سياسية
التهامي: حوافز ضخمة للمغتربين خلال الأيام المقبلة
كشف الأمين العام لجهاز تنظيم شؤون السودانين العاملين بالخارج كرار التهامي، عن حوافز وإجراءات جديدة وضخمة للمغتربين، قال إن الحكومة تسعى لطرحها في الأيام المقبلة، تشتمل على ( (إعفاءات، حقوق متبادلة، تمويل عقاري بشكل منظم، عودة نهائية)، وأكد استمرار التمويل العقاري للمغتربين، ووصفه بالفرصة المفيدة، ودعا التهامي في تصريحات صحفية بالبرلمان أمس، المعنيين بالأمر لإصدار بطاقة للمغتربين للاستفادة من فرص التمويل، وقال إن هنالك عدداً كبيراً منهم بدأ فعلياً في الإجراء، وأكد فراغ بنك السودان المركزي من وضع الشروط والضوابط المتمثلة في هامش المرابحة، والمدى الزمني، وتخفيضها لأدنى حد ممكن، خاصة حال كان الدفع بالدولار، وأشار إلى أن التمويل متاح لجميع الفئات في شتى أنواع العقارات.
البرلمان : عمر دمباي
صحيفة آخر لحظة
أولاً أطمنك ياسيد تهامي مافى مغترب بيدقس تانى ويحول ليكم عملة صعبة وثانياً مافى مغترب بيشتري ليه قطعة أرض بالقانون المجحف الطلعتوه أو الطلعو بنك السودان والناس الجايين هسع نهائى غالبيتهم رزق اليوم باليوم وجاء دوركم عشان تقيفوا معاهم زي ماوقفوا معاكم سنين عمرهم كله . والله أمركم عجيب تجوا فى النهاااااية بعد ماصفصفت وصيفت دايرين ليكم حاجة من المغتربين ؟؟؟
وكمان قال الإعفاءات والفرص المفيدة … اها والبطاقة البتطالب الحكومة بإصدارها للمغترب الغرض منها شنو ولا حتكون زي البطاقة ديك الما إستفاد منها المغترب غير رسومها وزيادة الأعباء … الحكاية إنتهت يادكتور أصح
على كل ماتتعبوا (لايلدغ المؤمن من جحر مرتين) وكفى ضحك على اهم شريحة اقتصاديه الان المغترب فاهم انو كلامكم فاضى
والله لو ما سمحتوا لينا ندخل سيارات عامة بفرق موديل ١٠ سنين وتخفيض قيمة الجمارك تبقوا بتبلوا في قراراتكم وبتشربوا في مويتها يا حرامية
محمد طيفور.. الحرامية بقيفوا مع بعض الشركات الاستثمارية الكبيرة في السودان مفتوح لها الاستيراد وجميع الموديلات وتخفيض الجمارك واكل ولحس تحت الطاولة
أما نحن المغتربين فليس مسموح لنا باستيراد سيارات الا يطبق فينا القانون المجحف
أما خبر تهامي فهو مردود عليه والله لو قلت القطعة السكنية درجة اولى في قلب الخرطوم بعشرة آلاف جنيه مافيش حد ح يشتري منكم
فأنتم أكبر شبكة نصب واحتيال تحت غطاء حكومي…
سؤال يا تهامي نصب.. مشروع سندس وين راح
المخططات السكنية للمغتربين..الوادي الاخضر..
فانت يا تهامي سوف تدخل النار قبل ابولهب وابوجهل
حاجة ثانية يا تهامي السجم
إذا س من المغتربين عنده مبلغ موفره أحسن يمشي الخرطوم ويشتري بحسب قروشه من سوق الله اكبر ولا يدخل مع الحكومة وجهاز المغتربين شلت حراميه مجتمعين مع بعض
عندي احساس أنه الحكومة السودانية مغتصبة السودان ومختطفاه بالقوة العسكرية وعاملة فيه شغل النخاسة وتدمير لكل ماهو سوداني.وبتطمس في هوية الشعب والسودان…لك الله يا بلدي ووطني العزيز وربنا يحلنا منكم يا شلت حراميه ونصابين
اي شيء أقل من اعفاء سيارة عند العودة النهائية للمغترب من الموديل والجمارك لن يكون ذا شأن في ذهنية المغترب وحوافزكم التي وصفتوها بالضخمة لن يتكون ضخمة إلا من خالا هذا الفهم فقط .