تعاقد لشراء “300” بص – قادمة للبلاد – أوقفت عن نقل الحُجاج خرجت عن الخدمة بالسعودية..
كشفت مصادر موثوقة لـ “الصيحة” عن صفقة بصات تحت التوقيع بين شركة سودانية وأخرى سعودية، لاستجلاب “300” بص لحل ضائقة المواصلات.
وعلمت “الصيحة” من مصادرها أن البصات خرجت عن الخدمة في المملكة العربية السعودية، وكانت تعمل في نقل الحجاج، نتيجة لقرار سلطات الحج السعودية بعدم السماح بترخيص بصات لنقل الحجاج يزيد عمرها عن “4” سنوات أي لا تقل عن موديل العام ٢٠١٤.
وأكدت المعلومات الموثوقة أن عدد البصات التي يجري التعاقد حولها يبلغ “300” بص موديل العام “1999” عمرها “19” عاماً، كورية الصنع ماركة آسيا تابعة شركة لنقل الحجاج خرجت عن الخدمة منذ سنوات.
وعلمت “الصيحة” أن القيمة التي تم التعاقد بها بلغت “80” مليون ريال و”85″ ألف ريال سعودي، بواقع “26” ألف ريال للبص الواحد، وتم الإعلان عن بيع البصات في دلالة قبل “7” شهور وعرضت بمبلغ “12” ألف ريال بالإضافة إلي ألف ريال رسوم دلالة، بحيث وصل المبلغ الكلي للدلالة “13” ألف ريال فقط.
الصيحة.
ما نحن حقل تجارب
واي خردة ونفايات مرحبا بيها
اصلو نحن ما محسوبين مع الناس
الله يورينا فيكم يوم
قادر يا كريم
والله هذا شي محزن جدا الدولة تشتري بصات مستعملة
يا إخوانا لو اشتراها تاجر ممكن بس الدولة هي خارج
الخدمة كيف تجي تخدم في السودان يا ناس
الانسان عندما يطلب شي راقي تحس بالرقي
ولكن عندما يطلب شي متدني يكون دني لا تنزلوا
مستوانا اكثر نحن أصلا بقينا في أدنا المستويات
والله بلد ماليها وجيع .. ياناس حرام عليكم والله اللي بتعملوه في السودان دا؟ دي بصات خرده خرجت عن الخدمه قبل سنين تباع هنا سكراب . معقول ياجماعه ماف حد في الدوله دي عندو ضمير ولاعنده اخلاق ويقول الحق .. ياناس الدين والاسلام حراام حراام عليكم كفايه ولاية الخرطوم شبعت حديد خرده . صفقات مشبوهه كلها رشي وسرقه وتجاوزات دي ماتصلح ب 10 الف ريال والله شفناها بعيوننا والشركه السعوديهدي بخلص منها باعتبارها سكراب . الله ينتقم من كل فاسد
حل مشكلة المواصلات بجزء كبير بعمل خطوط مترو او قطارات لتفادي زحمة الشوارع وتقليل صرف الوقود وهو تسهيل لحركة التجارة بين محليات العاصمة الممتدة افقيآ
وعلمت “الصيحة” أن القيمة التي تم التعاقد بها بلغت “80” مليون ريال و”85″ ألف ريال سعودي، بواقع “26” ألف ريال للبص الواحد،
كيف 80 مليون و85 الف ريال سعودي على 300 بص يبقى قيمة البص الواحد 26 الف انت ساقط رياضيات ولا شنو؟؟؟؟؟؟؟
جاتكم داهيه تخمكم كلكم …
80,085,000 على 300 = 266,950 ريال للبص الواحد يابجم …
والبص جديد سعره مايساوي المبلغ ده …معناها الحكايه فيها لهط وسرقه ….
الراجل داير يخفف ليك الضربة عشان ما تحصلك حاجة اكتر من الحصلت يخليك على بال ما تحسب وتضرب تكون اعصابك هديت
وصدقنى كل اللى بنقول فيهو ده ما بينفع لانو الفساد عم الكل ولم يعد هناك من يستنكر هذه الافعال من المسؤولين لانهم جميعهم الا من رحم الله قد ران على قلوبهم ما كانوا يكسبون وصاروا صراحة لايرجون ثوابا ولا يخافون عقابا فهل فى مثل هؤلاء يصلح النصح ؟
ياخ بالغتوا واالله ودي حقاره عدييل واستهتار بالمواطن والبلد كلها
اول حاجه في الخبر يقولوا ((يزيد عمرها عن “4” سنوات أي لا تقل عن موديل العام ٢٠١٤.)) وانا كمان افتكرت شراء البصات من موديل 2014 نتفاجأ ونلقى انه البصات من موديل عييك 1999 وكمان عدد 300 بص لالا والله دي كتيره خالص واهانه للمواطن والبلد طيب كان السعودية وقفتها ومع شوارعهم الـ ماشاءالله نظيفه كيف يعني حتمشي عندنا مع شوارعنا البرضو ما شاءالله دي وده غير مكناتها بتكون خلاص فاض بيها الهلاك والتعب وبكدا البلد حتتملي خرد وحديد مكسر ما نافع وثم ثانيا مادام انتو عادي بتخلوا سيارات قديمه ومنتهيه وموديل قديم تدخل البلد عادي وتترخص ليه طيب بتمنعوا المواطن بدخوله بسيارة موديل قديم أي بمعني موديلات التسعينات ؟؟؟! نرجوووا من الحكومه بوقف هذا الامر فورا
واهمون من اعتقدوا أن حل مشكلة مواصلات ولاية الخرطوم في زيادة أسطول وسائل النقل و هذا يدل على الجهل و التخبط ذلك لأن كل مشكله حلها يبدأ بمعرفة سببها
بالله عليكم ماهو سبب مشكلة مواصلات ولاية الخرطوم . لا أعتقد بأن الكثيرين سيوفقون بالاجابه الصحيحه