تداول رواد مواقع التواصل الإجتماعي بإعجاب وإشادة، صورة لرجل مرور وهو يقوم بإزالة الرمال من طريق سريع بالسودان، حرصاً منه على سلامة مستخدمي الطريق وحمايتهم من مثل هذه المطبات الخطرة والمفاجئة،دون أن ينتظر آليات،بحسب مانقل (محرر كوش نيوز)، وظهر أحد رجال المرور في الصورة التي التقطها أحد الهُواة بزيّه الرسمي الناصع البياض وهو يحمل معولاً لإزالة الرمال مستشعراً هذا الخطر الداهم في الطريق.
ويعاني المسافرون على الطرق السريعة التي تربط بين كثير من مدن السودان من الحُفر التي تتوسط الطُرق، وتراكم الرمال بسبب الزحف الصحراوي، مما تتسبب في كثير من الحواداث وإزهاق الأرواح .
ابومهند العيسابي
الخرطوم (كوش نيوز)
المطرة دي صبت في الحتة بتاعتو بس رملة وباقي الشارع نضيف ما فيهو حاجة
ومن وين جاب الكوريك
ومنو الزول الصور اللقطة دي
اهم حاجة الكوريك دا جاء من وين
كرهتونا البوبار
اقرا الخبر جيدا ….خليك الكوريك جابه من وين …. انت كلمة مطرة دي جبتها من ويييين ؟؟؟؟
بعدين كونه يكون شغال في طريق سريع عااادي يكون معاه كوريك وبطارية وفاس وجردل ….نجي للتصوير ممكن واحد من المسافرين عجبه المنظر وصوره ونزله في صفحته ….الاهم من دا كله اااي كتير من ناس المرور عندهم الرشاوي لكن ماكلهم واهم مافي الموضوع ….الرسول صلي الله عليه وسلم دعانا الي حسن الظن بالناس ونحن ماشقينا قلبه عشان نعرف نيته والله اعلم .ربنا يهدينا ويهديكم …سلام (وذكر ان الذكري تنفع المؤمنين )
فعلا سؤال وجيه من وين جاب الكوريك ياربي سارقو من لوري ولا دا فوت شوب؟؟؟؟؟ ناس المرور الناس لهم راي تاني خاصه زو اللحيه اكل حرام وياكلون الرشوه زي فول ال حجات!!!!!!! اعوذ بالله من شكلهم الوسخ!
الاجابة بسيطة هؤلاء يعملون في الطرق الخارجية وبتكرار الحوادث واسبابها تعرف رجال المرور على الاحتياجات ومن السهل توفير بعض الحاجيات وحملها في عربة المرور حسب الامكانات فلا تبخسوا اعمال الآخرين والرمال ممكن تتراكم في أماكن دون الأخرى بسبب إنخفاض الارض في مكان وارتفاعها في آخر فلا تعلقوا لمجرد التعليق فكروا وشغلوا امخاخكم وتحية لهذا الشرطي لأنه بعمله هذا يعرف ما يفعل رغم الإمكانات ولأنه يعرف خطر هذه الرمال
شكرا ليك …التعليق الوحيد الذي رأى الجانب المملوء
ما أسرعنا إلى تشويه الصور الجميلة
للأسف هناك الأقلام المشرعة لقتل شوية الإيجابات الموجودة
يبغونها دمارا كاملا ، لا نالوا مبتغاهم
يعني عايز ينضف الزلط علي طوله من الرملة بالكوريك في حاجة اسمها مقشه تثبت علي شاحنة من الامام يمكن ان تكنس الشارع في ثواني بس ناس الطرق بيفكرو في عمل الزلط بم واصفات بدائية وعدم الاكتراث لما يحدث بعد الله المستعان
النظر لكل شيء وفقا لنظرية المؤامرة أمر سلبي جدا .. بسطوا الدنيا وركبوا منظار متفائل ما بتخسروا شيء..
التحيه لشرفاء بلادي٠ كل يسال نفسه مالذي قدمه لهذا الوطن العظيم٠
المصيبه اى طريق بدائى عرضه اربعه امتار اقول ليك طريق سريع
التحية لهذا الرجل المسئول
الغريبة انو ما في اي واحد زكر انو علشان تصل الخرطوم من مدني انت لازم تبوس يد شرطي جالس في كل عربة سعرعها ميار وينزل السائق من العربة علشان يظهر الاوراق او اوراق المرور للشرطي الجالس في العربية 50 شخص تنتظر الالسائق يمشي اللشرطي علشان يطلع علي الاوراق العالم كله الشرطة في خدمة الشعب بس في السودان الشعب في خدمة الشرطة ليه ما يهز طولة الشرطي ويقيف في اشارع ز ما ينزل السائق من عربته علشان يمشي للشرطي ويشوف الاوارق وتستمر الرحلة بسرعة وسلاسة بس لازم المهانة للسائق واركاب وعجبي في السودان من المفارقات الشعب في خدمة الشرطة
الغريبة انو ما في اي واحد زكر انو علشان تصل الخرطوم من مدني انت لازم تبوس يد اي شرطي جالس في كل عربة سعرعها 3ميار وينزل السائق من العربة علشان يظهر الاوراق او اوراق المرور للشرطي الجالس في العربية 50 شخص تنتظر السائق يمشي اللشرطي علشان يطلع علي الاوراق العالم كله الشرطة في خدمة الشعب بس في السودان الشعب في خدمة الشرطة ليه ما يهز طولة الشرطي ويقيف في اشارع و ما ينزل السائق من عربته علشان يمشي للشرطي ويشوف الاوارق وتستمر الرحلة بسرعة وسلاسة بس لازم المهانة للسائق والركاب وعجبي في السودان من المفارقات الشعب في خدمة الشرطة