سياسية
كاشا: والله مابنركع إلا لله.. ناكل عصيدة وقراصة مالو .. والله تفرج بس تعبدوا الله صاح
طالب والي ولاية النيل الابيض د عبدالحميد موسى كاشا مواطني تندلتي بعدم الاحتجاج على زيادة الأسعار وقال مخاطبا إياهم لدي افتتاحه مركز الكلى الذي نفذته منظمة ذي النورين الخيرية بدعم من خيرين قطريين الجنيه “لو اديتوه البنت الصغيرة دي مابتشيلو” أصبح ماعنده قيمة.
وتابع خلال حديثه في الاحتفالية امس والله مابنركع إلا لله و زاد :ناكل عصيدة وقراصة مالو ” و اقسم بالله قائلا والله تفرج بس تعبدوا الله صاح.
تندلتي :لؤي عبدالرحمن
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
للأسف في من الجيل الجديد لا يدري من ماذا تصنع العصيدة والقراصة.
قال الدكتور كاشا ((( اقسم بالله قائلا والله تفرج بس تعبدوا الله صاح ))).
قول الكلام بتاعك دة وخصصوا في اجتماع مغلق لإخوانك في الحكومة يا سعادة الدكتور ….!!!!!
الحمدلله عابدين الله صاح وخايفين الله صاح ومتقين الله صالح ياريت انتو تعبدو الله صاح
حلوة منك ” بس تعبدو الله صاح “
عليك الله دخل الركوع والسجود شنو في موضوع العصيدة والقراصة والعيش. بس فالحين لاي فشل مسئول يهرب ويجيب سيرة الله ويكبر ويقول لغير الله لن نركع. ياعمك الماسورة دي بقت قديمة والشعب السوداني بقي واعي شديد ومفتح. شوفو ليكم تبرير تاني لي فشلكم . والله الواحد بقي لما يسمع النفاق بتاعكم وتكبيركم المخادع بقي لو عاوز يكبر الله يكبر في سره .
خطاب متخلف ويعبر عن عقلية رجعية متخلفه.وهل تصنع القراصة من الطين أم من الدقيق الذى وصل سعر جواله 550 جنيه.وهل تعمل العصيده من الرمل ام من دقيق الذرة الذى وصل سعر جواله 700 جنيه.ماهذا الهطل والضحك بعقول البسطاء
العصيدة والقراصة يا جاهل أصبحت اليوم أغلي من الخبزة , انت لأنك عايش في نعيم يا كوز يا فاسد ليس لديك علم بما يعانيه المواطن .
العصيدة والقراصة يا جاهل أصبحت اليوم أغلي من الخبزة , انت لأنك عايش في نعيم يا كوز يا فاسد ليس لديك علم بما يعانيه المواطن . أرجو أن يكون كلامك لمصلحة المواطن وأن يكون بمفهومية ودراية .
كاشا دايما يعزي فشله وعدم مقدرته للغيبيات.عندما مات مواطنو النيل الابيض باعداد مهولة من جراء الكوليرا قال كيف تطلبون مني منع الله من اخذ ارواح هؤلاء ؟ كيف تنهض بلادنا من كبوتها و مسؤولوها يفكرون بهذه الطريقة؟
العبادة الصاح حقة كاشا دي كيفنها ؟!
يخلوا النسوان يئمن الصلاة و يخطبن الجمعة ويعرسوهن للكفار كما افتى شيطانكم الهالك؟
هل يتوقفوا عن التسبيح و ذكر الله تعالى بشكل متكرر لان الترابي قال ان التسبيح و ذكر الله تعالى بشكل متكرر انر لا معنى له؟!
الكيزان ديل قبل كدة قالوا انهم نجحوا فيما فشل فيه الصحابة و شيخهم الهالك قال بان الدولة التي اقامها هو في السودان افضل من حكم الخلفاء الراشدين رضوان الله تعالى عليهم