النيلين
أبرز العناوين منوعات

نهاية محزنة لقضية الطفل السوداني مخترع الساعة.. في أميركا

رفضت محكمة أميركية دعوى مرفوعة من قبل والد “طفل الساعة” الأميركي من أصل سوداني أحمد محمد، الذي أثارت الساعة التي اخترعها جدلا واسعا في الولايات المتحدة، بعد أن اعتقدت الشرطة أنها قنبلة واعتقلته.

وكان محمد قد تعرض للاعتقال عام 2015، بعد أن اصطحب معه ساعته التي اخترعها إلى المدرسة في آرلينغتون بولاية تكساس، واعتقدت معلمته أنها “قنبلة”، فتم الاتصال بالشرطة ومن ثم اقتياده مقيدا بالأصفاد.

كما أوقف أحمد، البالغ من العمر 14 عاما، عن الدراسة لمدة 3 أيام.

ورفع والد الصبي، محمد الحسن محمد، دعوى قضائية ضد مدرسة مقاطعة إيرفينغ في تكساس، باعتبار أنها “ميزت ضد الصبي بسبب عرقه ودينه”.

ورفض القاضي سام ليندساي الدعوى، وأمر بأن تتحمل عائلة محمد جميع تكاليف القضية. وبعد هذا الرفض، لن تتمكن عائلة محمد من الاستئناف أو رفع أية دعاوى أخرى مبنية على نفس الادعاءات.

وكانت قضية “طفل الساعة” قد أثارت جدلا عالميا، دفع الرئيس الأميركي السابق باراك أوباما، لدعوة محمد للقائه في البيت الأبيض.

وجاء اللقاء خلال حفل “ليلة علم الفلك” في البيت الأبيض، حيث حضر أوباما الحفل لتشجيع الطلاب على دراسة العلوم والتكنولوجيا والهندسة والرياضات.

سكاي نيوز عربية

23 تعليق

رحال 2018/03/15 at 8:10 م

هو لسة الشافع دة قصتو ما انتهت … والله ادبتونا ادب عديل ومليتونا فقر عديل بقصة مخترع الساعة دة
والشي التاني الشافع دة مش كرموه في امريكا وفي قطر وفي السودان وودوهو هو وابوه عمرة وادوهم الفيهو النصيب ، ما خلاص قفل علي الموضوع دة وشوف ليك شغلة تانية .

رد
مسطول ما عندو موضوع 2018/03/16 at 12:45 ص

بكون الابو شايقي . الشافع شكلو شايقي .

رد
الواضح 2018/03/16 at 4:36 ص

واضح انك مسطول وما عندك موضوع فعلا . وعنصري تافه . كونو شايقي او غيره دا ما عندو دخل بسلوك الاب . مممن يكون من اي قبيلة وسيئ وممكن يكون كويس . يعني زيك كده لا تشرف اي قبيلة تنتمي ليها . لكن برضو ما حا نقول قبيلتك ما كويسة . بل انت ما كويس

رد
مسطول ما عندو موضوع 2018/03/17 at 12:13 ص

يا الواضح تعليقي كان مجرد تعليق للرحال والواضح من تعليق الرحال انو الاب بعد تكريمه ابنه من جهات عديدة داير كمان يخمش ليه خمشة من الامريكان وفي النهاية طرشوهو حق المحكمة وبصراحة هذا سلوك لا يصدر الا من شايقي ز

والله يا الواضح انا كنت فاكر نكات الشوايقة الجلود دي مجرد نكات لكن والله وما طالبني حليفة عندي قريب 10 شوايقة اصدقاء كل واحد اجلد من التاني بدون زعل يا الواضح الظاهر راس السوط هبشك.

صح انا مسطول وما عندي موضوع لكن ما ح ابقا ذيك واسئ ذي ما نعتني بالتافه.

رد
???????? 2018/03/19 at 8:10 ص

انت مادام ما بتحب الشوايقه ليه عاملهم اصدقاء ليك ؟؟ مليون استفهام

رد
Hisham 2018/03/16 at 5:22 ص

يا الواضح ليس هناك ضرورة لأن ترد علي المطول لأنو الأدب الكامل هو ألا ترد علي المساطيل أقصد السفهاء

رد
مسطول ما عندو موضوع 2018/03/17 at 12:21 ص

تعليق هبشك ولا شنو .. ما تخلي الزول يعلق . التعليق مجاني ياخ ما تخاف.

رد
سوداني 2018/03/16 at 7:17 ص

زي ما قال مسطول، الاب بكون شايقي دمو زي القراض وعايز يحلب كل البشرية ب موضوع ساعة ولدوا زي ما حلبو السودان ب موضوع الولية اللي اسمها مهيرة

رد
مسطول ما عندو موضوع 2018/03/17 at 12:24 ص

ياخ ديل حلبو السودان حلب يا السوداني غايتو الجاز وعلي حلبو حلب جد.

