هجوم عنيف على عرض أزياء سوداني ترقص فيه إنصاف مدني.. فيديو
هجوم عنيف شنه متابعون لحفل مصاحب لمعرض العطور و الفلكلور السوداني خاصة فقرة عرض الأزياء الخاصة بالثوب السوداني ، حيث علق عدد من الذين شاهدوا الفيديو على يوتيوب مستنكرين مثل هذه الفعاليات التي تقام وسط الضائقة المعيشية التي يعانيها الشعب السوداني ،
حيث كتب أحد المعلقين قائلاً ? الناس في شنو وديل في شنو ،أغاني وكلام فاضي وعرض ثوب سوداني والباقي لرمضان 29 يوم ، والله ديل في جهنم خالدين فيها) بينما قال آخر : (فياقه وعدم موضوع وقروش كتيره … )
وأضاف ( هضمنا الموضوع قلنا عرض ثياب سودانية الرجال دخلهم شنو دا نوع البقولوا ليهو أرح يا بيبو ودينا حفلة إنصاف مدني ) وتابع مستنكراً ( الرغيفه إذا بقت بي 5 جنيه ما فارقه معاهم ما هو حرام في حرام) بينما تساءل آخر عن غياب القيم السودانية حيث كتب معلقاً ? أصلح حال السودان. ياخي هو متيـن قاعدين اعملو عرض للتوب دا آخر زمن مافي مسؤول فيهو نخــوة وشهامة في البلد اوقف قلة الأدب دي ، كان عندنا قيم ومبادئ لكن مشت وين ماعارف. ديل كلهم مافيهم راجل فيهو حرشه قلب) ، يذكر أن عرض الأزياء السوداني شاركت فيه الفنانة انصاف مدني التي قدمت فاصلاً راقصاً قبل بداية فقرة عرض الثوب السوداني.
الخرطوم (كوش نيوز)
والله العظيم الذى لا اله الا هو مافي اتفه من هذا؟؟؟؟؟؟؟؟؟؟؟؟؟؟؟؟؟؟؟رجال علي نساء بايظه عايزه حرق بالجاز شوف الواطي دي فرحان حايم حول المسرح ماذا نرجو ا من مثل هذا من ابناء وتربية في البيت غير ان يرفد المجتمع بمزيد من المنحلين مثلة.
هذه الخليعة النكرة أتفه من يمشى على أرض الفن السودانى وكل الحق على إعلامنا التافه الذى روَج لها وفسح لها مسارحه وشاشاته لتسرح وتمرح فيه بوجهها الكالح رغم الصنفرة…والفسخ…تبا لها حيث ما حلت
دايما الناس تنتقد وهذا رأيكم ولة الاحترام و التقدير/ لكن برأيكم الرجل السودانى أو حتى المراءة السودانية لا يرقص لا يغنى لا يفرح ولا يلبس ازياء عصرية ولا يحلق شعرة بالطريقة التى تعجبة ولا يشارك فى اى مهرجانات ثقافية أو غنائي وان يرتدى الجلابية البيضاء ومركوب الجلد والعمامة وساعةكاسيو لكترونية يربى شعرة على طريقة خوجلى عثمان رحمةاللة وان يستمع لاغانى الحقيبة مع كل احترامنا لها حتى يكون يكون رجل بنظركم / لا هذا ليس صحيح من حق البلد تعمل مهرجانات إرهاصات ثقافية ومن حق الناس ترقص وتعنى وتعيش حياتها بكل حرية مع كامل الاحترام العادات وتقاليد البلد