رواد مواقع التواصل يتندرون بإتهام محلية سودانية لـ ”النمل“بأكل 450 جوالاً من سكر المواطنين
تندر مستخدمو مواقع التواصل الإجتماعي في السودان، من تحقيق أجرته صحيفة ” الصيحة” السودانية عن إختفاء 450 جوال سكر من حصة محلية الدندر، أتهم النمل بأكلها، وأصبح التبرير مثار تندر واسع بين مستخدمي مواقع التواصل الاجتماعي في السودان، بحسب مانقل محرر (كوش نيوز)،فجاءت التعليقات الطريفة “كويس طلع نمل ما تماسيحلانه التماسيح مشهورة بالمسح الشامل و مابتخلي حاجة وراها” ،
“عشان كدا الليله لقيت نمل كتير مُغمي عليهو اتاريهو داخل في كومة سكري”، “في حنك بقول ليك خلي حن ك النمل ده كنت محتار في المصطلح ده بس اسي يادوب استلمتو”،ليه ما أصدق إذا فئران أكلوا كبري البمنع النمل ما يأكل ٤٥٠ شوال شنو، ” المره الجايه يخلطو السكر بالسم عشان النمل يموت”،المتهم برئ حتى تثبت ادانته،إذا كان جبل اختفى معقول النمل ما يأكل 450 جوال سكر. فيما تساءل آخر ” أها والشوالات الفاضيه وداها وين ”.
بينما حكى أحدهم طرفة بمناسبة إلتهام النمل للسكر قائلاً : رجل اشتري كيلو لحم ضاني كارب وداها لمرتو قال ليها اعملي لينا شيه كاربه في الغداء المره ماقدرت تصبر للغداء أكلت اللحم كلو قبل الغداء وقت الغداء جابت للراجل ويكه بكسره الراجل أستغرب قال ليها وينه اللحمه قالت ليه اللحمه غفلت منها الكديسة دي اكلتها كلها، الراجل زعل زعل شديد عندو ميزان في البيت طوالي خت الكديسة وزن الكديسة طلعت كيلو بالظبط قال للمره اها يانفيسي النعتبر دي اللحمه الكديسة وينا.
الخرطوم (كوش نيوز)
كمية السكر كبيرة تكفي النمل في العالم كله. اكيد نملكم ده جاهو سكري. بس عاوزين نعرف الفتح ليهم الشوالات منو؟ فتشوا بيوت النمل ممكن تلقوا عنده شوالات ليمون كانوا عاوزين يعملوا عصير ليمون عشان يقدموه لضيوفهم الجقور بتاعين الكبري لانه في فار اتقدم لنملة عاوز يتزوجها. او اتفق الجقور مع النمل عشان يقلبوا الحكومة وشالوا السكر كبوه في البحر عشان الشعب يعمل ثورة او ممكن النمل افتكر ده الجبل الاختفي واختفت معاه الشركة الصينية وقال كدي انشوف ممكن فيه دهب؟؟؟؟؟؟