جهاز المغتربين: العاملون بالخارج حولوا 4 مليارات دولار لدولة شقيقة
رهن الأمين العام لجهاز المغتربين د. كرار التهامي الاستفادة من مدخرات المغتربين باتخاذ قرارات جريئة لاجتذابها وتوظيفها في مشروعات اقتصادية بالداخل، وكشف عن تحويل “4” مليارات دولار في عام واحد من مدخرات المغتربين لدولة شقيقة حسب تقارير دولية.
وأعلن التهامي في ورشة عمل حول كيفية الاستفادة من مدخرات المغتربين في تمويل القطاع الصناعي أمس عن وجود أموال تحتاج لمواعين وتوظيفها في مشاريع، ودعا الجهات المختصة لوضع سياسات وبيئة جاذبة للاستفادة من هذه الأموال، وطالب بدراسة أسباب ضعف الصناعة وإزالة التقاطعات بين جهات الاختصاص لإدخال المغتربين في القطاع ودعا للجرأة في الاستفادة من مدخرات المغتربين في الصناعة، داعيا الوزارة للمبادرة والاستفادة من الصناعات الصغيرة في تطوير الاقتصاد، وقال: هناك هواجس كثيرة من قبل المتعلمين بالتنظير وإعاقة نقل الصناعات الصينية الصغيرة للبلاد.
فيما أعلن مدير عام وزارة الصناعة بالخرطوم، تاج الدين عثمان عن الشروع في تنفيذ المدينة الصناعية ومدبغة الصناعات الجلدية بالجيلي، وقال إن مساحتها تساوي “3” أضعاف مجموع المساحات الصناعية بالولاية، وكشف عن توزيع استمارات على أصحاب المصانع المتوقفة بالولاية لمعرفة أسباب التوقف وإيجاد المعالجات.
ولفت لوجود 1.7 مليون فدان زراعي بالولاية مستغلة غير مخصصة، و3.7 مليون فدان زراعي يمكن استغلالها في دعم الصناعات التحويلية، و”372″ ألف فدان حيازات أهالٍ تحتاج لإدخالها دائرة الإنتاج، مشيراً لمساهمة الصناعات التحويلية بنسبة 17.5 من الناتج المحلي الإجمالي العام قبل الماضي، ودعا المغتربين لتوظيف مدخراتهم في تمويل مشروعات القطاع الصناعي، منوهاً لتضمين قانون الاستثمار ضمانات تمنع التأميم والمصادرة ونزع الملكية مع ميزات الإعفاء كلياً وجزئياً من الرسوم ومدخلات الإنتاج، وأكد تبسيط إجراءات الاستثمار لاستكمالها بنظام النافذة الواحدة خلال “48” ساعة من تقديم الطلب وبحد أقصى مدة أسبوع.
الخرطوم: جمعة عبد الله
صحيفة الصيحة
كل مدخرات المغتربين داخلة هذه البلد – في صورة مصاريف دراسية وعلاج وعون اسري وتوفير سكن واذا تبقي شئ فهو يستثمر في المجالات المتاحة المقدور عليها – وحتي الذين يتعاملون في السوق الموازي فان اموالهم تدخل البلد في صورة مواد ومدخلات اقتصادية او علاجية وتقوم بسد الفجوة التي تتركها البنوك من توفير النقد الاجنبي – فعلي الحكومة ان تقوم بما عليها تجاه المواطن ولا تجعل مدخرات المغتربين هي الشماعة التالية بعد الحظر الاقتصادي والذي انقضئ اجله .
العاقل من اتعظ بغيره والجاهل من اتعظ بنفسه.
يعني لو عندي حبة قريشات مابدخل في حاجة اسمها صناعات صغيرة، ضرائب ورسوم ماليها حد و ضبابية في موقف السوق وقرارات ارتجالية بتأذي الصناعات الصغيرة.لو في قروش الواحد يستثمر في اثيوبيا بلد فقير ولكن في سياسة واضحة.
يا جماعة الراجل دا قال الروووووووب وماعارف يقول شنو يفتش لي اي طريقة المغتربين يسلموه رقابهم مالقاها هسي جاي يبهت ويكذب ويقول حولوها لدول شقيقة يكون الفي السعودية حولوا للسعودية ولا الفي الامارات حولها لابي ظبي يا اخي انت وين لقيت مغتربين يكون ليهم وفر ويحولوا اربعة مليار ..
