لفت رئيس دولة جنوب السودان سلفاكير ميارديت أنظار رواد مواقع التواصل الاجتماعي بالسودان بعد الموقف الذي أقدم عليه أثناء مروره بالعلم السوداني خلال طوابير شرف إستقبال له في الخرطوم.
وحسبما شاهد محرر موقع النيلين فإن سلفاكير وأثناء سيره مع الرئيس السوداني المشير عمر حسن أحمد البشير, قد خلد موقفاً عظيماً اوذلك عندما وقف وانحنى أمام العلم السوداني.
ويشير محرر موقع النيلين إلى أن الخطوة التى تجاوز فيها سلفاكير البروتوكول والأعراف ، وجدت قبولا وإستحسانا كبيرا من السودانيين المتواجدين داخل مواقع التواصل الاجتماعي ، فالرجل تعامل بمحبة وإحترام لعلم كثيرا ما خدم تحت لواءه وذلك وفقاً لما كتبوا في تعليقاتهم على الفيديو.
محمد عثمان _ الخرطوم
النيلين
ياخي حبايبنا والله بنحبهم من جوه الجوه ..
نسأل الله لهم السلام والرفاهية .. ومن يدري ربما انحدنا مرة اخرى في يومم ما
تصحيح
ربما اتحدنا في يوم ما
انحدنا دى أحلى من الدكوة زاتا
كلنا كنا مخطئين عند الانفصال، الآن هناك وحدة تحتاج فقط لإعلان من الطرفين بعد دروس مكلفة.
الله الرب الواحد خلقها دولة واحدة لا تصلح كدولتين، إجعلوها وحدة حب ومصلحة وقوة.
الآن صارت الوحدة غير مستحيلة.
ي زول دا ما خالك وهو شاعر من جوه انه فى بلدو وعمل الحركه دى من غير ما يشعر…وبعدين شوف الناس ديل بيشبهو بعض كيف…فعلا صدق القال الولد خال….بس اعتقد السودان دا لو اتوحد تانى حيصبح قوه عظمى لانه الخواجات تانى ما يقدرو يضحكو على اهله وحيحموه زى ما حمو البشير من اوكامبو وجماعته بطريقه عقدت الخواجات … وفوتو موجة ما يسمى ثورة الربيع التونسى….لانه السودان مر بمرحلة تونس وما تبعها قبل نصف قرن ….زد على ذلك كيمياء السودانيين م بتعترف بتقليد الاخرين لانه فعلا شعب معلم…
مش قلنا نحن كوششيين وأولاد بعانخي ياداب أعترفتوا بي باقي القبايل السودان متعدد الاعراق وأي واحد مسلم حبابو
دعوتنا للة يومآ سوف نتحد مع اخوننا في السودان الواحد الكبير من نمولي لحلفإ … تحياتي لكل الاخوة في السودان رغم الحصل الشعب السوداني مع عندو مشكلة كلو كلو .. السياسة فرقتنا نتمني يومآ إن تجمعنا الدم السوداني الموجودة فيننا .. تحياتي لكل الإخوة في الشمال و الغرب و الشرق
ليك التحية يا علي ديفيد أنجلوا.. بشر بالوحدة والسلام والمحبة.
بعيدا” عن العواطف و الرغبات ..
و للتوضيح فقط ..
أستغربت من عنوان الموضوع أصلا” ؛ بغض النظر عن التعليقات ..
فالفعل الذي قام به رئيس جنوب السودان ؛ هو برتوكول متبع في كل زيارات الرؤساء للدول الأجنبية .. فعل يقوم به رئيس أي دولة عند قيامه بزيارة خارجية لبلد أخر .
أذن لا مكان هنا لشئ خاص يتم الإيحاء به .
و دمتم …..
معتصم اكفيتني عناء الرد .. فعلا لم ياتي باي زيادة كل رؤساء العالم بيحيوا اعلام الدول الاخرى هكذا
بالنسبة لي رغم الانفصال لم احس في يوم من الايام ان الجنوبي ليس اخي بل شقيقي وساظل اعتبره شقيقي مهما كاد الكائدون وفعل السياسيون فانا وشول اشوانغ سنظل اشقاء
شقيقك انت براك .. مبروك عليك
براااااكم قلتو مادايرننا..وارتختو من وسخ الخرطوم…لزومو شنو الجعجعة والبكا دا
لا اخوانا ولا حاجة…لانو الحقد الجواكم اعماكم من اي شيء سمحة
الامان اللقيتوهو هنا خلاكم تندمو علي الانفصال وانتو بتتقاتلو في بعضكم لاسباب قبلية واثنية يعني التخلف نفسه
الجنوبيين اخوانا اي بس مشاكلهم كتيييره واجرامهم اكتر من اتفصلو ارتحنا والله فوضجيييين
يا جماعة سلفا ده لو سجد للعلم أنحنا ما دايرين وحدة مع الجنوب .. الانفصال كان خيار شعب بأكمله .. كان دايرين تجو تشتغلو ما مشكلة تعالو نكفلكم .. غير كدة أي علاقة مع الجنوب مرفوضة رفضا باتا