اقتصاد وأعمالمدارات
اتفاق سري لتشغيل مطار الخرطوم لمدة 30 عاماً
وقعت وزارة المالية على مذكرة تفاهم سرية مع شركة (سوما) التركية بموجبها منحت الوزارة ،مطار الخرطوم الجديد لشركة بغرض تشغيله بنظام ( البوت ) على أن تسترد الشركة تكلفتها خلال 30 عاما ، وتحصلت (صحيفة مصادر الخميس 1فبراير ) على نص المذكرة ، الذي شمل أيضاً الاستفادة من موارد المطار الحالي لصالح الشركة التركية لمدة (30)عاما أيضاً .
وقالت مصادر لصيقة للصحيفة انه بناءاً على المذكرة ستفرض الشركة 51 دولاراً على كل تذكرة سفر داخلية أو خارجية شريطة أن يتحملها المواطن .
واعتبرت مصادر في هيئة الطيران والهيئة الفرعية لعمال شركات مطار السودان القابضة ، اعتبرت الإتفاق (تجفيف لموارد المطار وموارد المطارات الولائية الأخرى )، وقالت أن ماتم يمثل إهداراً للمال العام ،بخلاف كونه يضعف حركة الملاحة الجوية .
الخرطوم(كوش نيوز)
يعني ادفع 2 مليون غير تذكرة السفر
يعني لو ماشي بورتسودان ادفع اكتر من حق التذكرة ذاااااااااتو
انتو يا ناس طير ولا شنو
بتفكروا كيف
مخ مافي ولا شنو
وقال كمان يتحملها المواطن
المواطن دا اريتو يطفش الطفشة الياها عشان نشوف تاني يتحملها منو
الفكره جيده ان حدثت!!!!!!!
كما قال اخونا سليمان
لكن ما اظن 51 دولار ممكن ٥ او ١٠ دولار بخلصوا خقهم براحه بعد تضربها ف ملايين
المهم ف الامر
المطار الجديد ح اكون اكبى ترانسيت ف افريقيا لكل العالم و بدخل مليارات
ح اكون اكبر مطار ف افريقيا للصيانه وتجهيز الطائرات شوف كم دوله افريقيه ودوليه ممكن تستخدمها
المطار ح احي حاجه جديده
اسمها العاصمه الجديده بمدن حديثه و وبني تحتيه وقطارات وطرق سريعه
المطار ح احي مشاريع الفنادق ع نيل امدر
والمحميه البريه والمدينه الكوريه
المطار وقيام الكباري ابو حراز و الدباسين
من الممكن نقل كل الوزارات و الجامعات ع نيل امدرمان لتكون الخرطوم عاصمه نظيفه
ويستقل شارع نيلها ف الفنادق العالميه والسياحه والمطاعم والمنتزهات العائليه
فك الخناق ع السنتر
بس بنقول البدايه دائما ماسكها شيطان
ابدو سريع خصوصا انو المطار بدا فعليا من زمان وتم قطع اشواط كبيره
الاتراك ناس عمل وما ناس نوم
وكمان الاهم ناس قطع ومافي دغمسه من وراهم عشان كده ح نلاقي ناس الدغمسه زعلانين
الاتراك ديل اسياد البناء وخبراتهم كلها من المانيا مواليد المانيا
بالله خشوا هنا وشوفو الناس ف 8 شهور
بنوا مطار للسنغال مطار عالمي ومطارنا ح اكون افضل منو ان شاء الله
http://www.turkpress.co/node/36094
الموضوع غير مفهوم هل هو بناء المطار الجديد ام المقصود تشغيل المطار القديم؟
نظام البوت معمول به في كل الدول الاوروبية في مشروعات البنية التحتية، مطارات، طرق، كهرباء. تتولى الشركة التشييد و التشغيل لفترة متفق عليها تمكنها من استردادرا مالها وارباحها ثم يحول المشروع لملكية الدولة.
لكن لماذا وضع موارد المطار الموجود أصلا، ومشيد من ممتلكات الدولة، تحت تصرف الشركة؟
يادولة يامسؤولين في اشياء لا تؤجر اشياء تمس سيادة الدولة والمواطن
مثل المطارات
المنافذ
المواني
خطوط الطيران
يكفي تجرة شركة التنظيف الاماراتية في المطار عن طريقها ( هربوا كل دهب السودان ) افهموا يابجم
وين هي السوق في مجال الطيران عشان تشردوا القدر يجي من وين يجيب51 دولار المواطن .. دا اسمه جنون ؟ظوعدم تقدير للحالة المادية للمواطن
نظام البوت ليس معناها المواطن يدفع اى اتوات جديدة بل تشغيل المطار نفسه ورسوم العبور والخدمات الفيه كفيله بان تغطى رسوم التشغيل والبناء على 30 عاما وليس من حق الحكومه الحالية وبالاتفاق الاطارى يفرض على المواطن دفع اموال عينية بحجة المطار الجديد وهذه خدمة كما معروف بتشيل نفسها بنفسها وهذا ضرب من الفساد واكل اموال المواطن وفى الاصل مرهق ووالناس كرهت الانقاذ لسياساتها الحالية ضد المواطن فى كل شىء وحتى الخدمات مثل كل دول العالم بتكون هناك رسوم عبور بمبلغ معقول جدا لا يزيد عن 50 ريالا فى التزكرة وما الداعى على طول الاتجاه للمواطن وقتله وبهدلته فى دفع اتوات يجب على الدوله الرشيده كم يقال بان تضبط منصرفاتها وتحقق حلم المطار وليس على حياة المواطن ومعيشته وكفانا قتل وخلق اعباء جديده على ا لمواطن اصلا خلق ميتا فى الوطن اارحموا العباد لكى يرحمكم الله ويزيد الرزق ولا تزيدوا اعباء المواطن السودانى البسيط والذى يعتبر من افقر الدول خدمات ودخلا وخافوا الله يا ناس الانقاذ؟ والله الشاهد