سياسية
وزير العدل: المماطلة في الإجراءات غير مقصودة و الفينا مكفينا
أكد وزير العدل مولانا إدريس إبراهيم جميل إن المماطلة في الإجراءات أمر غير مقصود، واعترف بأنها إجراءات مطولة يجب أن تختصر، و نبه إلى ضرورة نقل الأمر إلى قانون الإجراءات المدنية لأنها إحدى شكاوى المواطنين،استدل بمقولة (انت عندك محكمة أنسى )، وعده شعور باليأس في تحقيق العدالة.
و طالب خلال ورشة ( مشروع قانون الإجراءات القانونية لسنة (1991) تعديل ( 2017) ) بالبرلمان امس ، الجهات ذات الصلة باستعجال القضايا وقال «الفينا مكفينا». في السياق اعتبر النائب العام مولانا عمر أحمد محمد التعديل المطروح بأنه سمح للنيابة بممارسة دورها.
وأكد أن هناك مواد تحتاج إلى تعديل في ظل استقلالية النيابة العامة، مشددا على ضرورة تعديل المادة (38) و التي تسقط الدعاوى فيها بالتقادم بسبب أن هناك جرائم مستمرة مثل التزوير و الفساد.
اخر لحظة.
ياسعادة الوزير المماطلة دي ماعندها علاقة بالمتعمدة أو غير المقصودة
دي شنو يمتاز بها السودانيين حكومة وشعب . في دمنا جارية المماطلة و كسير المقاديف و التعمد بعدم نجاح الغير
علي بالطلاق عندي قضية في المحكمة ليها سنتين ولي يوم الليلة ساكيها
طلااااااااق تلاااااااااتة القضية دي ما تاخد غير خمسة دقائق لكن تاجيلات وتسويف ومماطلة بصورة تغيظ ابو القدح ذااااااااتو
القاضي يديك تاجيل لمدة شهر عشان جاهو مشوار مستعجل
طيب مادام جاك مشوار مستعجل الشهر لزومو شنو يا قاضي الهناء
ما تقول ليهم تعالوا بكرة ولا بعد يومين تلاتة
علي بالطلاق تدوني القضايا دي كلها في ظرف سنة واحدة كان لقيتو ليكم زول مشتكي ليهو زول وقضيتو ما اتحسمت تعالوا قابلوني
احسم الفوضى يا سعادتك
الانضباط هذا ما نفتقده عشان كدا ح نكون محلك سر الى قيام الساعة