيم عند الله لأنك أحرمت انسان زيك مستقبله بسب سوى تفاهم وسبب كرهيتكم لليمنين لاكن في الأخير اقول حسبنا الله ونعم الوكيل عليك الله ينتقم منك يا ظالم