اوعكم يا جماعة تكون لمصر اولاد بمبى بيضعوا يدهم عليها ؟؟؟؟
يا اخي اذا كان 90% من مغتربي السودان في لسعودية وفي اشغال هامشية و95% منم بين سائق وراعي وموظف من يجيبوا ليك 4 مليار ..
يا اخي ابكي بكاك البشير ما بيسمع كلامك ويفرض ضرائب تاني لانه عارف المغتربين واهمهم مغتربي الخليج ماسكين نص السودان اكل وشراب وايجارات ..
كبرت عمتك ونظفتك جلابيتك وجاي تلهط وكل يوم طالع ببكية جديدة وشريك بمشاريع وهمية وكلام معسول تاني لا بناكل لا بنشرب منه كفاية الاراضي السكنية الانخدعوا فيها وكفاية مشروع سندس وكفاية مشروع ترعة كنانة والرهد وكفاية دعم الشريعة وكفاية زاد المجاهد وكفاية وكفاية وكفاية تاني عايز تجيب لينا فن لهط وخم ارتاح تب يا اخوي مافي زول تاني عنده قروش وارتاح اكتر اغلب الاسر في السعودية رجعت او حترجع وتاني يادوب الزول قدر بيته ..لانه بمجرد مافتح بيت في الخرطوم واذا كان من الارياف حيكون محطة للزائر والمريض وحيكون ملم للعايزين القراية من الثانوي للجامعة ..
اعدلوا حالكم بعيد عن المغتربين وخلوهم يقاتلوا عشان قدر الباقي ما يروح
كلامك في محلو وما يخرش الميه بس اسألو قول ليهو وين 70 مليار حقت البترول جاي تفتش ليك حاجة ما معروفة حتي لوجدت عرق غلابة كما تفضلت موظفين غلابه ورواعية ضاربين الخلا وعايشين مع الزواحف السامة.
كشف خطير … ياديك تور
طيب ماتورينا السبب البيخليهم يحولوها لدولة شقيقة ومايحولوها لبلدهم .. اما انك وهم
رهن الأمين العام لجهاز المغتربين د. كرار التهامي الاستفادة من مدخرات المغتربين باتخاذ قرارات جريئة لاجتذابها وتوظيفها في مشروعات اقتصادية بالداخل
طيب إنت جايبنّك حلّاق؟ ما جايبنك عشان تتخذ القرارات الجريئة دي! المغترب إنتو عايزينو يحول ليكم مدخراتو هو ما عندو مانع لكن المقابل شنو؟ لا بتدوا المغترب البيحول بالقنوات الرسمية إعفاءات جمركية لا تخصيص أراضي بأسعار مخفّضة ولا حتى تخفيض رسوم الدراسة لأولاده و عايزنو براهو كدة يمشي يحول ليكم الدولار بي ستة جنيه و شوية بينما هو برة في السوق الأسود بي أربعة و عشرين و زيادة؟؟ قليل من المنطق و العدالة عشان تستفيد البلد من تحويلات المغتربين لكن سياسة اللعب على المغتربين زي كل مرة و إدخالهم في معاملات تربّح الحكومة و تخسّرهم هم خلقت جدار من عدم الثقة هدمه صعب جداً
كلم حراميه وكذابين انتو خليتو حاجة كل القروش طلعتوها بره
هنالك مقترح مقدم الى الدكتور / كرار التهامى لدراسته وتقديمه للجهات المختصة وهذا المقترح سيضمن للسودان دخلا جيدا ويتلخص فى التالى :
لماذا لاتكون هنالك مجمعات فى كل الولايات لبيع الذبائح حية أو فى شكل خراف مذبوحة ومبردة للمغتربين بسعر الصادر وبالعملة الصعبة بعد استبعاد رسوم النقل وخلافه وهى فى كل الاحوال لاتتعدى مبلغ 150 ريال للذبيحة أو حيه أو أن تباع الذبيجة بعد الوزن بواقع 2 دولار أو 7,50 ريال للكيلو وأنا على يقين بأن جملة هذه الذبائح ستتجاوز العشرة ملايين سنويا بواقع 833 الف ذبيحة شهريا وبهذا نكون قد سددنا فجوة الصادر .