رد
ود الجعلي 2018/03/16 at 7:32 ص

احتمال المسطول بمزح لكن أؤكد لكم بأننا رغم امتلاكنا لاكبر عد من الاعراق والأجناس ولكن ضمنيا لا يوجد تفرقة عنصرية وان وجدت ستكون ١% او اقل أرفع راسك فانت سوداني.
الولد بتاع الساعة ابوه راجل عارف القوانين هناك ورفعه للدعوة ليس من أجل كسبها ولكن لكي لاتكون هنالك دعاوي عكسية مثل تعطيل المدرسة او حتى تلبيس تهم في تلك الايام من أجل كسب سياسي ضد السودان والتضحية بهذا الطفل.

رد
alkarazy 2018/03/16 at 8:59 ص

الولد وابوه عملو هيصه وقابلو بشه.وناس بشه عملو هيصه والاميركان فكو الزمبلك قالو اللمه دي في شنو! قال عاوز تعويض ؟مالك جاي السودان وكمان تقابل بشه سمح الاميركان قالو ماكتر خيرنا خليناكم ترعو في بلادنا حاشرين نملكم في سكرنا مالك؟؟؟؟ ايدنا عرض افاقكم !يلا بلا لمه

رد
سوسن 2018/03/16 at 9:20 ص

أبوه سياسي ترشح مرتين للرئاسة السودانية
ده هو سبب معاناة الطفل
سبب معاناته أنو (( أبوه سياسي ))
يعني إستغلالي بشع ما عنده ضمير ذي كل السياسيين سبب الأزمة السودانية كلها !!
حتي الانجليزي ما بيعرف يتكلمه فضيحة بس (مع أنو ولده يتكلم إنجليزي ذي الطلقة).
الولد قبضوه في المدرسة عشان الساعة وأخذوه لقسم الشرطة مكتف..
أوكي دي حركة شينة من الشرطة ومافي كلام
لكن المؤكد أنهم أطلقوا سراحه بشكل سريع
والمؤكد أنها بتحصل كتييييييييييير في أمريكا
وفي أطفال كتيرين قبضوهم قبل محمد ومنهم أطفال أمريكان 100%
الشرطة الامريكية تتخوف لأنو السلاح منتشر في أمريكا
وكثير من الاطفال بيلعبوا ألعاب السلاح والحروب بالكمبيوتر والبلي أستيشن وغيرها
وكثير منهم بيسرقوا سلاح أبوهم عااااادي من البيت ويجيبوه المدرسة
وحصلت حالات إطلاق نار كتيييييييييييرة جداً جداً جداً في أمريكا
وبعضها كان المتهمين والمجرمين فيها أطفال
يعني الشرطة الامريكية عندها مبررات
والموضوع مافيهو عنصرية ولا يحزنون
لكن الوالد الإستغلالي قرر أنو يستغل الموضوع ويطلع ليهو بتعويض مالي
الطفل كرموه في البيت الأبيض وفي مايكروسوفت وفي قوقل
وبقي مشهور وبطل عديل كده
ولو الوالد ركز في مصلحة ولده وقعد في أمريكا كان ولده ده إستفاد
لأنو الطفل ماشاءالله عليهو ذكي وبيحب العلوم والتكنولوجيا
لكن الوالد أبو عقلية متحجرة قرر يهاجر ومشي قعد في قطر عباطة بس
قال لشنو؟ لأنو المدرسة فصلت ولده 3 أيام حتي أكتمال التحقيقات
وكلف ليهو محامي يسك ليهو القضية والتعويضات بتاعة العنصرية!!!!
السياسي السوداني الفاشل كان مؤمل يطلع ليهو بكم مليون دولار كده
يمكن عشان يجي يشتغل بيها في إنتخابات السودان 2020 (علي حساب ولده) !!!!
السياسة مرض خطير.
أها هسع النتيجة النهائية ظهرت وقالوا ليهو مافي تعويضات ولا يحزنون.
وطالبوه يدفع تكاليف القضية كلها كمان.
ضعت وضيعت ولدك معاك.
والطمع كعب.

