سياسيةمدارات

سوداني يعلن ترشحه لسباق الرئاسة 2020 في السودان ويتعهد حال فوزه باعدام تجار المخدرات ومن يسهل عملهم


أثار السوداني محمد عبد الغني ضجة واسعة على صفحات التواصل الإجتماعي بعد أن أعلن عن ترشحه لسباق الرئاسة في السودان ودخوله كمنافس في إنتخابات 2020م.

ومن ضمن حملته الإنتخابية قال وبحسب ما نقل عنه محرر النيلين أنه في حال فوزه سيصدر القرارا (يتم تنفيذ حكم الإعدام فورا علي كل مواطن عادي او موظف اي أن كان مركزه الوظيفي او أجنبي يمارس تجارة المخدرات بجميع أنواعها او قام بتسهيل دخولها عبر المنافذ كالمواني والمطارات او نقاط العبور او قام بالتعاون مع التاجر.
بما تمثله المخدرات من دمار شامل لعقول الشباب والاقتصاد.. والدولة في أمس الحوجة لهم ).

وفي أحدث بياناته قال محمد عبد الغني بحسب ما نقل عنه محرر النيلين (السلام عليكم ورحمة الله أيها الشعب السوداني الأصيل قد تم نشر بعض الصور لي وأنا أرتدي شرف الجهاد فلا أنكر انضمامي إلي تلك الكوكبة المجاهدة في سبيل الله وقد كان شرف لي أن أكون من زمرة الشهيد علي عبدالفتاح وخليل إبراهيم وكثير من المجاهدين الذين قضوا نحبهم وذهبوا إلي الله مخلصين ونحسبهم عند الله شهداء ::
ولكن تبدل الحال في البلاد فكثرة فيها الفساد بجميع أنواعه الأخلاقي والإداري ولم تعجبنا هذه الحالة فأما أن ننزوي بعيدا ولا نكن شيئا مذكورا
او نحاول أن نغير البلاد حتي تعود إلي رشدها والي الطريق الصحيح..
فأنا أعلم أن بيننا مخذلين كانوا يبحثون عن ثغرة ينفذو من خلالها لإفشال مثل هذا العمل الكبير
فأنا صفحتي مفتوحة وبها كل تاريخي من صور
وكنت متأكد من أن هناك من يبحث عن شي ليقول أنه اكتشف تاريخ هذا المرشح
فاكرر وأقول انا لا اخجل من انضمامي للدفاع الشعبي فهو كان صادقا
وتعلمنا منه الكثير من الصبر والاحتساب والتكاتف وحب الخير للآخرين
وكلنا يعلم أن أكثر من نصف الشعب السوداني تعسكر في معسكرات الدفاع الشعبي
أيها الشعب لا تلتفتوا إلي صغائر الأمور ولا تهزكم الرياح كونوا أقوياء صامدين..
والسلام عليكم ورحمة الله
خادم الشعب
رئيس الجمهورية محمد عبدالغني).

الخرطوم/معتصم السر/النيلين


‫6 تعليقات

  1. دا شنو دا وكمان جاي بنفس اسلوب الكيزان؟ احسب والشهاده والجهاد؟ كنت احترمك لو قلت اعدام الحكومة ومن ساعدها في دمار البلد ياوهم يا دجال يا مرض انت منتو وجيت من وين

    1. اهو ده وامثاله والاكعب منو حيجوكم بعد البشير عشان يأدبوك انت واشكالك من المعارضه كلهم ويطيروها ليكم من ريسانكم الفاضيه دي وبعدها حتقولو يا حليلك يالبشير زي ما هسي شغالين تقولوا يا حليلك يا نميري يا حليلك يا ابو عاج

  2. هذا الزلمه مرشح لنادي الزومه! ممكن ~اخر رئيس عربي يحكم السودان القاعد معنا.بعده الكرازي …والدوله السودانيه الحديثه… من علم الكتاب

  3. تشم الرئاسة قدحة انت مجنون يا زول رئاسة شنو كان غيرك اشطر صدقنى
    بشة دا الا يسلمها للمسيح الدجال .وانت جاى عشان تحاكم تجار المخدرات
    عينك للفيل وتطعن فى ظله على الاقل كان تقول احاكم القطط السمان

  4. انا بكرة برضو برسل صورتى لناس موقع النيلين الحلو دا واقول ليهم انا عاوز
    اترشح لرئاسة الجمهورية واول قرار لى بحكم باعدام جميع نمل السكر فى البلد
    وارجع ليكم جبل كسلا الاختفى من ظهر الارض وهذا هو برنامجى لحملة الانتخابات

  5. محاربة تجارة المخدرات من اهم واجبات الدولة (حفظ النفس والمال ) ندعو الدولة ان تقوم بواجبها في حماية عقول الشباب من المخدرات وان تنزل العقوبات الشديدة على تجار ومروجي المخدرات ( الاعدام فقط )