طرحت مذيعة قناة النيل الأزرق المتألقة وإحدى نجمات السوشيال ميديا بالسودان ريان الظاهر هاشتاق تحت عنوان “سندوتش لي غيري”.
وبحسب متابعات محرر موقع النيلين فإن المبادرة التي أطلقتها الظاهر تأتي كنوع من المساعدة لأطفال المدارس باسودان.
وقالت الريان عن المبادرة وفقاً لما قرأ محرر موقع النيلين: “الفكرة بسيطة شديد وهى تجيب برطمان وكل يوم تخت فيهو جنيه او أكتر على حسب استطاعتك … ولكن إذا أكلت سندوتش او وجبة قيمتها أكتر من عشرين جنيه لازم عليك تخت أقل شى خمسة جنيه …
لى الكلام دا كلو …؟؟؟
عشان فى نهاية الشهر حتشيل القروش دى حتشترى بيها عيش وطحنية وتحشيها لى أطفال المدارس الماعندهم فطور وهم كتااار جدا أكتر مما تتخيل وإذا ماعندك معرفة بيهو انا بدلك على المدارس دى … الفكرة أننا ما نأكل برانا وغيرنا محتاج جنيه وخمسة جنيه مابتفرق معاك لأن ربنا بعوضك وترجع ليك فى الدنيا قبل الآخرة ….
المعاى يعمل برطمان ويكتب لى هنا تم ويفعل الهشتاق دا ويعمل شير للبوست ….
دا برطمانى ومعمول بحب وعلى نية حاجات كتيرة القروش دى ربنا يتقبل مننا صالح الأعمال”.
محمد عثمان _ الخرطوم
النيلين
على اي تكبيق المبادرة على تويتر غير موجودة