رد
ودموسي 2018/03/16 at 9:26 ص

طبعا مافي تعليق في موضوع الشاب احمد
الشاب احمد ممكن نقول اجتهد في حدود الاجتهاد الطبيعي
لاي طفل سوداني . بقول اجتهاد طبيعي
بتزكر زمان الاطفال في السودان كان فكروا في طريقة التلفون
والعربات بالطريقة البدائيه دي كلها بالامكانيات البسيطة
الفرق بين الاطفال في السودان وامريكا طبعا فرق كبير
الفرق مش في التفكير ابدا . طريقة التفكير واحده لكن اتاحة الفرص والامكانيات
اها احمد طلع اذكي من ابوه بمليون مره
احمد لقي الامكانيات وعايز يفكر ويجتهد لكن الاب طلع من تربية الكيزان
يعني مرضان فروش : مش عندنا مثل بيقول جات تكحلها عمتها
الولد بالفكره البسيطه دي وجد قبول من الرئيس ومن شركات ضخمه
الشركات اتكفلت بتعليمه في احسن الجامعات الامريكيه اجمل من دي وين تاني
احسن الجامعات يعني حسب مستواه يمكن لو شاز يقبلوه في جامعه عريقه
شوف في امريكا يعني لو بس طور الساعه دي في الجامعه يكون خلاص رطب لحدي يموت
لكن ابوه فكر في القروش هسسسسسسسسه بس وده تفكير اي سوداني قروش هسسسسه
عايزين قروش باي طريقه وباسرع طريقه . الكيزان سويتوها فينها دخلتوا فينا هلع القروش
طبعا ده كله الجوع بخلينا نفكر في القروش هسه . كوننا نفكر في القروش بكره دي مافي
اها ابو احمد بطريقة تفكيره للقروش طقاها شتتها للولد المسكين
ساقه مشي بيهو قطر ياولد الجامعات في قطر مبانيها جميله فعلا وبناتهم حلوات
وناس عندهم قروش القروش وبيوتهم حلوه وعربات لكن ( ٠ )
فكروا معاي بعد الكلام الحلوه ده كله قطر حتي المويه البشربوها بجيبوها من امريكا
يعني امريكا العلم امريكا التجاره امريكا الصناعه امريكا امريكا
دي فرصة اي زول بفتش ليها عمك تقول لي الولد يدرس في قطر
وكمان من شدة الجشع العليك عايز تقفل للولد الابواب كلها ترفع قضيه كمان ضد المدرسه
شوف هسه الولد في قطر لوتاني يفكر ليك في مش ساعه
خلي يفكر ليك في عربيه طين ساي . بعد كده ياكل الكبسه لحدما مخه يكبس
وبجي راجع السودان ويدخل مع الكيزان ويادنيا عليك السلام وده الحصل
لانو من الايام ديك ماسمعنا تاني بالولد والا هسه . ويمكن تاني عييييك

رد
hanan hmouda 2018/03/16 at 9:31 م

سودانى..امشي اتعلم اللغة بعدين تعال علق شايقي وﻻ ماشايقي
قال زي القراض
خووووع على اﻻسلوب وعلى الفهم وعلى الراس الفاضي
بالله انتو بيدوكم شهادات تعليم على اي اساس؟؟

رد
مسطول ما عندو موضوع 2018/03/17 at 1:28 ص

علقي ردا لتعليق السوداني يا قراضة انتي وسيبك من اتعلم اللغة وما ادراك ما اللغة .

رد
عارف عبدالله عطا الله 2018/03/17 at 6:49 ص

بالله عيلك يا محرر الخبر دا عنوان تضعوه للخبر وانتم تعملون في المجال الصحفي ولكم باع طويل في مجال العمل الصجفي حتي المبتدي لا يضع العنواندا ابد

رد
الباشا 2018/03/17 at 7:35 ص

الحنا دا يااخوانا فعلا شايقي بتجدلو في شنو؟؟مسطول كلام و صح وفعلا دي حركات شوايقة

رد
yaddig 2018/03/18 at 8:54 ص

شاب ابوه جمهوري كبير ونضام عكليتة ويحب الحجج ذي عيونه وداير الاعلام اكتر حاجة لكن الامريكان كتلو ليهو الدش في ايده روح بلا لمة بلا كلاك فاضي

رد
Ahmed Adam 2018/03/18 at 11:28 ص

عليكـــم الله سيبكم من قصـــتو الله مع المظلوم كدا شوفو لينا اختراعات عسكريه ندافع بيها وطنا الحبيب

رد
التجاني 2018/03/19 at 7:34 ص

الولد جاب ليهو ساعة وعايز يشغلها بالطاقة العضوية مشى جاب ليهو بطيخة ووصلها مع الساعة المدرسين والمدرسين شافو الحاجة دي زي القنبلة خافو وجروا يعني بعد دا عايزهم يدوك مكافأة ؟؟؟؟؟؟؟ يا ولد امش ذاكر دروسك وبلاش حكاية محاكم واوعك تسمع كلام العواجيز ديل ناس زهجانين وهرموناتم ضاربة وبحلموا بتعويضات بملايين الدولارات . خلك واقعي يا جنا وامش شوف قرايتك وبطل استهبال .

رد
Abdallah 2018/04/05 at 9:10 ص

بجد شئ موسف لمخترع الساعة ؟ ابوه انسان غبي جدا بحق ضيعت الولد. يكفي انو التقي بالريئس اوباما ودا في حد ذااتو سمعه طيبة ؟ طيب ليه اخذت الولد ايي قطر ومرة للسودان للقاء عمر البشير هما ديل الدولتين فيهم مفكرين ليطورو عقول المبدعينل؟ا اقول ليك هؤلاء هدامين للعقول المدعين؟ ٩خسارة؟؟؟

رد
maaz 2018/04/07 at 1:23 م

هههههههههه تاغ ليمدمرين العقول

رد
انا سوداني 2018/04/07 at 3:32 م

القصه كلها مفبركة من والد الطفل وهو الذي أوعذ الي ابنه بأخذ الساعه للمدرسه لأنه يعلم سلفا ما سوف يحدث من مدرسيه. والأب يحب الظهور والاضواء مع الابتزاز الرخيص فعلا اساؤ للسودانيين بالخارج وحتى قطر لفظت الطفل لعدم وجود أي فكره . والقضاء الأمريكي أدرك الخدعة وما بني علي باطل فهو باطل

رد

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.