الحكومة تعلن تطبيق قانون الرفق بالحيوان لمحاسبة أصحاب الماشية والكلاب الضالة
أعلن مدير الإدارة العامة لصحة الحيوان والوبائيات بوزارة الثروة الحيوانية بروفيسور “خضر محمد الفكي” عن عزم الوزارة تطبيق قانون الرفق بالحيوان الذي أجازه البرلمان السوداني في 2015م.
وقال في المنتدى الدوري للوزارة أمس (الأحد) إن الوزارة تدرس تطبيق قانون (رفاه الحيوان) الذي يلزم أصحاب الحيوانات بالمسؤولية عن أكلها وشرابها وتوفير الماؤى لها، لافتاً إلى أن القانون يحاسب كل صاحب كلب أو ماشية طليقة قصر في الرعاية أو تركها طليقة دون وأضاف: (سنطبقه قريباً) وكان قد أجاز البرلمان القانون المثير للجدل وكفل القانون للحيوان” الحماية من العطش والجوع والخوف، وعدم تعرضه لمؤثرات فيزيائية، وحرية التعبير عن سلوكه الحيواني)- بحسب نص القانون وحدد القانون الجديد، ساعات عمل الحيوان، وفرض عقوبات تصل للسجن والغرامة في مواجهة منتهكي حقوق الحيوانات.
المجهر السياسي.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اولا ارفقوا بالإنسان العندكم اليموت بالسل نتيجة الجوع فى شرق السودان ياكذابين
هههههههههههههه ياتو حيوان الناطق ؟ ولا الغير ناطق ؟
تساؤلات
ما المقصود بحرية التعبير عن السلوك الحيواني ويأتو سلوك المقصود
ما المقصود بتحديد ساعات العمل للحيوان دي صعبة عديل يعني الكلب لو ساهر يوم تاني إجازة ولا شنو وما وررونا العطلآت كييف والعمل في الإجازات الرسمية
وكمان الحماية من الخوف دي كيف يعني غنمآيتك كان خافت من كلب يعتبر جريمة تودي لمصادرة الغنماية
وتوفير الماؤى المناسب للكلب مكيف ولا مروحة
سؤال انتو متأكدين الزول ده بروف
حرية التعبير عن سلوكه الحيواني
وقعا لي
قدرت ما عاينت يمين وشمال اصلو ما وقعت لي
اما ساعات عمل الحيوان دي براها كوم
اصلا ما اشتغلت بيها الشغلة
لانو في جداد ما الجداد الالكتروني
جداد حقيقي
بكونوا فاتحين ليهو النور عشان ينتج اربعة وعشرين ساعة
ديل مفترض يوروهم الطفأ النور منو
الجداد مستهدف اما بقية الحيوانات ما عندها شغلة بي كلامكم دا ولا جايبة ليهو خبر
كانت نملة تسف ليها 450 شوال سكر
ولا فار جقر كبير يقرض ليهو حديد واسمنت بتاع كبري
الفار اتطور خلى الجبنة وقال يطرق سنيناتو في الكباري
اما الكدايس والكلاب عارفين كويس هم بعملوا في شنو
الكديس شغال بالصباح وديل السمان
الكلاب شغالين بالليل هوهوهوهوة جنس هوهوهوة
الحيوانات مقدور عليها بس الحيوانات التانية دي يفهموها كيف انو في حيوانات معانا يا حيوانين
هههههههههههههههههههههههههههههههههه
شر البلية مايضحك………………….
خلاص كملتوها وقبلتوا على الحيوانات كمان…..
الجقور ماخليتوها في حالها..
النمل لبستوهم جرايم …
تاني باقي شنو؟؟؟؟!!!!
الله يقلعكم ونتفكه…………